KAIMANGNGANG 26:32 - KITTA' MATANGKASA'

³² LaKuancuru' tabasikali pa'rasangannu, sa'genna ta'bangka sikali sikamma musu angngalleai pa'rasangannu anciniki antekamma heba'na anjo kapanrakanga.

KAIMANGNGANG 26:32 Referans Kwoze

YEREMIA 9:11

Nakana Batara, “LaKupa'jari rumbangngang Yerusalem tampa' paccokkoanna kongkong romanga. Kota-kota Yehuda la'jari sinoi, tampa' tenayamo nanipammantangngi.”

YEREMIA 25:11

Sikontu anne pa'rasanganga laKubalang parekangi ancuru' siagang a'jari sino. Bansa-bansa niaka ri tammulilina la'jari atai mae ri karaeng Babel tujupulo taung sallona.

YEREMIA 19:8

LaKupabattui bala lompoa ri anne kotaya sa'genna sikamma tau ammaloa anjoreng lata'bangkai siagang lamalla' ngasengi.

YEREMIA 18:16

Anne pa'rasanganga napa'jarimi ke'nanga tampa' appakaringi'-ringi', siagang tuli a'jari pa'rasangang nicau-cau. Sikontu tau allaloa ammenggong ngaseng ulunna lanri ringi'-ringi'na.

YEHEZKIEL 5:15

Punna larroA' siagang lussaKa' mae ri kau, kammayatompa Kuhukkungko, sikontu bansa-bansa niaka ri tammulilinu la'jari mallaki nakasia'. Lanacau-cauko siagang lanrei ancinikko.

YEREMIA 25:18

Yerusalem siagang sikontu kotaya ri Yehuda, siagang sikamma karaenga kammayatompa pagawe-pagawena, kusarei angnginungi anjo anggoroka, sa'genna a'jari ke'nanga rapang parang kalotoro' appakamallaka. Sa'genna anne alloa arenna ke'nanga nipakei untu' pattunra.

1 KARAENG-KARAENG 9:8

Anne balla' passambayanganga la'jari se're pa'gompoang batu-batu ta'bongkara', sa'genna sikamma tau ammaloa anjoreng lata'bangka ngasengi siagang a'jari sannaki malla'na anciniki. Lanakana ke'nanga, ‘Angngapa Napakammai anne Batara anne pa'rasanganga siagang anne ballaka?’

PAOLE 28:37

Ri pa'rasangang-pa'rasangang tampa'nu nipasisa'la'-sa'la' ri Batara, lata'bangka ngasengi taua ancinikko; lanicau-cauko siagang lanikakkaliko ri ke'nanga.

LUKAS 21:20

“Punna nucini' sallang nitammulili kota Yerusalem ri surudadu, lanuassemmi angkanaya tasalloami nalaruntung anjo kotaya.

HABAKUK 3:17

Manna pole tena rapponna poko' araya na poko' anggoroka tena anggoro'na, manna pole tena wassele'na poko' zaitunga, nappakala'ba' pa'mai' wassele' gandunga ri kokoa, manna pole namate kabusu' gimbalaka natena bonena bara olo'-oloka,

DANIEL 9:18

Kipilangngeri laloi ikambe, o Allata'ala, Kiciniki siagang Kiparhatikangi kasessanna ikambe kammayatompa kapanrakanna kota nigallaraka situru' arenTa. Appala' doangi ikambe mae ri Katte teai lanri jasa-jasana ikambe, passangalinna lanri lompo pangngamaseanTa.

PIRAUNG 4:12

Battu ri sikontu karaenga siagang pandudu'na linoa tena manna sitau tappa' angkanaya anjo pakke'bu'-pakke'bu' lompona Yerusalem lakkullei nipantamai ri musu.

YEREMIA 44:22

Tenamo Natahangi Batara ancinikko assare koro'bang mae ri rewata-rewata maraenga. Anjo panggaukannu ja'dalaki siagang tunai. Doraka mako mae ri Batara siagang tenamo numannuruki ri parenta-parentaNa. Lanri kammana anjo, kamma-kamma memang anne ancuru'mi pa'rasangannu sa'genna tenamo nakkulle nipammantangngi, siagang arenna nipakemi a'jari kana pattunra. Tau ancinikai a'jari sanna'mi malla'na.”

YEREMIA 44:2

Iaminne pasanNa Batara Kaminang Koasaya, iamintu Allata'alana Israel, mae ri ke'nanga, angkana, “Kalennu ngaseng le'ba' anciniki bala le'baka Kupabattu mae ri Yerusalem siagang kota maraenga ri Yehuda. Sa'genna pole kamma-kamma anne anjo kota-kotaya ancuru' ngasengiji siagang tena nanipammantangngi.

YEREMIA 25:38

Rapang singa assuluka battu ri leanna, kamma tomminjo Batara assuluki untu' anghukkungi umma'Na. Palla'na pa'bundukanga siagang kalarroanNa Batara ampinrai anne pa'rasanganga a'jari parang lompo.

YESAYA 64:10

Kota-kota matangkasatTa sanrapammi parang lompoa, Yerusalem a'jari parang kalotoro' siagang sino.

YESAYA 24:1

LaNapanraki Batara linoa, sa'genna a'jari kalotoro' siagang sino. LaNabulintaki bageang ratena nampa napasimbung-simbung sikamma pandudu'na.

YESAYA 6:11

Akkuta'namma' angkana, “Siapa sallona lakajariang anne kammaya, Batara?” Appialimi angkana, “Sa'genna a'jari rumbangngang anjo kota-kotaya natena taunna, tenamo nipammantangngi sikamma ballaka, siagang la'jari sino sikalimi na roso' buttaya.

YESAYA 5:9

Kulangngereki Batara Kaminang Makoasaya assumpa angkana, “Anne sikamma balla' lompoa siagang ga'gaya lakosong ngasengi tena bonena.

YESAYA 5:6

LaKubalang parekangi natimboi ruku'-ruku' liara'. Tena nalaKuparakai poko' anggoro'na, siagang tena nalaKusangkoi. Ba'lalo Kubalang parekangi nitongko' ri ruku' siagang rompo' akkatinting, ba'lalo Kupisangkai rammanga ampitu'guri bosi.”

YEREMIA 12:11

Ba, Kucini' ngasengi ke'nanga ampa'jari tampa' sinoi pa'rasangangKu, appakapacce pa'mai'. Ta'ronang ngasemmi, tenamo amparhatikangi.

YEREMIA 33:10

Nakana Batara, “Nakana taua anne tampaka sangkammai parang lompo, tena tau siagang olo'-olo' ammantang anjoreng. Anjo kananna ke'nanga memang annabai, nasaba' kota-kotana Yehuda siagang agang-aganga ri Yerusalem kosong ngasemmi; tena tau yareka olo'-olo' ammantang anjoreng.