KALAPPASSANG 12:29 - KITTA' MATANGKASA'

²⁹ Ri wattu lantanna anjo bangngia Nabunomi Batara sikontu ana' bura'ne bungasa'na bansa Mesir, appakkaramula battu ri ana'na karaenga, sa'genna mae ri ana'na tau nitarungkua. Sikontu olo'-olo' bungasaka lassu' nibuno ngaseng tommi.

KALAPPASSANG 12:29 Referans Kwoze

PAMMUJI 78:51

Nabunoi sikontu ana' toa bura'nena ke'nanga lalang ri massing kaluargana tu Mesir.

KALAPPASSANG 4:23

siagang ikau Kuparentakang mako sollanna nusare ising anjo anakKu untu' a'lampa, sollanna akkulle nagaukang ibadana mae ri Nakke; mingka nutollaki anjo parentaKu. Kamma-kamma anne laKubunoi ana'nu toaya.’ ”

PAMMUJI 135:8

Ri Mesir Nabunoi sikontu ana' bungasaka battu ri rupataua sa'genna olo'-oloka.

PAMMUJI 105:36

Nampa nabuno ngaseng sikontu ana' bura'ne toaya lalang sikontu kaluargana tu Mesir.

PAMMUJI 136:10

Nabunoi sikontu ana' bungasa'na tu Mesir; pangngamaseanNa sa'genna satunggu-tungguna.

PAMMILANGNGANG 8:17

Ri wattunna Kubuno ngaseng sikontu ana' bungasa'na tu Mesir, ana' bura'ne bungasa' sikamma kaluarga tu Israel kammayatompa sikamma olo'-olo' bungasa' lassuka Kupa'jari iNakke pata.

KALAPPASSANG 12:12

Anjo bangngia laKujappai sikontu butta Mesir, nampa Kubuno sikontu ana'-ana' bura'ne toaya, baji' rupataua, kammayatompa olo'-oloka. LaKuhukkungi sikontu rewatana Mesir, lanri iNakkeji bawang Batara.

IBRANI 11:28

Lanri tappa'na nappare'mo Passua'-suarrang untu' Allo Kalappassang; siagang nasuro ba'basa'mi cera' olo'-olo' sikamma tompo' pakke'bu'na tu Israelka, sollanna tanibunoa ana' bungasa'na ke'nanga ri Malaeka' Paalle Nyawaya.

PAMMILANGNGANG 33:4

sitabanga antarawangi ana'-ana' bungasa'na ke'nanga, ia le'baka nibuno ri Batara. Lanri iaminjo gau'na, na Napa'buttimo Batara angkanaya Ia la'bi kassa' kala rewata-rewatana tu Mesir.

KALAPPASSANG 13:15

Ri wattunna kapala batu Karaeng Mesir siagang taerokai allappassangki' a'lampa, Nabunomi Batara sikontu ana'-ana' bura'ne bungasa' lassuka ri Mesir, baji' ana' rupataua kammayatompa ana' olo'-oloka. Iaminjo saba'na nanikoro'bangkang mae ri Batara sikontu olo'-olo' piara lakia ia bungasaka lassu', mingka nipasuluki ana'-ana' bura'neta ia bungasaka lassu'.’

IBRANI 12:23

Pa'rappungang sannaka suara'na nuhaderi – iamintu passibuntulanna ana'-ana' bungasa'Na Allata'ala, ia niaka areng-arenna tattulisi' lalang ri suruga. Allata'ala nudallekang, Hakinna sikontu rupataua. Roh-rohna tau bajika siagang tau le'bakamo nipasukku' tallasa'na nudallekang.

ZAKHARIA 9:11

Nakana Batara mae ri umma'Na, “Lanri parjanjiang le'baka Kupare' siagang ikau ngaseng, parjanjiang nipa'jari assaya siagang cera' koro'bang nipassareanga, laKupakabebasaki ra'ya'nu sessaya lalang ri butta pammelakkang sangkamma tau nikurunga lalang ri bungung kalotoro'.

YEREMIA 38:13

Nampa nabesokka' ke'nanga nai' assulu' ri anjo bungunga. Le'baki anjo, anjoremma' ri paranglakkenna balla' karaenga nitahang.

YEREMIA 38:6

Nampa naallea' ke'nanga siagang napanaunga' siagang otere' antama' ri bungunna Malkia ana' bura'nena karaenga, niaka lalang ri paranglakkenna balla' karaenga. Tena je'ne'na anjo bungunga, poro peo'ji bawang lalang; nakuantama'mo ri peoka anjo.

YESAYA 51:14

Sikamma tunitahanga lanilappassangi linta'; tena nalakakurangang ke'nanga ri kanre, siagang talamateai na nikuburu'.

YESAYA 24:22

Lanipa'rappungangi ke'nanga rapang tau nitahanga lalang ri kali'bong, siagang nipantamaka ri tarungkua sa'genna narapi' wattunna lanihukkung.

AYUB 34:20

Ri tangngana bangngia, ti'ring mate silalonna ke'nanga. Nahukkungi Allata'ala pamarentaya, na ancuru'mo ke'nanga; gampang sikali bateNa ambunoi ke'nanga tu barania.

KALAPPASSANG 9:6

Ammukona Nagaukammi Batara situru' anjo apa le'baka Napau. Sikontu olo'-olo' piarana tu Mesir mate ngasemmi, mingka olo'-olo' piarana tu Israel manna sikayu tania' mate.

KALAPPASSANG 12:28

Nampa a'lampa ke'nanga siagang nagaukang anjo apa Naparentakanga Batara mae ri Musa siagang Harun.

PAMMUJI 78:50

Tena Natahangi larroNa yareka Nakarimangngi tallasa'na ke'nanga, mingka Naballassi ke'nanga siagang puru-puru lompo.

HABAKUK 3:5

Kisuroi garringa a'jappa ri dallekanTa nakamateanga amminawang ri bokoTa.

PA'JARIANG 15:14

Mingka anjo bansa ampa'jari atayai turungannu laKuhukkungi. Siagang punna nabokoi turungannu anjo pa'rasanganga, langngerangi ke'nanga jai barang-barang.

KALAPPASSANG 11:1

Nakanamo Batara ri Musa, “LaKupitujui pole se're bala Karaeng Mesir siagang ra'ya'na. Le'baki anjo, lanalappassang mako a'lampa. Ba'lalo lanabongka ngasengko battu anrinni.

YESAYA 41:11

Ciniki, sikontu tau larroa mae ri kau, lanibetai nammakkala' kacci. Tau angngewayako, lapanraki nala'busu' nibarrasa'.