KAIMANGNGANG 20:14 - KITTA' MATANGKASA'

¹⁴ Punna nia' tu bura'ne a'bunting siagang sitau baine nampa nabuntingi todong amma'na anjo bainea, anjo tau tallua musti nitunui sa'genna mate, lanri ampanggaukang tena nasilolongang ke'nanga. Anjo panggaukang kammaya takkulleai kajariang ri tangnga-tangnganu.

KAIMANGNGANG 20:14 Referans Kwoze

KAIMANGNGANG 18:17

Teako assikatinroangngi siagang ana'na yareka cucunna baine le'baka nuagang sikatinroang. Gassingka anjo ke'nanga bija pammanakannu, nampa anjo panggaukang kammaya tena nabaji'.

PAOLE 27:23

‘Nitunrai tau assikatinroanga siagang matoang bainena.’ ‘Aming!’

AMOS 2:7

Najallakkangi ke'nanga tau tenaya pakkullena siagang lammaya, kammayatompa napakabellai tu kasi-asia. Manggea siagang anaka nagauki se'rea ata baine narua-ruai, sa'genna nara'massi areng matangkasakKu.

YOSUA 7:15

Nampa anjo tau nijo'joka siagang a'nyatami angkanaya ammoliki barang-barang anjo nipappisangkanga, musti nitunui sa'genna cappu' siagang sikamma kaluargana kammayatompa sikontu barang-barang napatanga; nasaba' iami anjo taua andakkai parjanjianga siagang le'baka anggaukangi kaja'dallang lompoa ri tangnga-tangngana umma' Israel.”

YOSUA 7:25

Nampa nakanamo Yosua mae ri Akhan, “Angngapa nuppabattu kasusaang mae ri katte ngaseng? Kamma-kamma anne lappabattui Batara kasusaang mae ri kau!” Jari Akhan siagang sikamma kaluargana nisambilaimi batu ri sikontu tu Israel sa'genna mate. Sikontu barang-baranna, kammayatompa barang-barang nalukkaka nitunu ngasemmi sa'genna cappu'.

KAIMANGNGANG 21:9

Punna nia' ana' baine imang a'jari baine pagau' sala, nahinai manggena siagang musti nitunui sa'genna mate.