KAIMANGNGANG 23:29 - KITTA' MATANGKASA'

²⁹ Inai-nai angnganre apa-apa anjo alloa, tenamo nanibilangi umma'Na Allata'ala.

KAIMANGNGANG 23:29 Referans Kwoze

PA'JARIANG 17:14

Sikamma bura'-bura'ne tenaya nisunnaki tenamo nalanibilang anggota ummakKu, lanri tenana nanna'gala' mae ri anjo parjanjianga.”

PAMMILANGNGANG 5:2

“Pabattui anne parentaya mae ri tu Israel: Sikontu tau natabaya garring sala, yareka natabaya garring katauang, yareka tau le'baka anseroi mayaka, musti nipasuluki battu ri pakkemaanna tu Israel.

KAIMANGNGANG 23:32

Appakkaramula ri wattu labuna alloa ri tanggala' salapang anjo bulanga sa'genna labu alloa ri tanggala' sampulo, musti nupakalompoi anjo Allo Pammari-marianga, iamintu allo le'baka nisa'la' untu' pammari-mariang. Sikabusu'na anjo alloa musti appuasako.

YEHEZKIEL 7:16

Nia' sipa'gang lata'lappasa' nampa lari naiki ri pa'bulukanga. Anjoreng lasanrapangi ke'nanga jangang-jangang pune-pune nibongkaya battu ri ka'bunga; kabusu'na lakkunrarengi pa'risi' lanri dosa-dosana ke'nanga.

YEREMIA 31:9

A'jappai ke'nanga nammatti' je'ne' matanna, Kusaleori siagang Kururungangi ke'nanga. Kuerangi ke'nanga allalo ri tampa'-tampa' jaia je'ne'na, allalo ri agang lappara' tenaya nakkulle tatto'ro ke'nanga. INakke rapang mangge mae ri Israel; Efraim ana' bura'ne bungasakKu.”

YESAYA 22:12

Anjo wattua laNasuro ngasengko Batara Kaminang Tinggia siagang Kaminang Makoasaya angngarru' siagang appiraung, ancukkuruki uu'nu siagang ammake kaeng karung.

LAMPA-LAMPANA 3:23

Inai-nai taeroka ampilangngeri apa-apa napaua anjo na'bia, iami lanibuang assulu' battu ri passe'reanna umma'Na Allata'ala nampa nisessa.’

KAIMANGNGANG 13:46

Lalang garrinna anjo taua nibilang ra'masaki, siagang musti pantarannai pakkemaanga ammantang, bellai battu ri tau maraenga.

KAIMANGNGANG 23:30

Siagang inai-nai anjama anjo alloa, nihukkungi ri Batara iamintu hukkungang mate.

EZRA 8:21

Nampa kupa'la'bammo kupau anjoreng ri biring Binanga Ahawa angkana sikontu taua musti appuasai siagang napakatunai kalenna ri dallekanNa Allata'ala. Appala' doammi ikambe sollanna nipimping ikambe ri Allata'ala lalang ri anjo pa'jappanga, siagang Najagai ikambe, ana'-ana'na ikambe, siagang sikontu barang-baranna ikambe.

KALAPPASSANG 30:33

Tau appareka minynya' kamma anjo, yareka napakei untu' tau teai imang, tenamo nalanibilang anggota ummakKu.”

KAIMANGNGANG 7:20

Punna nia' tau angkanrei anjo dagenga ri wattu ra'masa'na, tenamo nanibilangi anggota umma'Na Allata'ala.

KAIMANGNGANG 7:21

Punna nia' tau angkanrei anjo dageng koro'banga ri wattu le'ba'na nasero apa-apa ra'masaka, baji' na apa-apa battua ri rupataua kammayatompa na apa-apa battua ri olo'-oloka, tena tommo nanibilangi anggota umma'Na Allata'ala.