KAIMANGNGANG 25:23 - KITTA' MATANGKASA'

²³ Takkulleai nubalukang tampa'nu untu' situlina, nasaba' anjo tampaka teai ikau pata, passangalinna Allata'ala pata. Ikau poro sanrapang jako tau battu-battu, nisarea ising untu' ampakei anjo tampaka.

KAIMANGNGANG 25:23 Referans Kwoze

1 PETRUS 2:11

Sikamma sari'battangku, sannaka kukarimangnginna! Ikau teaiko tuma'buttana anne linoa; ikau tau battu-battu jako. Lanri kammana, kupala' tojeng-tojengi mae ri kau sollanna tena nanuturuki hawa napasu rupataua, tuli ambundukiai nyawaya.

PAMMUJI 39:12

Lanri kasalanna rupataua, Kihukkungi siagang Kiajaraki sanrapang bu'bu' Kiancuruki apa lompoa anggaranna mae ri ke'nanga. Tojeng, rupataua sanrapanji sipa'maikang nappasa' bawang.

YEHEZKIEL 48:14

Manna silama' takkullei nabalukang ke'nanga anjo buttaya yareka napassambei; bageang kaminang bajika battu ri butta Israel takkulleai nipalette' mae ri tau maraenga, nasaba' anjo buttaya le'ba'mi nisa'lakkang Batara siagang untu' Napatang.

PAMMUJI 24:1

Pammujina Daud. Batara pata sikontu linoa siagang bonena, linoa siagang sikontu ammantanga ilalang.

1 PATTOTTORANG 29:15

Kiassengi o Batara, angkanaya sangkamma boe-boena ikambe, ikambe anne pole nijappai anne katallassanga sanrapangki' tubattu-battu bawang. Katallassanna ikambe sanrapanji bayang-bayang allaloa, siagang takkulleai ikambe alliliangi kamateanga.

PAOLE 32:43

Makkio' rannuko lanri umma'Na Batara, e, sikamma bansaya, nasaba' Nahukkungi sikontu tau ambunoai ke'nanga. A'balasaki mae ri musunNa mingka Napammopporangi dosana bansaNa.”

KALAPPASSANG 19:5

Kamma-kamma anne punna mannurukiko mae ri Nakke siagang majarrekko ri parjanjiangKu, laKupa'jariko umma' KalengKu. Sikontu buttaya ikau ampatangi, mingka ikau la'jariko umma' nikarimangngingKu,

YO"EL 3:2

Sikontu bansaya laKupasse'rei nampa Kuerang mange ri Ka'bung Pangadelanga. Nampa Kuadeli ke'nanga anjoreng lanri kaja'dallanna ke'nanga mae ri ummakKu, iamintu lanri nabage-bagena butta Israel nampa napela' ummakKu mange ri a'rupa-rupa pa'rasangang.

YO"EL 2:18

Nampa Naparhatikang Batara buttaNa, siagang Nakamaseang umma'Na.

HOSEA 9:3

Ikau ngaseng, he bansa Israel, tena nulammantang tuli ri butta Napassareanga Batara mae ri kau. Musti ammoterekko mange ri Mesir, siagang musti angnganreko kanre harang ri Asyur.

PAMMUJI 85:1

Untu' pamimping pakelong. Pammujina golongang Korah.

2 PATTOTTORANG 7:20

laKupasulukko battu ri pa'rasangang le'baka Kupassareang mae ri kau. LaKubokoi tongi anne ballaka, le'baka Kupattantu a'jari balla' panynyombang mae ri KalengKu. Kemae-kemaei anne ballaka lanipakatuna siagang lanikakkali ri taua.

KAIMANGNGANG 25:10

Musti nusa'laki anjo taung makalimampuloa, siagang nupa'la'bang kabebasanga mae ri sikontu pandudu'na pa'rasanganga. Lalanna anjo taunga sikontu barang-barang le'baka nibalukang musti nipoterangi mae ri uru patannaya yareka mae ri jari-jarina. Inai-nai nibalukang salaku ata musti nipoterangi mae ri kaluargana.

YESAYA 8:8

Lanatujui ke'nanga Yehuda rapang a'ba narapika sa'genna kallong tinggina nammantang je'neka ri kere-keremae.” Narurungangki' Allata'ala! Takka'rangi ka'nyi'Na alla'langi pa'rasanganta.

PAMMUJI 119:19

Poro sinampe'ja' bawang lammantang ri lino, teaKi' cokkoi hukkunTa mae ri nakke.

1 KARAENG-KARAENG 21:3

Appialimi Nabot angkana, “Anne koko anggoroka sossorang battu ri boe-boeku. Lanri Allata'ala, tena kukkulle ampassareangi ri katte”.

PA'JARIANG 47:9

Appialimi Yakub angkana, “Sibilangngammi antallumpulo taung attallasa' atanta, a'jari tupalampa mange-mange. Punna nipasinrapangi siagang umuru'na boe-boena atanta a'jaria tupalampa mange-mange, anne katallassanna atanta jai kasukkarranna siagang bodoji umuru'na.”

PA'JARIANG 23:4

“Inakke anne tubattu-battuja' ammantang ri tangnga-tangngata ngaseng; kisarea' pangngellai untu' ammalli siapa are luara'na butta sollanna akkulle kutarawang bainengku.”

KALAPPASSANG 2:22

Ammana'mi Zipora sitau ana' bura'ne. Naaremmi Gerson anjo anaka, lanri napikkiriki Musa angkanaya, “Inakke anne tubattu-battua' mae anrinni.”

KAIMANGNGANG 25:24

Punna nia' tampa' nibalukang, musti niakui ha'na uru patannaya riolo untu' ampasuluki ammotere' anjo tampaka.

PAMMUJI 39:13

Kipilangngeri pappala' doangku, o, Batara, Kiparhatikangi pappalakku; teaKi' ammantangngi a'mereki punna angngarruka'. Sangkamma sikontu boe-boeku, sinampe'ja' bawang annumpang ri Katte.