KAIMANGNGANG 8:26 - KITTA' MATANGKASA'

²⁶ Battu ri baku' pammantangang roti tenaya nammake pa'gambang ia le'bakamo nipassareang mae ri Batara, angngallei Musa sibatu roti kapala' nipareka nipasileo' minynya' siagang sibatu roti nipisika. Anjo rotia napadongkoki irate ri anjo jannana siagang bongga kananna gimbalaka.

KAIMANGNGANG 8:26 Referans Kwoze

KALAPPASSANG 29:23

Battu ri karanjeng rotia le'baka nipassareang mae ri Nakke, allei se're roti massing tassirupaya; sibatu nipareka siagang minynya' zaitun, sibatu tenaya nammake minynya', siagang sibatu kanrejawa.

1 TIMOTIUS 2:5

Nasaba' se'reji bawang Allata'ala, kammayatompa se're tonji bawang akkullea a'jari tetena rupataua mae ri Allata'ala, iamintu Isa Almasi.

LAMPA-LAMPANA 5:12

Jaimi kajariang siagang gau' appakalannasa' kajariang ri tangnga-tangngana tau jaia, lanri jama-jamang nagaukanga tunisuroNa Allata'ala. A'julu atimi a'rappungang sikamma tau tappaka ri Kamara' Salomo, ri Balla'Na Batara.

YOHANES 1:14

Ma'rupataumi anjo Kanaya, ammantangi ri tangnga-tangngata, na nicini'mo kala'biranNa. Natarimai anjo kala'biranga salaku Ana' sitau-tauNa Manggea. Tete ri KalenNami nanicini' Allata'ala, siagang pangngamaseanNa mae ri katte.

KAIMANGNGANG 8:25

Naallei Musa jannana anjo gimbalaka, ingkonna niaka jannana, sikontu jannana antongkokai bone parru'na, atenna kaminang bajika, lempanna siagang jannana kammayatompa bangkeng kananna.