KAIMANGNGANG 25:39 - KITTA' MATANGKASA'

³⁹ Punna nia' tau julu bansanu ammantanga ri alla'nu tu'guru' kasi-asi sa'genna nabalukang kalenna salaku ata mae ri kau, anjo taua takkulleai nusuro anggaukangi jama-jamanna ataya.

KAIMANGNGANG 25:39 Referans Kwoze

KALAPPASSANG 21:2

Punna ammalliko sitau ata nabansanu tonji, musti napanjamangko annang taung sallona. Ri makatujuna taung, musti nilappassangi anjo taua siagang tena naparallu a'bayara' apa-apa.

1 KARAENG-KARAENG 9:22

Tu Israelka tena napa'jari atai Salomo. Nasarei tugasa' ke'nanga a'jari tantara, perwira tantara, panglima, komandang kareta pa'bundukang, siagang tantara pasukang a'jarang.

NEHEMIA 5:5

Sai ikambe anne tu Yahudi tonjaki'? Sai ana'na ikambe sangkamma tonji ana'-ana' tu Yahudi maraenga? Mingka manna nakamma tarpassa nalappassammi ana'-ana'na ikambe a'jari ata. Ba'lalo nia'mo ana' tulolonna ikambe le'ba' nibalukang a'jari ata. Tenamo pakkullena ikambe lanri le'ba'mi napappita'gallang kokonna siagang koko anggoro'na ikambe.”

2 KARAENG-KARAENG 4:1

Ri se'reang allo nia' sitau baine janda le'ba' baine na'bi a'lampa mange ri Na'bi Elisa nampa angkana, “Bapa', matemi bura'nengku! Nakiasseng tonja angkanaya anjo le'ba' bura'nengku tau mappilangngeri todong ri Allata'ala, mingka nia' inranna mae ri se'reang tau. Kamma-kamma anne battui anjo taua ero' angngalle rua anakku nampa napa'jari ke'nanga atanna, salaku pa'bayara' ri inranna tumate le'ba' bura'nengku.”

KAIMANGNGANG 25:46

siagang akkulle tongi nupa'jari warisi' mae ri sikamma ana'nu untu' a'jari atanna ke'nanga lalang sikontu tallasa'na. Mingka sangkammannu tu Israel takkulleai nukasarri.

YEREMIA 34:14

Kukana, sikontu ata tu Ibrani le'bakamo allayani annang taung sallona, musti nipakabebasaki ri kala'busanna taung makatujua. Mingka taerokai boe-boenu amparhatikangi yareka ampilangngeri anjo apa Kupaua.

YEREMIA 30:8

Nakana pole Batara Kaminang Koasaya ri umma'Na, “Punna battu sallang anjo alloa, laKutepoki anjo lembarang Kupatabaya ri salanggannu, siagang Kulappassangi passikko'nu. Tenamo nula'jari ata pole mae ri bansa maraenga.

YEREMIA 27:7

Sikontu bansaya la'jari atai mae ri ia, mae ri ana'-ana' bura'nena, siagang mae ri cucunna sa'genna narapi' wattunna pa'rasangang kalenna tu'guru' todong. Anjo wattua bansa Babel la'jari atai mae ri bansa-bansa kassaka siagang karaeng-karaeng lompoa.

YEREMIA 25:14

LaKubalasaki sikamma panggaukanna tu Babel; lanipa'jari atai ke'nanga ri karaeng-karaeng lompoa siagang ri jaia bansa.’ ”

KALAPPASSANG 1:14

siagang nasusaimi katallassanna anjo tu Israelka. Tena sikalimo pangngamaseanna anjo tu Mesir ampassai tu Israel anjama terasa' ri sikamma usaha bangunanga siagang panjama-jamang ri sikamma kokoa.

MATIUS 18:25

Tanakulleami nabayara' anjo inranna. Jari napassuroammi anjo karaenga sollanna nibalukang anjo ataya sipakkalabini siagang ana'-ana'na, kammayatompa sikontu barang-baranna, nampa nabayara' inranna.

2 PATTOTTORANG 28:10

Na kamma-kamma anne eroki nupa'jari atannu anjo tu Yerusalem siagang tu Yehuda. Tenaka nuassengi angkanaya ikau doraka ngaseng tommako mae ri Karaeng Allata'alanu?

YEREMIA 34:8

Karaeng Zedekia siagang pandudu'na Yerusalem appareki parjanjiang untu' ampakabebasaki

YEREMIA 34:9

sikamma ata-ata tu Ibrani niaka ri ke'nanga, baji' nabura'ne kammayatompa bainea sollanna tenamo manna sitau battu ri bansa Israel ampare' atai julu bansana.