KAIMANGNGANG 20:11 - KITTA' MATANGKASA'

¹¹ Punna nia' tu bura'ne assikatinroang siagang kalase'renna bainenna manggena, naparkosai ha'na manggena. Anjo bura'nea siagang anjo bainea musti nihukkung matei. Matei ke'nanga lanri salana tonji ke'nanga.

KAIMANGNGANG 20:11 Referans Kwoze

PAOLE 27:23

‘Nitunrai tau assikatinroanga siagang matoang bainena.’ ‘Aming!’

PAOLE 27:20

‘Nitunrai tau anghinayai manggena lanri assikatinroanna siagang kalase'renna bainenna manggena.’ ‘Aming!’

1 KORINTUS 5:1

Sikontutojenna battumi mae ri nakke kabara'na angkanaya nia' tau ta'liwa'-liwa' batena a'gau' bawang ri tangnga-tangnganu; nia' tau assalimara' siagang amma' aona. Manna tau kapereka ta'gau' kammayai!

AMOS 2:7

Najallakkangi ke'nanga tau tenaya pakkullena siagang lammaya, kammayatompa napakabellai tu kasi-asia. Manggea siagang anaka nagauki se'rea ata baine narua-ruai, sa'genna nara'massi areng matangkasakKu.

PAOLE 22:30

Tena manna sitau akkulle anghinai manggena lanri assikatinroanna siagang kalase'renna bainenna anjo manggena.”

KAIMANGNGANG 18:6

Napassareangi Batara anne paratorang-paratoranga. Teako assikatinroangngi siagang kalase'renna bija pammanakannu.