KALAPPASSANG 10:15 - KITTA' MATANGKASA'

¹⁵ Sikontu tompo'na buttaya nitongko' ngasengi ri katimbang sa'genna le'leng nicini' buttaya. Sikontu apa niaka nikanre ngasemmi ri anjo katimbanga, iamintu niaka tassesa tenaya nipanraki ri bosi es, kammayami rappo-rappo kayua. Ri sikontu pa'rasanganga tenamo apa-apa moncongbulo ammantang tassesa ri poko'-pokoka siagang lamung-lamunga.

KALAPPASSANG 10:15 Referans Kwoze

KALAPPASSANG 10:5

Sikontu buttaya lakatongkokang taba sikali ri katimbang sannaka jaina. Sikontu lamung-lamung niaka tassesa, ba'lalo poko'-poko' kayu tenaya nipanraki ri bosi es, lanipaccappuki ri anjo katimbanga.

YO"EL 2:25

LaKusambei sikontu karugiannu ri taung-taung nakanrena katimbang wassele' lamung-lamunnu. Nasaba' iNakke angkiringi battu anjo pasukang katimbanga mae ri kau.

PAMMUJI 78:46

Appabattui olo' siagang katimbang, ampaccappuki kattoanna siagang wassele' kokonna ke'nanga.

KALAPPASSANG 10:12

Nampa Nakanamo Batara ri Musa, “Angkaki limannu ri tompo'na butta Mesir. Labattui sikamma katimbanga angkanrei sikontu lamung-lamung niaka tassesa ri le'ba'na bosi es.”

AMOS 7:2

Anjo katimbang jaia a'biringi nakanre sa'genna la'busu' sikontu timbo-timboanga ri buttaya. Nampa kukanamo, “O Batara Kaminang Tinggia, Kipammopporang laloi ummatTa! Teai sipato' ca'dina siagang lammana ke'nanga, jari antekamma batena lakkulle ke'nanga attahang?”

PAMMILANGNGANG 22:5

tunisuro mange angkioki Bileam, ana'na Beor niaka ammantang ri kota Petor ri ampi'na Binanga Efrat ri daera Amau. Nisuroi ke'nanga ampabattui mae ri Bileam anne pasanna Balak angkana, “Parallui nuasseng angkanaya nia' se'reang bansa battu ri Mesir; tassiaraki taunna mae ri kere-kere mae siagang apparurumi ke'nanga ero' ambunduki ikambe.

PANGNGEBARANG 30:27

Katimbang, olo'-olo' tena karaenna, mingka ta'atoroki barisanna.

YO"EL 1:4

Katimbang sannaka jaina takkullea nibilang, a'dangka' ri kokoa ampaccappuki wassele'na. Apa nasesaya anne katimbanga, nipaccappuki ri katimbang maraengannaya.