KAIMANGNGANG 25:10 - KITTA' MATANGKASA'

¹⁰ Musti nusa'laki anjo taung makalimampuloa, siagang nupa'la'bang kabebasanga mae ri sikontu pandudu'na pa'rasanganga. Lalanna anjo taunga sikontu barang-barang le'baka nibalukang musti nipoterangi mae ri uru patannaya yareka mae ri jari-jarina. Inai-nai nibalukang salaku ata musti nipoterangi mae ri kaluargana.

KAIMANGNGANG 25:10 Referans Kwoze

YEREMIA 34:8

Karaeng Zedekia siagang pandudu'na Yerusalem appareki parjanjiang untu' ampakabebasaki

YESAYA 63:4

Le'ba'mi Kurancanakang allo pa'balassanga, siagang wattu kalappassanga mae ri ummakKu.

1 PETRUS 2:16

Paralluko a'jari tau bebasa' lalang katallassannu; mingka teako pakei anjo kabebasannu untu' antongkoki kaja'dallanga, passangalinna a'jari mako ata-atanNa Allata'ala lalang ri katallassannu.

GALATIA 5:13

Le'ba' mako nikio' a'jari tau bebasa'. Mingka teako pake salai anjo kabebasannu, untu' anggaukang ero' kalennu. Passangalinna musti sikamaseangko siagang massing siparakaiko.

KAIMANGNGANG 25:13

Lalang anjo taunga sikontu tampa' le'baka nibalukang musti nipoterangi mae ri uru patannaya.

KALAPPASSANG 20:2

“INakkemi Karaeng Allata'alanu, angngerangako assulu' battu ri Mesir, tampa'nu nipare' ata.

GALATIA 4:25

Jari, iaminjo Hagar sanrapang Bulu' Sinai, niaka ri butta Arab. Iami pangngebaranna kota Yerusalem siagang sikontu tuma'buttana, a'jaria ata kamma-kamma anne.

2 KORINTUS 3:17

Jari, nikanaya Batara anrinni iamintu Roh. Na kere-keremae nia' RohNa Batara, anjoremmi nia' kalappassang.

PAMMUJI 146:7

Naalleangangi ha'na sikamma tau nijallakkanga, na Nasare kanre tau cipuruka. Batara allappassangi sikamma tunitahanga,

YESAYA 49:9

Tau nitarungkua Kusuroi assulu'; tau niaka lalang ri sassanga Kuerangi mae ri singaraka. Ba'lalo manna ri bulu' a'gondoloka tena nalakakurangang ke'nanga, ri sikontu oloanna nia' sadia kanre.

EZRA 1:3

Poro Najagai ngasengko Allata'ala, ikau ngaseng a'jaria umma'Na. Musti ammoterekko mange ri Yerusalem nampa nubangung ammotere' Balla'Na Batara untu' Allata'alana Israel, Allata'ala niaka ammantang ri Yerusalem.

KAIMANGNGANG 25:11

Teako lamungi kokonnu. Gandung attimboa kalenna yareka rappo anggoro' tenaya niparakai ri kokonnu takkulleai nupasse're siagang nuboli'.

KAIMANGNGANG 25:54

Punna takkulleai nipasulu' anjo taua lalang kalase'renna anjo caraya, ia siagang sikamma ana'na musti nipakabebasaki lalang Taung Pammoterang labattua.

YEHEZKIEL 46:17

Mingka punna anjo patugasa' pamarentaya napassareangi sipa'gang butta pisakana mae ri sitau atanna, anjo buttaya lammotereki a'jari buttana anjo patugasa' pamarentaya punna narapi' Taung Pammoterang. Anjo buttaya ia ampatangi ammotere', kammayatompa iaji bawang siagang ana'-ana' bura'nena akkulle ampatangi anjo buttaya situlusu'na.

KAIMANGNGANG 25:41

Anjo wattua ia siagang sikamma ana'na akkullei nabokoi balla'nu nampa ammotere' mange ri kaluargana siagang ri pa'rasangang boe-boena.

YEREMIA 34:10

Sikontu ra'yaka siagang sikamma pagawe pamarentaya le'baki appare' parjanjiang untu' ampakabebasaki massing atanna ke'nanga siagang tenamo napare' atai ke'nanga, angkanaya lanalappassang tojeng-tojengi ke'nanga.