KALAPPASSANG 11:6 - KITTA' MATANGKASA'

⁶ Ri sikontu Mesir lania' kalangngerang sa'ra piraung lompo, tenaya nale'ba' kajariang baji' riolo kammayatompa ribokoanganna.

KALAPPASSANG 11:6 Referans Kwoze

KALAPPASSANG 12:30

Anjo bangngia ambangung ngasemmi tu Mesir siagang karaenga kammayatompa sikamma pagawea. Nia'mo kalangngerang sa'ra karru' lompo ri sikontu pa'rasangang Mesir. Tena manna se're balla' tu Mesir takamateang ana' bura'ne bungasa'na.

AMOS 5:17

Ri sikontu koko anggoroka, lappiraungi taua lanri battuA' anghukkungko. INakke Batara, anne akkana.”

LUKAS 13:28

Ri wattunna nucini' Abraham, Ishak, siagang Yakub kammayatompa na'bi-na'bia a'rannu-rannu lalang ri Lino BeruNa Allata'ala, langngarru' mako siagang lasessa mako, nasaba' lanibongka mako ikau assulu'!

ZEFANYA 1:10

Nakana Batara, “Ri anjo alloa lania' kalangngerang sa'ra karru' ri Pakke'bu' Lompo Juku'. Sa'ra piraung lakalangngerang battu ri kampong berua, siagang sa'ra runtung heba' lammarrung battu ri bulu'-buluka.

PIRAUNG 3:8

Ammarranga' appala' tulung, mingka taerokai Allata'ala ampilangngeria'.

YEREMIA 31:15

Nakana Batara, “Ri Rama nia' kalangngerang sa'ra karru', siagang kunrareng napakamma pacce. Rahel angkarruki ana'-ana'na, taerokai nisaleori lanri tena ngasemmi ke'nanga.

YESAYA 15:8

Kemae-kemae ri pa'baeng-baenna Moab nia' kalangngerang sa'ra tau ammarrang. Piraunga kalangngerangi ri Eglaim siagang Beer-Elim.

PANGNGEBARANG 21:13

Inai taeroka mappilangngeri ri kunrarenna tau kakuranganga, tena todong nalaniparhatikang punna appala' tulung.

KALAPPASSANG 3:7

Nampa Nakanamo Batara, “Kucini'mi kasessanna ummakKu ri Mesir, siagang Kulangngere'mi pakkio'na ke'nanga, ampalaki nilappassang battu ri sikamma tau anjallakkangai ke'nanga. Sikontutojenna Kuasseng ngasengi kasessanna ke'nanga.

KALAPPASSANG 11:7

Mingka ri bansa Israel tena nalaniganggu, baji' rupataua kammayatompa olo'-olo' piaraya. Jari lanuassemmi angkanaya iNakkemi Batara, ampasisalai tu Mesir siagang tu Israel.’ ”

KALAPPASSANG 9:18

Ammuko bari'basa', ri wattu kamma-kammaya anne, lappabattuA' bosi es sannaka heba'na, tenayapa nale'ba' kajariang ri Mesir battu riolo sa'genna kamma-kamma anne.

YESAYA 19:16

Nia' sallang se're wattu nala'jari pa'malla'-mallakkang siagang ballorang tu Mesir sangkamma tubaine. Annekkereki napakamma malla' punna nacini' Batara Kaminang Makoasaya ampaentengi limanNa untu' anghukkungi ke'nanga.