KALAPPASSANG 12:41 - KITTA' MATANGKASA'

⁴¹ Ri allo kala'busanna anjo taung maka-430 taung, sikontu barisanna anjo umma'Na Batara a'lampami ambokoi butta Mesir.

KALAPPASSANG 12:41 Referans Kwoze

LAMPA-LAMPANA 1:7

Appialimi Isa Nakana, “KalenNa ManggeKu lampattantui allonna siagang wattunna. Anjo tena naparallu nuasseng, nasaba' anjo lalang koasaNai Manggea.

YOHANES 7:8

Ikau ngasemmo kalennu a'lampa mange anjoreng ri passua'-suarranga. INakke tena Ku'lampa, nasaba' untu' iNakke tanarapikapi wattungKu.”

HABAKUK 2:3

Cataki anjo, nasaba' kamma-kamma anne teaipi wattunna. Mingka tasalloai nabattu anjo wattua, siagang apa le'baka Kupa'nyata mae ri kau tena ta'rupana. Manna pole nasallo ijapa cinikanna, mingka tayang mami! Anjo wattua ma'nassa labattui siagang tena nalanipaunduru'.

DANIEL 9:24

Pintuju tattujupulo taung iamintu wattu le'baka Napattantu Allata'ala untu' ampakabebasaki bansanu siagang anjo kota matangkasa'nu battu ri dosa-dosaya siagang kaja'dallanga. Sikontu dosaya lanipammopporangi siagang lanipaentengi kaadelang tamattappuka, sa'genna a'rupa anjo paccinika siagang botoa, kammayatompa anjo Balla' Matangkasa'Na Batara lanipangngadakkangi ammotere' mae ri Batara.

PAMMUJI 102:13

Mingka iKatte, o, Batara, Karaeng satunggu-tunggua, tuli niu'rangiKi' ri sikontu turungang.

YOSUA 5:14

Appialimi anjo taua angkana, “Teai agang, siagang teai todong bali. Inakke battua' mae anrinni salaku panglimana tantaraNa Batara.” Nalangngere'na Yosua pappialinna anjo taua, su'ju'mi anynyomba ri anjo taua. Angkanami Yosua, “Inakke anne atanta' karaeng. Apa akkulle kugaukang untu' ikatte?”

KALAPPASSANG 12:51

Anjo alloa Naerammi Batara sikontu bansa Israel assulu' battu ri Mesir.

KALAPPASSANG 12:17

Anjo alloa laKuerangi sikontu bansanu assulu' battu ri Mesir. Lanri kammana anjo untu' situlusu'na, tunggala' taung, anjo allo kammaya musti nupakalompoi a'jari allo lompo.

KALAPPASSANG 7:4

Lanri kammana anjo laKuhukkungi Mesir siagang hukkungang-hukkungang battala', nampa Kuerang sikontu bansa Israel, ummakKu, assulu' battu ri anjo pa'rasanganga.

KALAPPASSANG 3:10

Kamma-kamma anne Kusuroko untu' mange andallekang ri Karaeng Mesir sollanna akkulle nupimping bansaKu assulu' battu ri anjo pa'rasanganga.”

LAMPA-LAMPANA 7:36

Iaminjo Musa ampimpingi bansa Israel assulu' battu ri Mesir; iami anggaukangi anjo gau'-gau' appakalannasaka ri Mesir, ri Tamparang Ejaya, kammayatompa ri parang lompoa patampulo taung sallona.

KALAPPASSANG 3:8

Lanri kammana anjo, erokKa' naung untu' allappassangi ke'nanga battu ri limanna tu Mesirka, nampa Kuerang ke'nanga assulu' battu ri anjo pa'rasanganga naKuerang mange ri pa'rasangang luaraka. Buttana coppongi siagang akkalumanynyangi. Kamma-kamma anne anjo pa'rasanganga napammantangi bansa Kanaan, bansa Het, Amori, Feris, Hewi siagang Yebus.

KALAPPASSANG 6:6

LaKupa'jariko ummakKu, siagang iNakke a'jari Allata'alanu. Na lanuassemmo angkanaya iNakkemi anne Batara, Allata'alanu, le'baka allappassangko battu ri Mesir, ampare' atayako.

PA'JARIANG 50:24

Nakanamo ri sikamma sari'battanna, “A'birimmi narapi' a'jalakku, mingka mattantu laNaparakai ngasengko siagang laNapimpingko Allata'ala assulu' battu ri anne pa'rasanganga mange ri pa'rasangang le'baka Napa'janjiang siagang sumpa mae ri Abraham, Ishak siagang Yakub.”

KALAPPASSANG 6:26

Iaminjo ke'nanga sipa'rua andallekang ri Karaeng Mesir sollanna nalappassang tu Israel.

KALAPPASSANG 13:3

Nakanamo Musa mae ri bansa Israel, “Anne alloa Nalappassang mako Batara lalang koasa malompoNa, sa'genna akkulle mako assulu' battu ri Mesir, tampa'nu nipare' ata. Lanri kammana anjo, pakalompomi anne alloa. Teako angnganrei roti ammakea pa'gambang.

KALAPPASSANG 13:9

Anne passua'-suarranga anjari pangngu'rangi mae ri kau, sanrapang pammatei nisikkoka ri limannu yareka pammatei ri abannu. Anne passua'-suarranga anjari pappiu'rangi mae ri kau sollanna tuli nubicara siagang tuli nupilajari Hukkung-hukkunNa Batara; saba' Napasulukko Batara battu ri Mesir siagang koasa malompoNa.

KALAPPASSANG 13:14

Punna ri bokoang allo nakkuta'nang ana'nu angkana apa ngaseng battuanna anjo sikammaya, musti appialiko angkana, ‘Lalang koasa malompoNa Batara na Naerang maki' assulu' battu ri pa'rasangang Mesir, tampatta nipare' ata.

KALAPPASSANG 13:16

Anjo kabiasang kammaya a'jari pappiu'rangi mae ri katte, sanrapang pammatei nipasikkoka ri limanta yareka pammatei ri abanta. Lanri kammana tuli nipiu'rangiang maki' angkanaya Batara le'ba' ampasulukki' battu ri Mesir siagang koasa malompoNa.”

KAIMANGNGANG 23:43

sollanna nanaasseng jari-jarinu angkanaya Batara assuroi bansa Israel ammantang lalang ri balla'-balla' leko' kayu biasaya, ri wattunna Naerang ke'nanga assulu' battu ri butta Mesir. Iami Karaeng Allata'alanu.

PAMMILANGNGANG 23:22

Allata'ala angngerangi ke'nanga assulu' battu ri butta Mesir; rapang tedong romang liara' a'bundu' ansambeangi ke'nanga.

PAMMILANGNGANG 33:1

Nabokoinamo bansa Israel butta Mesir, a'barrisi' situru' massing suku bansana, nipimping ri Musa siagang Harun, assengkai ke'nanga ri siapa are tampa'.

PAOLE 4:37

Lanri Nakamaseangi boe-boenu, na Napile mako; lanri koasa malompoNa na Naerang mako assulu' battu ri Mesir.

PAOLE 16:1

“Pakalompoi Allo Lompo Paskaya ri bulang Abib untu' ampakala'biriki Karaeng Allata'alanu, nasaba' ri wattu iaminjo bulanga, ri wattu bangngina, naNalappassangko Batara battu ri Mesir.

YOSUA 24:5

Nampa Kusuroi Musa siagang Harun ampitujui bala lompo pa'rasangang Mesir, nampa Kupasulukko battu anjoreng.

1 KARAENG-KARAENG 6:1

Napakaramulai Salomo ambangungi Balla'Na Batara ri bulang Ziw, iamintu bulang makarua, lalang taung makaappa'na ammarenta, yareka 480 taung le'ba'na bansa Israel ambokoi Mesir.

2 PATTOTTORANG 14:12

Nampa majumo Asa siagang tantara Yehuda ambunduki tantara Sudan. Nabetami Batara anjo tantara Sudan sa'genna lari kabusu'mo ke'nanga.

PAMMUJI 114:1

Ri wattunna assulu' bansa Israel battu ri Mesir, wattunna nabokoi turunganna Yakub pa'rasangang maraenga,

PAMMUJI 136:11

Naantaraki tu Israel assulu' battu ri Mesir; pangngamaseanNa sa'genna satunggu-tungguna;