KALAPPASSANG 12:46 - KITTA' MATANGKASA'

⁴⁶ Sikontu anjo dageng gimbalaka musti lalangi ri balla' nikanre, siagang takkulleai nierang assulukang balla'. Teako tepoki bukunna manna pole sipappa'.

KALAPPASSANG 12:46 Referans Kwoze

YOHANES 19:36

Kajariammi anjo passalaka, sollanna a'rupamo apa niaka tattulisi' lalang ri Kittaka, angkanaya, “Tena manna se're lanitepo' bukunNa”.

PAMMILANGNGANG 9:12

Teako nia' nusesa anjo kanrea sa'genna ammuko bari'basa', siagang teako tepoki bukunna manna pole sipappa' anjo olo'-olo' nipassareanga mae ri Nakke. Pakalompoi anjo allo Paskaya situru' siagang sikontu paratoranga.

YOHANES 19:33

Ri wattunna battu ke'nanga ri Isa, nacini'mi ke'nanga angkana matemi Isa. Jari tanatepokami ke'nanga bangkenNa Isa.

1 KORINTUS 12:12

Almasi sanrapang tubuna taua; anjo tubua se'reji, mingka jai anggotana. Sikontu anjo anggota tubua, manna najai, mingka a'jari se'rei ilalang ri tubua.

PAMMUJI 34:20

Jai pa'risi'na tu bajika, mingka nilappassangi ri Batara battu ri yangasenna anjo.

PAMMUJI 34:21

Tuli nijagai batangkalenna ri Batara, manna sipappa' bukunna talanitepokai.