Biblia Todo Logo
Bib sou entènèt

- Piblisite -




KAIMANGNGANG 6:18 - KITTA' MATANGKASA'

18 Untu' satunggu-tungguna sikamma bura'ne jari-jarina Harun akkullei nakanre anjo rotia; iaminjo bageang attantuna ke'nanga battu ri kanre-kanreang nipassareanga mae ri Batara. Tau maraenga punna naseroi anjo kanre le'bakamo nikoro'bangkang, langgappai bala lanri koasa katangkassanna anjo koro'banga.

Gade chapit la Kopi




KAIMANGNGANG 6:18
19 Referans Kwoze  

Anjo kammaya matangkasaki mae ri kau, jari musti anjoreng tongi ri tampa' matangkasaka musti nukanre. Tu bura'neaji bawang akkulle angkanrei.


Sikamma tu bura'nea lalang ri kaluargana imang-imanga akkullei nakanre anjo koro'bang sannaka tangkasa'na.


Mingka ikaumi bansa le'baka nipile, imang-imang allayania karaeng, bansa matangkasaka, untu' KalenNa Allata'ala, siagang umma' KalenNa Allata'ala. Napileko siagang Nakiokko Allata'ala assulu' battu lalang ri sassanga untu' antama' ri singara' kalompoanNa, sollanna nupa'la'bang biritta ri sesena sikontu panggaukang malompoNa.


Nia' tattulisi' lalang ri Kittaka angkanaya, “Paralluko matangkasa', nasaba' iNakke tangkasaka'.”


Manna inai yareka manna pole apa punna nasero anjo dageng olo'-oloka langgappai bala lanri koasa katangkassanna. Punna nia' silawara' baju nataba racci' cera'na anjo olo'-oloka, anjo bajua musti nisassai ri tampa' matangkasaka.


Tena sikali nakkulle tu Israel angnganre janna yareka cera'. Anne paratoranga tappakei sa'genna satunggu-tungguna siagang musti nituruki ri sikontu tu Israel manna pole kemae ammantang.


Gaukangi anjo kammaya tunggala' allo lalang tuju allo sallona. Jari kabusu'na anjo tampa' pakkoro'bangnganga a'jari matangkasa'mi; apa-apa mamo anseroai anjo tampa' pakkoro'bangnganga musti nipassareangi mae ri Batara, siagang inai-nai anseroi, lanitujui ri bala lanri kagassingang matangkasa'na.”


Tantu nuassemmi angkanaya inai-nai anjama lalang ri Balla'Na Allata'ala, battu anjoremmi ri Balla'Na Allata'ala anggappa kanre ke'nanga. Siagang inai-nai angngurusuki tampa' pakkoro'bangnganga, anggappa tongi bageang battu ri anjo koro'bang nipassareanga anjoreng.


Napassareangi Batara mae ri Musa anne paratorang-paratoranga,


Sikamma tu bura'nea lalang ri kaluargana imang-imanga akkullei nakanre anjo dageng koro'banga, mingka musti nakanrei ke'nanga ri tampa' le'baka nipattantu, nasaba' anjo koro'banga teai sipato' tangkasa'na.


Nakana Batara mae ri Harun, “U'rangi! Sikontu passare nisa'la' nipassareanga mae ri Nakke, ia tenaya nitunui, iaminjo bageannu. Iaminjo bageannu le'baka nipattantu sa'genna satunggu-tungguna. Anjo Kupassareangi mae ri kau siagang mae ri jari-jarinu.


Punna anjo dorakaya iamintu Imang Lompoa, sa'genna ta'beso' ngaseng todong bansa Israel sala, musti assarei koro'bang iamintu sikayu sapi laki rungka, ia tenaya callanna, mae ri Batara sollanna nipammopporang salana.


Musti napadongkoki limanna irate ri tompo' ulunna anjo olo'-oloka, nampa nasamballe anjoreng ri bageang wara'na tampa' pakkoro'bangnganga, tampa' pammolonganna olo'-olo' untu' koro'bang nitunua.


Musti napadongkoki limanna irate ri tompo' ulunna anjo olo'-oloka, nampa nasamballe ri bageang wara'na tampa' pakkoro'bangnganga, ri tampa' pammolonganna olo'-olo' nipassareanga untu' koro'bang nitunu.


Punna a'jari aumo anjo koro'banga, imang ammakea saluara' bodo siagang juba battu ri kaeng lenang, musti naangkaki anjo au niaka jannana battu rate ri tampa' pakkoro'bangnganga nampa naboli' ri sa'rinna tampa' pakkoro'bangnganga.


Swiv nou:

Piblisite


Piblisite