KAIMANGNGANG 26:25 - KITTA' MATANGKASA'

²⁵ Lappa'niakKa' pa'bundukang ri tangnga-tangnganu lanri nudakkaina parjanjiangKu siagang ikau. Siagang punna asse'reko ri kotanu untu' a'boya pa'la'langngang, lappabattuA' garring tenaya nakkulle niballei, sa'gennu tarpassa manyara mae ri musunnu.

KAIMANGNGANG 26:25 Referans Kwoze

PAMMILANGNGANG 14:12

LaKuancuruki ke'nanga; lappabattuA' garring a'lette'-letteka ri tangnga-tangngana ke'nanga. Mingka ikau laKupa'jariko mangge ri se'rea bansa lompoanganga siagang kassakanganga na anjo ke'nanga!”

YEHEZKIEL 5:17

Pantaranganna bala kacipuranga, lappabattu tongA' garring, kapallakang siagang bundu', untu' ambunoi pandudu'nu, siagang olo'-olo' sekkeka untu' ambunoi ana'-ana'na ke'nanga. INakke, Batara, anne akkana.”

YEHEZKIEL 33:2

“He tau, paui mae ri bansanu, angkanaya punna Kupabattu pa'bundukanga ri se'reang pa'rasangang, iaminne lakajariang: Anjo pandudu'na pa'rasanganga lanapilei ke'nanga battu ri tangnga-tangngana ke'nanga sitau pajaga.

YEHEZKIEL 29:8

Lanri kammana anjo, iNakke, Batara Kaminang Tinggia, Kukana ri kau angkanaya lappabattuA' tantara untu' ambundukiko siagang pa'dang, kammayatompa nabunoi pandudu'nu siagang olo'-olo'nu.

YEHEZKIEL 20:37

LaKuterassiko sollanna nuturuki parjanjiangKu.

YEHEZKIEL 14:17

Nakulle kapang appabattuA' pa'bundukang ri anjo pa'rasanganga, nakukiring sanjata-sanjata porea untu' ampanraki baji' rupataua kammayatompa olo'-oloka.

YEHEZKIEL 6:3

Suroi ke'nanga ampilangngeri siagang amparhatikangi apa Kupaua, iNakke, Batara Kaminang Tinggia, mae ri anjo moncong-monconga, kammayatompa mae ri sikamma bontoa, sikamma tubirika siagang sikamma lappara'na ka'bunga. Tojeng, lappabattuA' pa'dang untu' angngancuruki tampa'-tampa' panynyombanga ri barhalaya.

YEREMIA 24:10

LaKupabattui mae ri ke'nanga pa'bundukanga, kacipuranga, siagang garringa sa'genna mate ngaseng ke'nanga siagang tenamo ammantang tassesa anrinni ri pa'rasangang le'baka Kupassareang mae ri ke'nanga siagang boe-boena ke'nanga.”

PAOLE 32:25

Bundu' angngeranga kamateang niaki ri sikamma oloanga, manna ammantanga ri balla' nabattui todong malla'. Turungkana bansaya lamatei, ana' lolo na tau toa dudu tena passangalinna.

PAOLE 28:21

Sabattu-battuna garringa antujuko, sa'genna kala'busanna manna sitau battu ri kau tena lammantang tassesa ri anjo pa'rasangang nupammantangngia.

LUKAS 21:11

Lata'ge'gosoki buttaya ri kere-keremae. Lanaallei cipuru' siagang lanatabai garring sikamma rupataua. Nia' lakajariang apa-apa sannaka appakamalla'na rate ri langika.

AMOS 4:10

AppabattuA' garring mae ri kau sangkamma Kupabattua mae ri Mesir. Sikamma tau rungkanu Kubunoi lalang pa'bundukang, siagang sikamma jarannu Kurampasaki. Kubonei pakkemaannu siagang bakke-bakke sa'genna sanna' botto'na nuara'. Mingka manna pole nakamma, tena tongijapa nummotere' ri Nakke.

PIRAUNG 2:21

Tau toa tau rungka tattalasa' mate ri aganga, turungka bura'ne baine mate lanri pa'dang. Ri wattu larroTa, tamammaling-malingKi' ansamballei ke'nanga.

YEREMIA 9:16

LaKupasiaraki ke'nanga mange ri alla'na bansa-bansa tenaya naassengi ke'nanga yareka ri boe-boena ke'nanga. Latulusu' appabattuA' tantara untu' ambunduki ke'nanga sa'genna Kuancuru' taba sikali ke'nanga.”

PAMMUJI 94:1

O, Allata'ala, IKatte Allata'ala assarea pa'balasa', Kipappicinikang laloi pa'balasatTa, o, Batara.

2 SAMUEL 24:15

Jari appabattumi Batara garring mae ri tu Israel appakkaramula anjo bari'basaka sa'genna wattu le'baka Natantukang Batara. Ri sikontu Israel nia' 70.000 jaina tau mate.

PAOLE 32:41

Punna le'ba' Kukantisi' pa'dangKu sa'genna accilla', laKupajappai kaadelanga. La'balasakKa' mae ri sikontu musua; Kuhukkungi tau birisika ri Nakke.

PAOLE 32:35

LaNabalasaki siagang laNahukkungi ke'nanga, latu'guruki ke'nanga; a'reppese'mi kapanrakanna ke'nanga.

PAMMILANGNGANG 16:49

Ia matea anjo wattua nia' 14.700 tau jaina, tenapa nanirekengi ke'nanga tau matea lalang angngewana Korah.

KAIMANGNGANG 26:6

LaKujagai kaamananna pa'rasangannu sa'gennu akkulle tinro sannang siagang tena numalla' manna pole ri nai. LaKupa'lanynyaki sikamma olo'-olo' sekkeka battu ri pa'rasangannu, siagang latenamo pa'bundukang ri pa'rasangannu.

PAMMILANGNGANG 31:3

Jari nakanamo Musa mae ri bansa Israel, “Sadia ngasengko untu' a'bundu'; musti nubunduki tu Midian untu' anggaukangi hukkunganNa Batara mae ri ke'nanga.

HAKING-HAKING 15:11

Nalangngere'na anjo a'lampami tu Yehudaya nia' 3.000 tau mange ri kali'bong batu niaka irate bulu' batu, ri Etam. Nakanamo ke'nanga anjoreng, “Simson, tenaka nanuassengi angkanaya nakoasaiki' tu Filistin? Apa anne nugaukang mae ri kambe?” Appialimi Simson angkana, “Musti kubalasaki apa le'baka nagaukang ke'nanga mae ri nakke.”

1 KARAENG-KARAENG 8:33

Punna nibeta ummatTa Israel ri musu-musunna lanri dorakana ke'nanga, nampa ammotere' ke'nanga mae ri Katte siagang napakala'birikKi' salaku Batara, nampa battu mae anrinni ri balla' passambayanganga, kammayatompa appala' doang appala' popporo' ri Katte,

1 KARAENG-KARAENG 8:37

Punna natuju anne pa'rasanganga bala yareka garring, yareka panraki lamung-lamunga lanri anging bambanga, olo', yareka anango, yareka punna nibundu' ummatTa ri musua, yareka nitaba ri garring,

YEREMIA 50:28

Sikamma tau laria mange ri Yerusalem battu ri Babel nacaritai antekamma batena Karaeng Allata'alata ambalasaki panggaukanna tu Babel mae ri Balla'Na Batara.)

YEREMIA 51:11

Nakompami Batara sikamma karaeng Media, lanri eroki Naancuru' Babel. Iaminjo caraNa ambalasaki panggaukanna tau le'baka angngancuruki balla'Na. Sikamma komandang pasukang pa'bundukanga naparentakangi nakana, “Ciduki ana' pananu! Pasadiai pattahannu!

KALAPPASSANG 5:3

Nakanamo Musa siagang Harun, “Le'ba'mi Napappicinikang KalenNa Allata'alana tu Ibrani mae ri kambe. Kisaremi ising ikambe a'lampa mange ri parang lompoa, kira-kira bellana battu anrinni tallungalloi nijappai. Eroki kambe mange assare koro'bang mae ri Batara, Allata'alana ikambe. Punna tanagaukangnga ikambe anjo kammaya, lanibunoi ikambe passala' garring yareka pa'bundukang.”

2 KARAENG-KARAENG 17:3

Nibunduki siagang nibetai ri Salmaneser karaeng Asyur, sa'genna tunggala' taungi musti a'bayara' passare mae ri ia.

2 PATTOTTORANG 24:24

Tenaja najai anjo tantara Siria, mingka nilappassangi ke'nanga ri Batara ambetai tantara Yehuda bellaya jaina, lanri tenamo najampangi tu Yehuda Karaeng Allata'alana boe-boena ke'nanga. Kammami anjo bateNa Batara anghukkungi Yoas.

YESAYA 1:20

Mingka punna angngewako ri Nakke, lamateko lalang bundu'. INakke, Batara, anne a'bicara mae ri kau ngaseng.”

YESAYA 65:12

Lamate ngasengko passabakkang gau' katerassang. Saba' ri wattungKu akkio', tena nuppiali, siagang ri wattungKu a'bicara, tena nuppilangngeri. La'bi nungaiangngangi angngewaya ri Nakke siagang anggaukangi ja'dalaka.

YEREMIA 19:7

Ri anne tampaka laKupassalasai sikontu rancanana tu Yehuda siagang pandudu'na Yerusalem. LaKubalang parekangi ke'nanga nibeta ri musu-musunna siagang nibuno lalang ri pa'bundukanga. LaKubalang parekangi maya'na ke'nanga nikanre ri jangang-jangang siagang olo'-olo' sekke'.

HOSEA 11:6

Bundu' lompoa lanarapiki sa'genna kota-kotana ke'nanga; lanipanraki sikamma pakke'bu' lompoa, siagang lania'moroki ummakKu. Nakajariang anjo kammaya lanri naturukinna ero' kalenna ke'nanga,

HABAKUK 3:5

Kisuroi garringa a'jappa ri dallekanTa nakamateanga amminawang ri bokoTa.