KAIMANGNGANG 9:2 - KITTA' MATANGKASA'

² Nakanamo Musa mae ri Harun, “Angngalleko sikayu sapi laki rungka siagang sikayu gimbala' laki, rua-ruana tena ngaseng callanna. Passareangi anjo ruaya olo'-olo' mae ri Batara; anjo sapi lakia untu' koro'bang pammopporang dosa, nampa anjo gimbala' lakia untu' koro'bang nitunu.

KAIMANGNGANG 9:2 Referans Kwoze

KAIMANGNGANG 4:3

Punna anjo dorakaya iamintu Imang Lompoa, sa'genna ta'beso' ngaseng todong bansa Israel sala, musti assarei koro'bang iamintu sikayu sapi laki rungka, ia tenaya callanna, mae ri Batara sollanna nipammopporang salana.

IBRANI 7:27

Tasangkammayai imang-imang lompo maraenganga, allo-alloa angngerang koro'bang lanri dosa-dosa kalenna rolong, nampa koro'bang lanri dosa-dosana ummaka. Isa, sikaliji bawang angngerang koro'bang untu' satunggu-tungguna, iamintu ri wattunna Napassareang KalenNa a'jari koro'bang.

2 KORINTUS 5:21

Tena dosaNa Almasi, mingka nipipisangiangi ri Allata'ala sikontu dosata mae ri Ia, sollanta akkulle assibajiki siagang KalenNa, lanri asse'retamo mae ri KalenNa Almasi.

KAIMANGNGANG 8:18

Nampa angngalle Musa gimbala' laki untu' koro'bang nitunu; na Harun siagang sikamma ana'na napadongkoki limanna ke'nanga ri tompo' ulunna anjo gimbalaka.

KAIMANGNGANG 8:14

Le'baki anjo angngallemi Musa sikayu sapi laki rungka untu' koro'bang pammopporang dosa. Harun siagang sikamma ana'na napadongkoki ke'nanga limanna ri tompo' ulunna anjo olo'-oloka.

KALAPPASSANG 29:1

“Kammaminne carana nilanti' Harun siagang ana'-ana'na sollanna akkulle ke'nanga allayaniA' salaku imang. Angngalleko sikayu sapi laki rungkaya siagang ruang kayu gimbala' laki tenaya caca'na.

IBRANI 5:3

Na lanri kalenna jai tongi kakurangnganna, jari musti assaremi koro'bang; teai lanri dosa-dosana bawang ummaka, mingka lanri dosa-dosa kalenna pole.

KAIMANGNGANG 9:3

Nampa suroi bansa Israel assare sikayu bembe laki untu' koro'bang pammopporang dosa siagang sikayu ana' sapi kammayatompa sikayu ana' gimbala', massing-massing umuru' sitaung siagang tenaya callanna untu' koro'bang nitunu.

YEHEZKIEL 29:1

Ri tanggala' sampulonrua bulang sampulo, lalang taung makasampulo ri wattu nipela'na ikambe, Nakana Batara ri nakke,

KAIMANGNGANG 1:3

Punna sapi napassareang, musti lakia siagang tenaya callanna. Anjo sapia musti naerangi mange ri pakke'bu' KemaNa Batara, sollanna mangngellai Batara mae ri anjo taua.

KAIMANGNGANG 1:10

Punna gimbala' yareka bembe napassareang, musti lakia siagang tenaya callanna.

KAIMANGNGANG 16:3

Ri cara assarea bawang sapi laki rungka untu' koro'bang pammopporang dosa siagang sikayu gimbala' laki untu' koro'bang nitunu, nakkulle antama' Harun ri Kamara' Kaminang Matangkasaka.”

KAIMANGNGANG 16:5

Nampa umma' Israel musti napassareangi mae ri Harun ruang kayu bembe laki untu' koro'bang pammopporang dosa siagang sikayu gimbala' laki untu' koro'bang nitunu.