KAIMANGNGANG 9:4 - KITTA' MATANGKASA'

⁴ Suroi ke'nanga assare todong sikayu sapi laki siagang sikayu bembe laki untu' koro'bang passiamakkang. Yangasenna anjo musti napassareangi ke'nanga mae ri Batara siagang koro'bang nipatala nisarea minynya', lanri anne alloa laniaki Batara battu mae ri ke'nanga.”

KAIMANGNGANG 9:4 Referans Kwoze

KALAPPASSANG 29:43

AnjorengA' lasibuntulu' siagang bansa Israel, na cayana kahaderangKu lampa'jari matangkasaki anjo tampaka.

KAIMANGNGANG 9:23

Nampa antama' Musa siagang Harun ri KemaNa Batara. Le'baki anjo assulu'mi ke'nanga nampa nabarakkaki ummaka. Nampa nacini' sikontu umma' Israel caya kahaderanNa Batara.

KAIMANGNGANG 9:6

Nampa nakanamo Musa, “Nasuro ngasengko Batara anggaukangi anne kammaya sollanna akkulle nucini' caya kahaderanNa Batara.”

YEHEZKIEL 43:2

siagang anjoremmi nia' kucini' caya accilla' battu raya, iamintu tanra kahaderanNa Allata'alana Israel. Kalangngerammi sa'ranNa Allata'ala sangkamma gamarrunna bombanga ri tamparang, siagang accilla'-cillaki buttaya lanri singara' kahaderanNa Allata'ala.

PAMMILANGNGANG 16:19

Nampa napasse're Korah sikontu ummaka; nampa ammenteng ke'nanga assidallekang siagang Musa na Harun ri pakke'bu' KemaNa Batara. Ti'ring nia'mo nacini' sikontu umma' caya sioro'Na Batara.

PAMMILANGNGANG 14:10

Sikontu ra'yaka a'garatta'mi ero' ansambilai ke'nanga batu sa'genna mate. Mingka ti'ring nia'mo nacini' ke'nanga caya tassioro'Na Batara ammumba irateanna Kemaya.

KAIMANGNGANG 2:1

Punna nia' tau assare koro'bang nipatala mae ri Batara, anjo koro'banga musti a'rupa labu' kaminang bajika, ia nitirikia siagang minynya' zaitun siagang nisarea kamanynyang rateanna.

KALAPPASSANG 24:16

Naummi caya kahaderanNa Batara irate ri anjo monconga na nacini' tu Israel rapang pepe' a'rinra rate ri coppo'na monconga. Annang allo sallona rammanga antongkoki anjo monconga; na ri allo makatujua Nakio'mi Batara anjo Musa battu ri anjo rammanga.

KALAPPASSANG 19:11

Ammembara' musti sadia ngasemmi ke'nanga. Ri anjo alloa lanaungA' ri coppo'na Moncong Sinai, tampa' akkullea nacini' ngasengA' taua.

KALAPPASSANG 16:10

Lalang a'bicarana Harun mae ri yangasenna ke'nanga, accini'mi ke'nanga mae ri parang lompoa na ti'ring nacini'mi ke'nanga cayaNa Batara lalang ri rammanga.

KAIMANGNGANG 9:3

Nampa suroi bansa Israel assare sikayu bembe laki untu' koro'bang pammopporang dosa siagang sikayu ana' sapi kammayatompa sikayu ana' gimbala', massing-massing umuru' sitaung siagang tenaya callanna untu' koro'bang nitunu.

KAIMANGNGANG 9:5

Sikontu anjo napappasangnganga Musa naerang ngasemmi ke'nanga mange ri dallekanna Kemaya, nampa sikontu umma' Israel a'rappungammi anjoreng untu' anggaukangi ibadaya mae ri Batara.

KAIMANGNGANG 3:1

Punna nia' tau assare sikayu sapi untu' koro'bang passiamakkang, anjo sapia akkullei laki, akkulle tongi gana, mingka takkulleai nia' caca'na.

YEHEZKIEL 43:27

Punna le'ba' anjo tuju alloa, sikamma imanga musti appakkaramulai assare irate ri anjo tampa' pakkoro'bangnganga iamintu koro'bang nitunu siagang koro'bang pappasiamakkang untu' ummaka. Jari lasannangi nyawaku mae ri kau ngaseng. INakke, Batara Kaminang Tinggia, anne akkana.”