KAIMANGNGANG 7:24 - KITTA' MATANGKASA'

²⁴ Jannana olo'-olo' mate kale-kalea yareka mate nikokkoka ri olo'-olo' sekke', takkulleai nikanre mingka akkullei nipake untu' kaparalluang maraeng.

KAIMANGNGANG 7:24 Referans Kwoze

KALAPPASSANG 22:31

Ikau ngasemmi ummakKu; lanri kammana, manna olo'-olo' apa mamo punna nikanrei ri olo'-olo' sekke', takkulleai nukanre dagenna; passareangi anjo dagenga mae ri kongkonga.”

KAIMANGNGANG 22:8

Tena nipa'biangi angnganre dageng olo'-olo' mate kalenna yareka mate nikokko' ri olo'-olo' sekke'. Punna nakanrei, a'jari ra'masaki. INakke Batara.

KAIMANGNGANG 17:15

Sikamma tu Israelka yareka bansa maraeng angnganrea dageng mate kalenna, yareka mate nikokko' ri olo'-olo' sekke', musti nasassai pakeanna nampa a'je'ne' siagang attayang sa'genna labu alloa, nampami a'jari tangkasa'.

YEHEZKIEL 44:31

Jangang-janganga siagang olo'-olo' maraengannaya punna mate kalennai yareka mate nikokkoki ri olo'-olo' sekke', takkulleai sikamma imanga angkanrei.”

YEHEZKIEL 4:14

Mingka appialia' angkana, “Aduh, Batara Kaminang Tinggia! Battu ri ca'diku sa'genna kamma-kamma anne, tale'bakai kura'massi kalengku siagang kanre battua ri olo'-olo' matea yareka sesanna olo'-olo' sekkeka. Tale'baka' angnganre kanre nikanaya harang.”

PAOLE 14:21

Olo'-olo' mate kale-kalea takkulleai nukanre, mingka akkullei nakanre bansa maraeng niaka ammantang ri alla'nu, yareka akkullei nibalukang mae ri bansa maraenga. Ikau umma'Nako Karaeng Allata'alanu, le'baka nisa'la' untu' KalenNa. Dagenna ana' gimbalaka yareka ana' bembea takkulleai nipasipallu siagang je'ne' susunna anronna.”

KAIMANGNGANG 7:25

Inai-nai angkanrei janna olo'-olo' biasaya nipassareang untu' koro'bang kanre-kanreang mae ri Allata'ala, tenamo nanibilangi anggota umma'Na Allata'ala.

KALAPPASSANG 22:30

kammayatompa sapia siagang gimbalaka, ia uru-urua lassu'. Lappassangi anjo olo'-oloka ammantang ri anronna lalanna tuju allo, nampa ri makasagantujuna alloa passareangi mae ri Nakke.