KALAPPASSANG 12:40 - KITTA' MATANGKASA'

⁴⁰ Nia'mo 430 taung sallona ammantang bansa Israel ri Mesir.

KALAPPASSANG 12:40 Referans Kwoze

PA'JARIANG 15:13

Nakanamo Batara ri ia, “U'rangi, angkanaya la'jari tubattu-battui turungannu ri se'reang pa'rasangang maraeng; la'jari atai ke'nanga anjoreng siagang lanijallakkangi patambilangngang taung sallona.

LAMPA-LAMPANA 7:6

Mingka iaminne kananNa Allata'ala ri ia, ‘Lammantangi sossorannu a'jari tu battu-battu ri pa'rasanganna taua. Lanipa'jari atai ke'nanga ri patanna anjo pa'rasanganga, siagang lanigau' pallaki ke'nanga patambilangngang taung sallona.

LAMPA-LAMPANA 13:17

Le'ba'mi Napile Allata'ala bansa Israel, boe-boeta, naNapa'jari jai anne bansaya ri wattunna ammantang ke'nanga annumpang ri butta Mesir. Nampa lalang kakoasang lompoNa Allata'ala, Naerammi Allata'ala assulu' ke'nanga battu ri Mesir.

IBRANI 11:9

Lalang tappa'na ammantammi Abraham ri anjo pa'rasangang Napa'janjianga Allata'ala, a'jari kamma tu battu-battu. Ammantangi Abraham anjoreng, lalang ri kema napareka. Kamma tomminjo Ishak siagang Yakub, le'baka todong antarimai anjo janji kammaya battu ri Allata'ala.

PA'JARIANG 15:16

Punna narapi'mo patang lapisi' turungannu, lammotere'mi cucu-cucunnu mae anrinni, nasaba' talaKubongkayapi a'lampa tu Amori punna tenapa ta'liwa' ja'dala'na ke'nanga sa'genna parallu nihukkung.”

KALAPPASSANG 3:10

Kamma-kamma anne Kusuroko untu' mange andallekang ri Karaeng Mesir sollanna akkulle nupimping bansaKu assulu' battu ri anjo pa'rasanganga.”