KAIMANGNGANG 5:1 - KITTA' MATANGKASA'

¹ Anjo koro'bang nipammopporanna dosaya parallui nipassareang: Punna nia' tau nikellai assare kasa'biang ri pangadelanga, mingka tena nassare kasingarang ri anjo passala' le'baka nacini' yareka nalangngere', sa'genna nakasia' baji'-kodina.

KAIMANGNGANG 5:1 Referans Kwoze

KAIMANGNGANG 5:17

Punna nia' tau tena nakunjungi anggaukangi dosaya lanri nadakkaina kalase'renna parentaNa Batara, anjo taua salai siagang musti natanggongi kodina anjo kasalanna.

PANGNGEBARANG 29:24

Tau assamaturuka siagang palukka', sangkamma nakabirisi kalenna. Punna a'bicarai silambusu'na ri pangadelang, lanipitabai hukkungang. Mingka punna a'merekiji bawang, lanitunrai ri Allata'ala.

MATIUS 26:63

Mingka tena Nakkana-kana Isa. Nakanamo pole imang lompoa ri Ia, “Nasaba' Allata'ala mattallasaka, paumi ri kambe, maka Ikau tojeng mintu Karaeng Mappasalamaka, Ana'naya Allata'ala?”

KAIMANGNGANG 19:8

Inai-nai angkanrei anjo dagenga salami lanri tena najampangi apa nisa'laka untu' iNakke. Anjo tau kammaya tenamo nanibilangi anggota ummakKu.

KAIMANGNGANG 7:18

Mingka punna ri makatalluna alloa na nikanre ija anjo dagenga, tenamo nalanitarima anjo koro'banga siagang tenamo nalangngerang barakka' mae ri kalenna anjo tau angngeranga koro'bang, ba'lalo a'jari harammi. Inai-nai angkanrei, salai anjo taua, siagang musti natanggongi kodina.

YEHEZKIEL 18:4

Nyawana tunggala' taua iNakke pata, baji' nanyawana tau toana kammayatompa nyawana ana'na. Tau dorakaya, lamatei.

1 KARAENG-KARAENG 8:31

Punna nia' sitau ditudu nia' kasalanna mae ri tau maraenga, nampa nierang mae ri tampa' pakkorobangngang niaka lalang ri anne balla' pasambayanganga untu' assumpa angkana tena nasala,

PAMMILANGNGANG 9:13

Kabalekanna tau tenaya nara'masa' siagang tenaya todong nalalang pa'jappang, mingka tanajampangiai ampakalompoi allo Paskaya, tenamo naKubilangi ummakKu, lanri tenana nassare koro'bang mae ri Nakke ri allo le'baka nipattantu. Anjo taua musti natanggongi kale'bakkang kodina anjo dosana.

KAIMANGNGANG 20:17

Punna nia' tu bura'ne a'gau' bawang siagang sari'battang bainena yareka sari'battang julu mangge namaraeng amma'na, yareka sari'battang julu amma' namaraeng mangge, tenamo nanibilangi ke'nanga anggota ummakKu. Ampanggaukang tasilolongammi ke'nanga siagang musti natanggongi kodina kale'bakkanna.

KAIMANGNGANG 17:16

Punna tena nagaukangi kammaya anjo, musti natanggongi kodina kale'bakkanna.

1 PETRUS 2:24

KalenNa Almasi ampisangi sikontu dosa-dosata irate ri kayu sallika, sollanta akkulle bebasa' battu ri kakoasanna dosaya, siagang nakiattallasa' situru' ero'Na Allata'ala. Loko'-loko'Nami Almasi ampamolleko ri garrinnu.

YEHEZKIEL 18:20

Inai tau doraka iami lamate. Anjo anaka tena namusti natanggongi dosana manggena; kabalekanna, manggena tena todong namusti natanggongi dosa-dosana ana'na. Tau bajika langgappai pahala baji' lanri panggaukang baji'na. Na tau ja'dalaka lanakasiaki sessaya lanri panggaukang ja'dala'na.

YESAYA 53:11

Lanri kammana anjo Nakana Batara, “Punna le'baki sessa napakamma nipa'risi, lamate'nei siagang lasukku' baji'mi pakkasia'na. Anjo atangKu, napakasannangi atingKu, le'ba'mi natanggongi hukkunganna tau jaia; lanri ia naKupammopporang ke'nanga.

PANGNGEBARANG 30:9

Saba', punna kalumanynyanga', gassingka kukana sallang angkana tenamo kuparalluangKi'. Na punna kasi-asia', gassingka a'lukkaka' sa'genna kura'massi arenTa.”

PAMMUJI 38:4

Garring lompoa' lanri kalarroanTa; tenamo baji' ri tubuku lanri dosaku.

2 PATTOTTORANG 18:15

Appialimi Ahab angkana, “Punna lanri arenNa Batara nu'bicara mae ri nakke, paumi kontutojenga. Pissiapako musti kupakainga' ri anjo passala' kammaya?”

1 KARAENG-KARAENG 22:16

Appialimi Ahab angkana, “Punna a'bicarako ri nakke lanri arenNa Batara, paui sitojennaya. Pissiapa mako kupakainga' ri anjo passalaka?”

HAKING-HAKING 17:2

Ri se'reang allo nakanamo ri amma'na, “Amma', ri wattunna tappela' doe' peratta sisa'bu sibilangngang, kulangngereki kitunra palukkaka. Anne doetta amma'! Inakkemi allukkaki.” Appialimi amma'na nakana, “Poro Nabarakkakiko Batara, na'.”

KAIMANGNGANG 5:15

Punna nia' tau tena nakunjungi anggaukangi dosaya lanri takkaluppai ampassareangi sikamma passare parallua mae ri Batara, anjo taua musti angngerangi koro'bang passambe karugiang. Anjo koro'banga iamintu musti sikayu gimbala' laki yareka bembe laki ia tenaya callanna, siagang nianggaraka situru' tasserang ballinna ri KemaNa Batara.

KAIMANGNGANG 4:2

ampa'la'bangi napau mange ri tu Israel angkanaya inai-nai tena nasangajakki a'gau' dosa lanri nadakkai kalase'renna parentaNa Batara, musti nipinawangi anne paratoranga.

KALAPPASSANG 22:11

Punna kamma anjo passalaka, musti a'lampai anjo taua mange ri tampa' ibadaya nampa assumpa lanri arenNa Batara angkanaya teai ia allukkaki anjo olo'-olo' nipappirannuanga mae ri ia. Punna teai tojeng ia allukkaki, anjo patanna musti antanggongi anjo karugianga, nampa anjo tau ammarakaia tena naparallu a'bayara' sambe karugiang.

YEREMIA 23:10

Pa'rasanganta rassi siagang tau tenaya namajarre' tappa'na mae ri Batara. Ja'dalaki ke'nanga lalang katallassanna siagang napake salai kakoasanna ke'nanga. Lanri pangngalarroinNa Batara, a'jari kalotoroki rukuka ri parang siagang sikontu pa'rasanganga susa ngasengi.