KAIMANGNGANG 8:6 - KITTA' MATANGKASA'

⁶ Nampa nasuro Harun siagang ana'-ana'na maju mae ri dallekang na natangkasi massing kalenna.

KAIMANGNGANG 8:6 Referans Kwoze

EFESUS 5:26

NaNagaukang Almasi anjo kammaya, sollanna akkulle Natangkasi jama'aka lalang ri pangngajaranNa kammayatompa lalang ri je'ne' pa'je'ne', nampa akkulle Napassareang anjo jama'aka mae ri Allata'ala.

1 KORINTUS 6:11

Nia' siapa are jainu appanggaukang kamma anjo riolo. Mingka kamma-kamma anne le'ba' mako nitangkasi battu ri dosa-dosaya, sollannu a'jari umma' matangkasa'Na Allata'ala. Le'ba' mako assibajiki ammotere' siagang Allata'ala lanri tappa'nu mae ri Batara Isa Almasi siagang lanri koasa Roh battu ri Allata'alata.

KALAPPASSANG 29:4

Suroi Harun siagang ana'-ana'na battu ri pakke'bu' KemaKu siagang natangkasi kalenna.

YEHEZKIEL 36:25

Le'baki anjo Kupiracciki mako je'ne' ci'nong, sollannu a'jari tangkasa' battu ri sikontu barhalanu siagang battu ri sikontu anra'massiako.

YESAYA 1:16

Bissaimi kalennu sa'genna tangkasa'. Pammari ngasengi anjo sikamma kaja'dallang nugaukanga. Iyo, tea mako a'gau' ja'dalli pole,

PAMMUJI 51:7

Sitojenna, ja'dala' memanga' baku' nilassukangku, nataba memamma' dosa baku' lalangku ri battang.

PAMMUJI 51:2

ri le'ba'na nipakainga' ri Na'bi Natan lanri a'gau' salimara'na siagang Batsyeba.

PAMMUJI 26:6

Kubissai limangku pammatei tena kusala, na ku'jappa angnginroi tampa' pakkoro'bangnganTa, o, Batara,

KALAPPASSANG 40:12

Le'baki anjo, suroi Harun siagang ana'-ana'na battu ri pakke'bu' Kemaya na nabissai kalenna.

KALAPPASSANG 30:19

Anjo je'neka untu' Harun siagang ana'-ana'na sollanna akkulle nabissai limanna siagang bangkenna ke'nanga.

PAPPICINI' 7:14

Appialima' angkana, “Takuassengai Karaeng. KalenTaji antu angngassengi.” Jari nakanamo pole mae ri nakke, “Yangasemmi anne tau le'baka nipasalama' battu lalang ri passessa sannaka heba'na. Le'ba'mi nasassa jubana ke'nanga siagang cera'Na anjo Ana' Gimbalaka sa'genna a'jari kebo'.

IBRANI 10:22

Lanri kammana, mae mako nakia'reppese' ri Allata'ala siagang tulusu' pa'mai' kammayatompa tappa' majarre'; siagang pa'mai' le'baka nitangkasi battu ri kasalanga, kammayatompa tubu le'baka nitangkasi je'ne' maci'nong.

IBRANI 9:10

Nasaba' anjo upacara-upacaraya poro mange bawang ri passala' kanre-kanreang, inung-inungang, siagang a'rupa-rupa upacara pannangkasi. Yangasenna anjo poro paratorang-paratorang nacinikaji bawang mata, akkullea tappake sa'genna bawang ri wattunna Naberui ngaseng Allata'ala sikontu apa-apa niaka.

ZAKHARIA 13:1

Nakana Batara Kaminang Koasaya, “Ri anjo alloa lappasolongA' se're timbuseng je'ne' untu' ampakatangkasaki jari-jarina Daud siagang pandudu'na Yerusalem battu ri dosana siagang ri gau' panynyombanna ke'nanga ri barhalaya.

KALAPPASSANG 30:20

Ri tenanapa nantama' ri Kemaya yareka nareppesi tampa' pakkoro'bangnganga untu' angngerang koro'bang nitunu. Musti nagaukangi anjo kammaya sollanna tena nibunoi ke'nanga. Anjo paratoranga musti nituruki ri ke'nanga siagang jari-jarina ke'nanga sa'genna satunggu-tungguna.”

KAIMANGNGANG 8:5

nakanamo Musa mae ri ke'nanga, “Anne apa kugaukanga kamma-kamma anne iamintu parentaNa Batara.”

KAIMANGNGANG 16:4

Nampa pole musti naparhatikangi Harun anne paratorang-paratoranga. Ri wattu tenanapa nantama' ri Kamara' Kaminang Matangkasaka musti a'je'neki, nampa napake pakeang imanga, iamintu baju, saluara' bodo, passikko' aya' siagang soro'bang, yangasenna battu ri lenang.