Biblia Todo Logo
Bib sou entènèt

- Piblisite -




KAIMANGNGANG 26:45 - KITTA' MATANGKASA'

45 LaKuberui parjanjiang Kupareka siagang boe-boena ke'nanga, ri wattunna Kupappicinikang kakoasangKu mae ri sikontu bansaya, iamintu Kueranna ummakKu assulu' battu ri butta Mesir, sollanna iNakke, Batara, a'jari Allata'alana ke'nanga.”

Gade chapit la Kopi




KAIMANGNGANG 26:45
26 Referans Kwoze  

Iaminjo parentaNa Karaeng Allata'alanu le'baka angngerangko assulu' battu ri butta Mesir untu' ampassareangi pa'rasangang Kanaan mae ri kau, sollanna Ia a'jari Allata'alanu.


Mingka tena naKugaukangi sollanna tena nanihinai arengKu ri bansa-bansa ancinikai ke'nanga bansa Israel Kuerang assulu' battu ri Mesir.


Mingka tena naKugaukangi, sollanna tena nihinai arengKu ri bansa-bansa napammantangia ke'nanga. Nasaba' ri dallekanna anjo bansa-bansaya le'ba'mi Kupa'la'bang Kupau angkanaya laKuerangi bansa Israel assulu' battu ri Mesir.


INakke angngerangko assulu' battu ri butta Mesir, sollanna iNakke a'jari Allata'alanu. INakke Batara.”


Lanri salana siagang tenana manannuruki bansa Yahudia mae ri ero'Na Allata'ala, nanibarakkakimo bansa-bansa maraenga ri Allata'ala. Jari la'biangampa pole punna a'jari baji'mo ammotere' passisambunganna bansa Yahudia siagang Allata'ala; tantu lala'bi lompoangangi pole barakka' laNapassareanga Allata'ala!


Mingka tena naKugaukangi anjo lanri areng bajikKu, sollanna tena nihinai arengKu ri bansa-bansa ancinikiA' angngerangi bansa Israel assulu' battu ri Mesir.


“INakkemi Karaeng Allata'alanu, angngerangako assulu' battu ri Mesir, tampa'nu nipare' ata.


Sikontu anjo pasanNa Batara napabattui Musa mae ri bansa Israel, mingka taerokai ke'nanga anjampangi Musa, lanri tappu' minasami ke'nanga napakamma anjo sessanamo ke'nanga nipare' ata.


Nipilangngerimi ke'nanga ri Allata'ala, siagang Nau'rangimi parjanjianNa siagang Abraham, Ishak, na Yakub.


Anjo wattua memang, appare'mi Batara parjanjiang siagang Abram. Nakana Batara, “A'janjiA' angkanaya laKusarei turungannu sikontu anne buttaya, appakkaramula battu ri pa'baeng-baenna pa'rasangang Mesir sa'genna mange ri Binanga Efrat,


LaKusareko bija majai, siagang laKupa'jari ke'nanga bansa lompo ri lino. LaKubarakkakiko siagang laKupa'jari masahoroki arennu, sa'gennu la'jari barakka'.


laKuu'rangi janjingKu mae ri kau siagang mae ri sikontu apa-apa attallasaka, iamintu angkanaya tenamo nalaniancuru' sikontu apa-apa attallasaka ri a'ba lompoa.


LaKupa'jariko ummakKu, siagang iNakke a'jari Allata'alanu. Na lanuassemmo angkanaya iNakkemi anne Batara, Allata'alanu, le'baka allappassangko battu ri Mesir, ampare' atayako.


INakkemi Batara angngerangko assulu' battu ri butta Mesir, sollangKu akkulle a'jari Allata'alanu. Musti matangkasakko, lanri iNakke matangkasakKa'.


Anjo Karaeng Allata'alanu, Iami Allata'ala sannaka lompona pangngamaseanNa. Tena nalaNabokoiko yareka tena nalaNapanrakiko, yareka tena nalaNakaluppai parjanjiang Napareka KalenNa siagang boe-boenu.


Anjo bangngia Napappicinikammi KalenNa Batara ri ia, na nakana, “INakkemi Allata'alana manggenu Abraham. Teako mallakki; laKujagaiko. LaKubarakkakiko siagang laKusareko turungang sannaka jaina lanri janjingKu mae ri atangKu Abraham.”


U'rangi, angkanaya laKutulungko siagang laKujagaiko, manna kemae lampanu. Kammayatompa laKururungangko ammotere' mae anrinni ri anne pa'rasanganga. Tena nalaKubokoiko sa'genna le'ba' ngaseng Kugaukang apa le'baka Kupa'janjiang mae ri kau.”


Kiu'rangi ata-atanTa Abraham, Ishak siagang Yakub, siagang teaKi' jampangi anjo sipa' kapala batuna, yareka kaja'dallanna siagang dosana anne bansaya.


Lanri ke'nanga nau'rangi parjanjianNa Nakarimangngi ke'nanga lanri pangngamaseang malompoNa.


Swiv nou:

Piblisite


Piblisite