KAIMANGNGANG 22:23 - KITTA' MATANGKASA'

²³ Untu' koro'bang ero' kalennu, akkulleko assare olo'-olo' tenaya nabaji' kalenna; mingka punna untu' anrupai tinja', anjo olo'-olo' kammaya tena nakkulle nitarima.

KAIMANGNGANG 22:23 Referans Kwoze

KAIMANGNGANG 21:18

Tau assarea koro'bang takkulleai tau sala-salanga tubuna, iamintu tau butaya, yareka tau pesoka, tau sala-salanga rupanna yareka sala-salanga tubuna maraenga;

KALAPPASSANG 35:29

Sikontu tu Israelka massing naerammi passarena ke'nanga siagang ati maci'nonna mae ri Batara untu' jama-jamang Naparentakanga Batara tete ri Musa.

KAIMANGNGANG 22:22

Teako assarei koro'bang olo'-olo' buta mae ri Batara, yareka tepoka bukunna yareka lokoka, yareka niaka lattanna siagang a'nanai, yareka natabaya garring bukkuleng yareka puru-puruanga. Olo'-olo' kammaya anjo teako passareangngi untu' koro'bang kanre-kanreang irate ri tampa' pakkoro'bangnganga.

KAIMANGNGANG 22:24

Teako assarei mae ri Batara iaminjo olo'-olo' panraka, yareka tassappika, yareka bokkaka, yareka nipelaka lisere' butona. Anjo kammaya takkulleai nigaukang ri pa'rasangannu.

PAOLE 15:21

Mingka punna nia' caca'na anjo olo'-oloka, ebara'na akkeppangi yareka butai yareka caca' battala' maraengannaya, takkulleai nupassareang mae ri Karaeng Allata'alanu.

PAOLE 17:1

Teako assarei sapi yareka gimbala' niaka callanna mae ri Karaeng Allata'alanu, lanri taNangaiyai Karaeng Allata'alanu.

MALEAKHI 1:8

Punna assareko ri Nakke olo'-olo' buta, garringa yareka pesoka, maka teai panggaukang sala anjo kammaya? Coba sai bedeng passareang anjo olo'-olo' kammaya mae ri guburnurka! Maka lasannangi nyawana siagang lanagaukangi kabajikanga mae ri kau?”