KAIMANGNGANG 4:11 - KITTA' MATANGKASA'

¹¹ Mingka dagenna anjo sapia, kukkulu'na, ulunna, bangkenna, bone parru'na kammayatompa parru' lolona,

KAIMANGNGANG 4:11 Referans Kwoze

PAMMILANGNGANG 19:5

Sikontu anjo olo'-oloka, kammayami kukkulu'na, dagenna, cera'na siagang bone parru'na, musti nitunui ri dallekanna imanga.

KALAPPASSANG 29:14

Dagenna, kukkulu'na siagang parru' lolona anjo sapi lakia musti nitunui ri pantaranna kemaya. Iaminjo a'jari passare untu' nipammopporanna dosana sikamma imanga.

PAMMUJI 103:12

Antekamma bellana battu raya sa'genna kalau', kammaminjo bellana Napela' dosa-dosata.

KAIMANGNGANG 16:27

Sapi lakia siagang bembea untu' koro'bang pammopporang dosa, ia nieranga cera'na antama' ri Kamara' Kaminang Matangkasa' untu' pammopporanna dosaya, musti nierangi assulu' ri pantarang pakkemaanga nampa nitunu. Kukkulu'na, dagenna siagang bone parru'na anjo ruaya olo'-olo', musti nitunu ngasengi.

KAIMANGNGANG 6:30

Olo'-olo' untu' upacara nipammopporanna dosaya niallei sipa'gang cera'na untu' nierang mange ri Kamara' Matangkasaka, musti nitunui sa'genna cappu', na takkulleai nikanre.

KAIMANGNGANG 4:21

Nampa anjo sapi lakia musti nierangi assulu' na nitunu ri pantaranganna pakkemaanga, sangkamma nigaukanga ri passare sapi lakia untu' koro'bang nipammopporanna dosana kallena anjo Imang Lompoa. Kammaminjo batena nipassareang koro'bang untu' nipammopporanna dosana ummaka.

KAIMANGNGANG 4:10

Yangasenna anjo musti natunu ngasengi irate ri tampa' pakkoro'bang nitunua, sangkamma nigaukanga untu' koro'bang passiamakkanga.

PAMMILANGNGANG 19:3

Passareangi anjo sapia mae ri Imang Eleazar. Anjo olo'-oloka musti nierangi assulu' ri pantaranganna pakkemaanga, nampa nisamballe ri dallekanna imanga.