KAIMANGNGANG 9:18 - KITTA' MATANGKASA'

¹⁸ Nampa ammolong todong sikayu sapi laki siagang sikayu gimbala' laki untu' koro'bang passiamakkang mae ri ummaka. Ana'-ana'na Harun angngerangi cera'na anjo olo'-oloka mae ri ia, nampa napatiri' mae ri appaka sa'rinna anjo tampa' pakkoro'bangnganga.

KAIMANGNGANG 9:18 Referans Kwoze

KOLOSE 1:20

Siagang tete ri Ia tommi anjo Ana'Na, naNapa'jari assibajiki ngasemmo ammotere' sikontu apa-apaya siagang KalenNa – baji' na sikontu apa-apa niaka ri lino kammayatompa apa niaka ri suruga. Anjo Nagaukanga Allata'ala tete ri kamateanNa Ana'Na irate ri kayu sallika.

ROMA 5:1

Kamma-kamma anne assibajiki maki' ammotere' siagang Allata'ala, lanri tappa' maki' mae ri Ia. Siagang lanri kammana, attallasa' maki' lalang kasiamakkanga siagang Allata'ala, tete ri Batarata Isa Almasi.

ROMA 5:10

Punna ri wattu assimusuta siagang Allata'ala nanipassiama' maki' siagang Ia tete kamateanNa Ana'Na, la'biangampa ri kamma-kammaya anne, ri wattu a'jari baji'namo ammotere' passisambunganta siagang Allata'ala, mattantu tommi lanipasalamatta tete ri tallasa'Na Isa Almasi.

KAIMANGNGANG 9:9

Ana'-ana'na Harun ampabattui cera'na anjo sapia mae ri Harun, nampa ia anjallakkangi karemenna antama' ri anjo ceraka, siagang ampasapui anjo ceraka mae ri tanru'-tanru' niaka ri appaka panyingkulu'na anjo tampa' pakkoro'bangnganga. Le'baki anjo, la'binna ceraka napatiriki antama' ri dapara'na tampa' pakkoro'bangnganga.