KAIMANGNGANG 22:21 - KITTA' MATANGKASA'

²¹ Punna nia' tau assare koro'bang passiamakkang mae ri Batara untu' anrupai tinja'na yareka untu' koro'bang ero' kalenna, anjo olo'-oloka takkulleai nia' callanna, sollanna akkulle nitarima.

KAIMANGNGANG 22:21 Referans Kwoze

PAMMILANGNGANG 15:8

Punna anjo nikoro'bangkanga iamintu sikayu sapi laki untu' koro'bang nitunu yareka koro'bang pa'bayara' tinja' yareka koro'bang passiamakkang,

PAMMILANGNGANG 15:3

Untu' koro'bang nitunu yareka koro'bang pa'bayara' tinja', yareka koro'bang ero' kalennu; yareka koro'bang ri sikamma allo lompo biasaya, akkulleko assare mae ri Batara iamintu: sapi laki, gimbala' laki, yareka bembe, yareka gimbala'. Rasanna anjo sikamma koro'banga napakasannangi nyawaNa Batara.

KAIMANGNGANG 3:6

Punna anjo nipassareanga iamintu sikayu bembe yareka gimbala' untu' koro'bang passiamakkang, akkullei laki, akkulle tongi gana, mingka takkulleai nia' caca'na.

KAIMANGNGANG 3:1

Punna nia' tau assare sikayu sapi untu' koro'bang passiamakkang, anjo sapia akkullei laki, akkulle tongi gana, mingka takkulleai nia' caca'na.

PANGNGEBARANG 7:14

“Anne alloa musti kubayaraki tinjakku, nalanri kammana le'ba'ma' assare koro'bang.

PAMMUJI 50:14

Assare mako koro'bang sukkuru' mae ri Allata'ala, rupai janjinnu mae ri Kaminang Tinggia.

PA'JARIANG 28:20

Nampa assumpamo Yakub angkana, “Punna Natulunga' siagang Najagaia' Batara lalang ri anne pa'lampangku, siagang Nasarea' kanre siagang pakeang,

KALAPPASSANG 35:29

Sikontu tu Israelka massing naerammi passarena ke'nanga siagang ati maci'nonna mae ri Batara untu' jama-jamang Naparentakanga Batara tete ri Musa.

KAIMANGNGANG 22:22

Teako assarei koro'bang olo'-olo' buta mae ri Batara, yareka tepoka bukunna yareka lokoka, yareka niaka lattanna siagang a'nanai, yareka natabaya garring bukkuleng yareka puru-puruanga. Olo'-olo' kammaya anjo teako passareangngi untu' koro'bang kanre-kanreang irate ri tampa' pakkoro'bangnganga.