KAIMANGNGANG 7:35 - KITTA' MATANGKASA'

³⁵ Battu ri kanre nipassareanga mae ri Batara, iaminjo bageang nipassareanga mae ri Harun siagang ana'-ana'na ri allo nilanti'na ke'nanga a'jari imang.

KAIMANGNGANG 7:35 Referans Kwoze

1 YOHANES 2:27

Mingka ri passala'na kalennu ngaseng, le'ba'mi Napaturung Almasi RohNa mae ri kau ngaseng. Na lalang nia'na RohNa ri kau ngaseng, tenamo naparallu nia' tau angngajarakko. Nasaba' iaminjo RohNa angngajarakko untu' sikontu passalaka; na anjo apa Napangngajarranga kontutojengi, teai balle-balle. Lanri kammana, paralluko mannuruki ngaseng mae ri anjo apa Napangngajarranga; siagang paralluko tuli asse're siagang Almasi lalang ri katallassannu.

1 YOHANES 2:20

Mingka nutarimami RohNa Allata'ala, le'baka Napaturung Isa Almasi. Iaminjo saba'na nanuassemmo pangngajarang tojenga.

2 KORINTUS 1:21

KalenNa Allata'ala ampakajarre' ngasengki' a'jari se're mae ri KalenNa Almasi; Iatommi KalenNa ampileki' Napamae ri KalenNa.

YOHANES 3:34

Nasaba' tunisuroa ri Allata'ala, Napabattui kana-kananNa Allata'ala, lanri nipassareang ngasemmi RohNa Allata'ala ri Ia.

YESAYA 61:1

KoasaNa Batara Kaminang Tinggia niaki ri nakke; Napilea' siagang Nasuroa' untu' angngerang kabara' baji' mae ri tau kasi-asia siagang ampammollei tau ancuruka pa'mai'na; untu' ampa'la'bangi mae ri tau nitahanga angkanaya tasalloami nanilappassang ke'nanga, siagang mae ri sikamma tau nitarungkua angkanaya lanipasulu'mi ke'nanga.

YESAYA 10:27

Anjo wattua laKulappassangko battu ri panjallakkanna Asyur, nampa tenamo nakoasa ke'nanga mae ri kau.”

KAIMANGNGANG 8:30

Le'baki anjo naallemi Musa sipa'gang minynya' upacaraya siagang sipa'gang cera' niaka rate ri tampa' pakkoro'bangnganga, nampa naparacci' mae ri Harun siagang sikamma ana'na kammayatompa mae ri pakeanna ke'nanga. Kammaminjo carana Musa nanasa'la'mo ke'nanga siagang pakeanna ke'nanga untu' Batara.

KALAPPASSANG 29:21

Allei sike'de' cera' niaka irate ri tampa' pakkoro'bangnganga siagang sike'de' minynya' upacara, nampa nupiracciki Harun siagang ana'-ana'na kammayatompa pakeanna ke'nanga. Kammaminjo carana Harun siagang ana'-ana'na kammayatompa pakeanna ke'nanga nisa'la' untu' iNakke.

KALAPPASSANG 29:7

Nampa angngalleko minynya' upacara, patiriki nai' ri ulunna siagang minynyaki anjo Harun.

KALAPPASSANG 29:1

“Kammaminne carana nilanti' Harun siagang ana'-ana'na sollanna akkulle ke'nanga allayaniA' salaku imang. Angngalleko sikayu sapi laki rungkaya siagang ruang kayu gimbala' laki tenaya caca'na.

KALAPPASSANG 28:1

“Kioki daennu Harun siagang sikamma ana'na, iamintu Nadab, Abihu, Eleazar, siagang Itamar, nampa sa'laki ke'nanga sollanna akkulle allayaniA' salaku imang.

1 SAMUEL 2:28

Battu ri sikontu suku niaka ri Israel, le'ba'mi Kupile kaluargana untu' ajari imangKu, untu' allayani ri tampa' pakkoro'bangnganga, attunu dupa, siagang ammake baju efod punna a'bicarai siagang iNakke. Siagang le'ba'mi Kusare ha' ke'nanga siagang turunganna untu' angngalle sipa'gang battu ri koro'bang nitunua ri tampa' pakkoro'bangnganga.