KAIMANGNGANG 6:12 - KITTA' MATANGKASA'

^12-13 Tunggala' bari'basa' imanga musti nabonei kayu tunuang tampa' pakkoro'bangnganga, naatoroki koro'bang nitunua ri tompo'na, siagang natunu jannana koro'bang passiamakkanga. Pepeka irate ri tampa' pakkoro'bangnganga musti tuli a'rinrai siagang takkulleai mate pepe'na.

KAIMANGNGANG 6:12 Referans Kwoze

KAIMANGNGANG 9:24

Ti'ring Napanaummi Batara pepeka nanakanre sa'genna la'busu' koro'bang nitunua siagang bageang-bageang niaka jannana irate ri tampa' pakkoro'bangnganga. Nacini'na umma' Israel anjo kammaya, a'gora-gora rannumi ke'nanga nampa su'ju' anynyomba.

NEHEMIA 13:31

Kuatoro' tommi sollanna ri wattu-wattu attantua, akkullei napasadia ra'yaka kayu tunua untu' koro'bang nitunua siagang akkulle angngerang passare battu ri wassele' bungasa'na lamung-lamunna ke'nanga. Kala'busanna appala' doamma' angkana, “O, Allata'alaku, Kiu'rangi ngasengi anne siagang Kibarakkakia'.”

IBRANI 10:27

Se're mami sadia untu' ikatte, iamintu andallekanga mae ri pangadelanNa Allata'ala siagang pepe' pangngalarroiNa, lantunuai sa'genna la'busu' tau mangngewaya ri Allata'ala!

KAIMANGNGANG 6:9

ampassareangi mae ri Harun siagang ana'-ana'na anne paratorang-paratoranga ri passala'na yangaseng koro'bang nitunua. Imanga musti napadongkoki koro'bang nitunua irate ri tampa' koro'banga siagang naboli' sipattang, na musti tuli a'rinrai pepe'na.

KAIMANGNGANG 6:11

Le'baki anjo musti nasambei pakeanna nampa naerang anjo aua assulu' battu ri kemaya, mae ri tampa' le'bakamo nipattantu untu' anjo.

YEHEZKIEL 40:46

nampa los a'dalle' waraka nipasadiakangi sikamma imang tugasaka ri tampa' pakkoro'bangnganga. Sikontu anjo imanga musti tau battu ri jari-jarina Zadok. Nasaba' battu ri suku Lewi poro jari-jarinaji bawang Zadok akkulle andallekang ri Batara untu' allayani ri Ia lalang ri wattu ibadana taua.