KAIMANGNGANG 24:5 - KITTA' MATANGKASA'

⁵ Angngalleko sampulo anrua kilo labu' kaminang baji' nampa apparekko sampulo anrua roti a'bo'dong, massing tasse'rei kilo labu' lalanna sibatua.

KAIMANGNGANG 24:5 Referans Kwoze

KALAPPASSANG 25:30

Anjo mejanga musti niboliki ri dallekanna Patti Parjanjianga, siagang musti tuli nia' sadia roti tattala irate ri anjo mejanga.”

KALAPPASSANG 40:23

nampa napadongko' roti nipatalaya irate ri anjo mejanga.

1 KARAENG-KARAENG 18:31

Angngallei sampulo anrua batu. Massing tasse'rea batu nawakkeli kalase'renna sampuloa anrua suku turunganna Yakub, iamintu tu nisarea areng Israel ri Batara.

YAKOBUS 1:1

Natarimai sikontu Umma'Na Allata'ala, ia niaka tassiara' ri sikontu linoa. Sallang battu ri nakke Yakobus, atanNaya Allata'ala siagang Batara Isa Almasi.

LAMPA-LAMPANA 26:7

Ia tomminjo janjia le'ba' naminasai dudu sampuloa anrua suku bansa Israel. Sa'genna assambayang ke'nanga ri Allata'ala allo bangngi. Na lanri tappakku mae ri anjo janjia, Karaeng Tunipakala'birika, iaminjo nakunapassala mamo tu Yahudia.

MATIUS 12:4

Antamaki ri Balla'Na Allata'ala, nanakanre roti le'baka nipassareang ri dallekanNa Allata'ala. Padahala', manuru' ri pangatorang agamata takkulleai ke'nanga angkanrei anjo rotia – nasaba' imang-imangaji bawang akkulle angkanrei.

IBRANI 9:2

Se're pammantangang nipaenteng niarenga Kamara' Matangkasa' bageang ri dallekanna. Anjoreng nia' bangkeng pa'dongkokang kanjoli, siagang niaka mejang pammantangang roti lanipangngadakkanga mae ri Allata'ala.

KALAPPASSANG 39:36

mejang siagang sikontu pakkakasa'na siagang roti nipatalaya,

PAMMILANGNGANG 4:7

Musti appalaparaki ke'nanga silawara' kaeng gau' irateanganna mejang tampa' roti nipatalaya untu' Batara, siagang irate ri anjo mejanga musti appadongkoki panne, kappara' tampa' dupa, kappara' tampa' passare, siagang bongki untu' passare je'ne' anggoro'. Musti tuli nia' roti nipatala irate ri anjo mejanga.

1 SAMUEL 21:6

Jari napassareammi anjo imanga mae ri Daud anjo roti nipakkoro'bangnganga. Nasaba' ia niaka ri ia poro iaji bawang anjo roti nipakkoro'bangnganga mae ri Allata'ala, siagang le'ba'mi niangka' battu ri tampa' pakkoro'bangnganga untu' nisambei roti beru. (

1 PATTOTTORANG 9:32

Tu battua ri bijanna Kehat, iami tanggong jawa' untu' ampasadiai roti lanipatalaya untu' Batara punna allo Pammari-mariang.

1 PATTOTTORANG 23:29

Kammayatompa tanggong jawa' tongi ke'nanga ri jamang-jamang kammaya: roti eroka nipa'jari passare mae ri Allata'ala, labu' eroka nipake untu' passare ri Batara, kanre nipisi' tenaya nammake pa'gambang, koro'bang nitunu, siagang labu' nileoka siagang minynya' zaitun. Musti naukkuru' tongi siagang natimbangi sikamma apa eroka a'jari passare lanieranga mange ri Balla'Na Batara.

2 PATTOTTORANG 13:11

Tunggala' bari'basa' siagang karueng attunui ke'nanga dupa siagang assarei koro'bang nitunu untu' Batara, kammayatompa appasadiai roti nipatala. Tunggala' bangngi ke'nanga apparinra kanjoli-kanjoli ri pa'dongkokang kanjoli bulaenga. Ikatte tuli mannurukiki' ri parenta-parentaNa Batara, mingka ikau ngaseng nubokoimi Batara.

NEHEMIA 10:33

Lanapasadiai ikambe sikamma kaparalluanga untu' panynyombang ri Balla'Na Batara ri Yerusalem, iamintu: roti lanipatalaya, gandung passare allo-alloa, olo'-olo' untu' koro'bang nitunu allo-alloa, passare matangkasa' maraengannaya, koro'bang-koro'bang untu' nipammopporanna dosa Israel, siagang sikontu apa niparluanga untu' Balla'Na Batara ri Yerusalem.

KALAPPASSANG 40:4

Boliki mejanga ri tampa'na siagang sikamma pakkakasa'na. Pantama tongi bangkeng lampua siagang patabai lampuna.

1 SAMUEL 21:7

Kabutulangi, Doëg tu Edom, kapala pakalawakinna olo'-olo'na Saul, nia' tongi anjoreng anjo alloa, untu' ampapolei se'reang kawajibang agamana.)

NEHEMIA 10:34

Ikambe ra'yaka, imang-imanga, siagang tu Lewia, lanigoccangi taung-taung untu' appattantui angkanaya inai musti appasadia kayu tunu untu' sikamma koro'banga, lanipassareanga mae ri Karaeng Allata'alana ikambe, manuru' paratorang Hukkunga.