KALAPPASSANG 13:12 - KITTA' MATANGKASA'

¹² musti nupassareangi sikamma ana' bura'ne bungasa'nu siagang sikamma olo'-olo' piara lakia ia bungasa' lassuka. Yangasenna anjo Batara pata,

KALAPPASSANG 13:12 Referans Kwoze

PAMMILANGNGANG 18:15

Sikontu bungasa' lassuka battu ri rupataua kammayatompa olo'-olo' napassareanga tu Israel mae ri Nakke, iami bageannu. Mingka musti nupasuluki sikamma ana' bungasa'nu, kammayatompa olo'-olo' harang bungasa' lassuka.

KAIMANGNGANG 27:26

Olo'-olo' bungasaka lassu' Batara pata; jari takkulleai nipassareang untu' koro'bang ero' kalenna taua. Ana' sapi, ana' gimbala' yareka ana' bembe uru lassuka, Batara patanna.

KALAPPASSANG 34:19

Sikontu ana'-ana' bura'ne bungasaka siagang olo'-olo' laki bungasa' lassuka, iNakke pata,

YEHEZKIEL 44:30

Sikamma imanga musti nisareangi bageang kaminang bajika battu ri sikontu wassele' alleang bungasaka, siagang battu ri apa-apa mamo nipassareanga mae ri Nakke. Punna appare' bansa Israel roti, anjo roti bungasa' nipareka musti untu' imanga. Jari laKubarakkaki ruma tanggana bansa Israel.

KALAPPASSANG 13:2

“Sikontu ana'-ana' bura'ne bungasaka passareangi ri Nakke. Sikontu ana'-ana' bura'ne bungasa'na Israel, siagang sikontu olo'-olo' laki bungasaka lassu', iNakke ngaseng pata.”

PAOLE 15:19

Ana' sapi laki siagang ana' gimbala' laki bungasa' lassuka musti nipassareangi mae ri Karaeng Allata'ala. Anjo sapia takkulleai nipake untu' appa'jeko, siagang anjo gimbalaka takkulleai nicukkuru'.

KALAPPASSANG 22:29

Ri allo le'baka nipattantu, angngerangko passare mae ri Nakke, iamintu bageang battua ri wassele' gandunnu, je'ne' anggoro'nu siagang minynya' zaitunnu. Passareangi mae ri Nakke ana' bura'ne bungasa'nu,

PAMMILANGNGANG 8:17

Ri wattunna Kubuno ngaseng sikontu ana' bungasa'na tu Mesir, ana' bura'ne bungasa' sikamma kaluarga tu Israel kammayatompa sikamma olo'-olo' bungasa' lassuka Kupa'jari iNakke pata.

PAMMILANGNGANG 3:12

“Kamma-kamma anne Kupilei sikamma tu Lewi a'jari taungKu. Ri wattunna Kubuno sikontu ana' bungasa'na bansa Mesir, Kusa'laki untu' KalengKu sikontu ana'-ana' bungasa'na tu Israel siagang sikontu olo'-olo' piara bungasa' lassu'na ke'nanga. Yangasenna anjo iNakke pata. Salaku sambenna ana'-ana' bura'ne bungasa'na Israel Kuallei tu Lewi untu' KalengKu; anjo ke'nanga la'jari taungKu ngasengi. INakkemi Batara.”

LUKAS 2:23

Nasaba' nia' tattulisi' lalang ri Hukkung Napassareanga Batara angkanaya, “Sikontu ana' bura'ne bungasaka musti nipassareangi mae ri Batara.”

KALAPPASSANG 13:1

Nakanamo Batara ri Musa,

YEHEZKIEL 16:20

Nampa nupassareangi ana'-anatta, bura'ne siagang baine a'jari koro'bang mae ri barhala-barhalaya. Maka tanggannakkapi angkanaya tena namajarre' pa'mai'nu mae ri Nakke?

KALAPPASSANG 22:28

Teako sumpai Allata'ala, siagang teako tunrai pamimpinna bansanu.

KALAPPASSANG 34:20

mingka ana' keledai bungasa' lassuka musti nupasuluki siagang sikayu ana' gimbala' nupassareang a'jari sambenna. Punna taerokako ampasuluki, musti nutepoki kallonna anjo keledaia. Sikamma ana' bura'ne bungasaka musti nupasuluki. Tena manna sitau akkulle battu mae ri Nakke punna tena nangngerang passare.

NEHEMIA 10:36

Lanaerangi ikambe sikamma ana' toana ikambe mae ri imanga ri Balla'Na Batara ri Yerusalem untu' nipassareang mae ri Allata'ala, situru' paratorang Hukkunga. Lanapassareang tongi ikambe ana' sapi, ana' gimbala', yareka ana' bembena ikambe, ia uru lassuka.

NEHEMIA 10:37

Lanaerangi ikambe mae ri imanga ri Balla'Na Batara ri Yerusalem gandung nileoka, ia uru niallea taung-taung, kammayatompa apa-apa nipassareang maraengannaya kammayami anggoro', minynya' zaitun siagang sikamma rappo-rappoanga. Passare bage sampuloa battu ri wassele' kokonna ikambe, lanaerangi ikambe mange ri tu Lewi, ia ampasse'reai anjo passare bage sampuloa ri kota-kotana pamarria.