KAIMANGNGANG 5:4 - KITTA' MATANGKASA'

⁴ Punna nia' tau anggaukangi kasalanga lanri assumpa sambarangangi untu' anggaukangi apa-apaya, nampa ri boko nasadari anjo kasalanna.

KAIMANGNGANG 5:4 Referans Kwoze

LAMPA-LAMPANA 23:12

Ammukona ri subu-subua, appakkaramulami assikongkolo' tu Yahudia. Assumpami ke'nanga angkana talangnganreai siagang talangnginungai ke'nanga punna tanabunoapi Paulus.

MARKUS 6:23

Nampa najanji Herodes anjo tuloloa. Assumpai nakana, “Manna apa nupala' tena takusarenu, manna pole tawaruanna anne pamarentangku!”

HAKING-HAKING 11:31

siagang nakusalama' ammotere', jari inai-nai mamo uru assulu' battu ri ballakku untu' anruppaia', iami lakupassareang anjari koro'bang tunuang mae ri Batara.”

1 SAMUEL 25:22

Tapporo Nabuno laloa' Allata'ala punna tena nakubuno ngaseng sikontu tu bura'ne niaka anjoreng lalang tenanapa nammumba alloa!”

PAMMILANGNGANG 30:8

Mingka punna nipisangkai ri bura'nenna ri wattunna nalangngere' anjo passalaka, tena natassikko' ri anjo tinja'na yareka janjinna. Lanipammopporangi ri Batara.

MATIUS 14:9

Nalangngere'na Herodes anjo apa napalaka, teaimi sipato' susana nyawana. Mingka lanri le'ba'namo a'janji siagang assumpa ri dallekanna ngaseng toananna, takkulleami tanaturukiang pappala'na anjo tuloloa.

MATIUS 14:7

Na lanri sannang duduna pa'mai'na, najanjimi siagang assumpami Herodes, ri anjo tulolonna angkanaya manna apa napala' tena tanisarena.

2 KARAENG-KARAENG 6:31

A'gorami karaenga angkana, “Anne alloa musti mate memangi Elisa. Lappassamma' Nahukkung Allata'ala manna pole antekamma battala'na punna tena nakubunoi Elisa!”

2 SAMUEL 21:7

Mingka lanri anjo Daud siagang Yonatan le'ba'mi massing assumpa, tena napassareangi Daud Mefiboset ana'naya Yonatan.

1 SAMUEL 1:11

Nampa a'janji Hana angkana, “O Batara Kaminang Koasaya, Kiparhatikangi anne atanTa! Kiciniki kapa'risanna atanTa. Kiu'rangi siagang teaKi' kaluppai atanTa! Punna Kisare atanTa sitau ana' bura'ne, a'janji atanTa lanapassareang anjo anaka mae ri Katte lalang sikontu tallasa'na. A'janji tongi atanTa angkanaya talanipolongai uu'na.”

HAKING-HAKING 21:7

Musti nia' apa nigaukang sollanna anjo tu Benyamin niaka tassesa akkullei nia' bainenna, lanri ikatte le'ba' maki' assumpa mae ri Batara angkanaya tena nalanikellai ana' tulolonta a'jari bainenna tu Benyamin.”

HAKING-HAKING 9:19

Punna tulusuki pa'mai'nu anne alloa appanggaukang kamma mae ri manggeku siagang bija pammanakanna, boli'mi kamma assannang-sannang mako siagang Abimelekh. Siagang boli'mi kamma assanang-sannang Abimelekh siagang ikau ngaseng.

YOSUA 9:15

Appare'mi Yosua parjanjiang passari'battangang siagang anjo tu Gibeon, siagang a'janjimi angkanaya tena nalanabuno ke'nanga. Kammayatompa sikamma pamimpinna umma' Israel, assumpa tommi angkanaya lanarupai anjo parjanjianga.

YOSUA 2:14

Appialimi anjo tau ruaya angkana, “A'janji ikambe angkana punna Napassareang Batara anne pa'rasanganga mae ri kambe, lanagau' bajikko ikambe, assala' tena nanucaritai manna pole ri nai anne passala'na ikambe. Nitunrai ikambe ri Batara punna tanarupaia ikambe anjo janjinna ikambe.”

PAMMILANGNGANG 30:6

Punna nia' sitau baine tenayapa na'bunting attinja' yareka nasikkoki kalenna ri se'reang janji, baji' nanapikkiri' memang la'bi riolo yareka tena, tassikkoki ri anjo tinja'na yareka janjinna. Punna ri bokoangallo na'bunting, tuli tassikko'na anjo bainea ri anjo tinja'na yareka janjinna, assala' tenaja nakabattallangi bura'nenna ri wattunna nalangngere' anjo passalaka.

KAIMANGNGANG 5:3

Punna nia' tau anggaukangi kasalanga mingka tena nakunjungi iamintu naseroi barang ra'masa' battua ri rupataua, nampa ri boko nasadari anjo kasalanna.

KAIMANGNGANG 5:13

Kammaminjo carana nipassareang koro'banga untu' dosana anjo taua, na lanipammopporang dosana ri Batara. La'binna anjo labuka iaminjo a'jari bageanna imanga, sangkamma ri koro'bang gandunga.

PAMMUJI 106:33

Napa'jari lussaki ke'nanga atinna Musa, sa'genna tenamo nappikkiri' nampa a'bicara.