KAIMANGNGANG 5:8 - KITTA' MATANGKASA'

⁸ Anjo jangang-janganga musti nierangi mae ri imanga. Imanga musti napassareangi la'bi riolo jangang-jangang nipattantua untu' koro'bang nipammopporanna dosaya. Kallonna anjo jangang-janganga musti naputaraki, mingka takkulleai sa'genna sisa'la' siagang ulunna.

KAIMANGNGANG 5:8 Referans Kwoze

KAIMANGNGANG 1:15

Musti naerangi imanga anjo jangang-janganga mae ri tampa' pakkoro'bangnganga, nampa naputara' kallonna na natunu ulunna irate ri tampa' pakkoro'bangnganga. Cera'na anjo jangang-janganga musti nipaccoki assulu' mae ri sa'rinna tampa' pakkoro'bangnganga.

KAIMANGNGANG 1:17

Nampa musti nikekke' ri poko' ka'nyi'na, mingka takkulleai sa'genna tassa'la' anjo ka'nyi'na. Nampa musti nitunu anjo jangang-janganga irate ri tampa' pakkoro'bangnganga. Rasanna anjo koro'bang nitunua lanapakasannangi nyawaNa Batara.

1 PETRUS 3:18

Nasaba' le'ba'mi sikali mate Almasi untu' satunggu-tungguna passabakkang dosana rupataua; Ia tena salanna mingka matemi untu' tau salaya. Nagaukammi Almasi kammaya anjo sollannu akkulle Narurungang ngaseng mae ri Allata'ala. Nibunomi tubuNa, mingka nipattallasa' poleammi ammotere' katallassang rohaniNa.

ROMA 4:25

Anjo Isa le'ba'mi nipassareang untu' nibuno passabakkang dosa-dosata; nampa nipattallasa' poleang ammotere' ri Allata'ala, sollanta nisare oloang assibajiki ammotere' siagang Allata'ala.