KAIMANGNGANG 22:22 - KITTA' MATANGKASA'

²² Teako assarei koro'bang olo'-olo' buta mae ri Batara, yareka tepoka bukunna yareka lokoka, yareka niaka lattanna siagang a'nanai, yareka natabaya garring bukkuleng yareka puru-puruanga. Olo'-olo' kammaya anjo teako passareangngi untu' koro'bang kanre-kanreang irate ri tampa' pakkoro'bangnganga.

KAIMANGNGANG 22:22 Referans Kwoze

KAIMANGNGANG 22:20

Teako assarei olo'-olo' niaka callanna nasaba' taerokai Batara antarimai.

MALEAKHI 1:8

Punna assareko ri Nakke olo'-olo' buta, garringa yareka pesoka, maka teai panggaukang sala anjo kammaya? Coba sai bedeng passareang anjo olo'-olo' kammaya mae ri guburnurka! Maka lasannangi nyawana siagang lanagaukangi kabajikanga mae ri kau?”

KAIMANGNGANG 3:5

Yangasenna anjo, siagang koro'bang nitunu maraengannaya, musti nitunui irate ri tampa' pakkoro'bangnganga. Rasanna anjo koro'bang kanrea lanapakasannangi nyawaNa Batara.

KAIMANGNGANG 3:3

Untu' koro'bang passiamakkanga mae ri Batara, musti napassareangi imanga bageang-bageang kammaya anne: janna anrokokiai bone battanna,

KAIMANGNGANG 1:13

Nampa anjo taua musti nabissai bone parru'na siagang bongganna anjo olo'-oloka. Nampa musti napassareang ngaseng imanga mae ri Batara, na natunu irate ri tampa' pakkoro'bangnganga. Rasanna anjo koro'bang nitunua lanapakasannangi nyawaNa Batara.

KAIMANGNGANG 1:9

Anjo taua musti nabissai bone parru'na siagang bongganna anjo sapia; nampa imang tugasaka musti natunu ngasengi anjo ri tampa' pakkoro'banga. Rasanna anjo koro'banga lanapakasannangi nyawaNa Batara.

KAIMANGNGANG 22:21

Punna nia' tau assare koro'bang passiamakkang mae ri Batara untu' anrupai tinja'na yareka untu' koro'bang ero' kalenna, anjo olo'-oloka takkulleai nia' callanna, sollanna akkulle nitarima.

KAIMANGNGANG 22:23

Untu' koro'bang ero' kalennu, akkulleko assare olo'-olo' tenaya nabaji' kalenna; mingka punna untu' anrupai tinja', anjo olo'-olo' kammaya tena nakkulle nitarima.