KAIMANGNGANG 2:11 - KITTA' MATANGKASA'

¹¹ Koro'bang nipatalaya mae ri Batara takkulleai nipa'bengkoro' siagang bani yareka pa'gambang, lanri anjo je'ne' bania siagang pa'gambanga takkulleai nitunu untu' a'jari passare mae ri Batara.

KAIMANGNGANG 2:11 Referans Kwoze

GALATIA 5:9

Nakana taua, “Anjo pa'gambang sike'deka akkullei napabakka' sikontu tarigu le'baka nileo'.”

LUKAS 12:1

Anjo wattua assa'bu-sa'bui jaina tau battu. Assiassa'-assa'mi ke'nanga, sa'genna nia'mo tau nionjokang bangkenna. Lalang a'lipunnamo taua, Nakanamo Isa ri ana'-ana' gurunNa, “Tutuko mae ri pa'gambanna tu Farisia. Battuanna kanangKu, tutuko mae ri sipa'-sipa' munape'na ke'nanga.

KALAPPASSANG 23:18

Teako assarei roti ammakea pa'gambang ri wattunnu assare koro'bang olo'-olo' mae ri Nakke. Jannana anjo olo'-olo' nikoro'bangkanga mae ri Nakke lalang nigaukanna anjo sikamma passua'-suarranga takkulleai nuboli' sa'genna ammuko bari'basa'.

1 PETRUS 4:2

Lanri kammana, paralluko anturuki ero'Na Allata'ala lalang tallasa' lanudallekanga pole, ri anne linoa siagang teai kaerokang rupatau nuturuki.

LUKAS 21:34

“Jagai kalennu, gassingka sangnging assua'-suaraka, angnginung inungang terasa', yareka sangnging passala' katallassannu bawang nunawa-nawa, sa'genna tena nusadia natanusanna-sannaya nabattumo anjo wattua.

MARKUS 8:15

Nakana Isa ri ke'nanga, “Tutuko ri pa'gambanna tu Farisia siagang pa'gambanna Herodes.”

PANGNGEBARANG 25:27

Tabajikai angnganre bani jai dudu, kamma tomminjo kana appalece jai dudua.

PANGNGEBARANG 25:16

Teako angnganrei bani jai dudu; gassingka napa'jari takkoakko.

PANGNGEBARANG 24:13

Ana', angnganreko bani, saba' anjo bajiki. Sangkamma anjo je'ne' bania battui ri ru'mung bania, te'nei untu' nikanre,

LAMPA-LAMPANA 14:22

Napakajarre'mi atinna sikamma tau tappaka ri Isa ri anjo kota-kotaya. Napakainga'mi ke'nanga, sollanna tuli jarre' tappa'na mae ri Isa. “Musti jai rolong pa'risi' nikasia', nampa akkulle nikasia' mate'nea lalang ri Lino BeruNa Allata'ala,” kammami anjo napangngajarrang tunisuroNa Allata'ala mae ri sikamma tau tappakamo mae ri Isa, ri anjo kota-kotaya.

MATIUS 16:6

Nakanamo Isa ri ke'nanga, “Tutuko ri pa'gambanna tu Farisia siagang tu Sadukia.”

KALAPPASSANG 34:25

Ri wattunnu assare koro'bang olo'-olo' polongang, teako assarei apa-apa ammakea pa'gambang. Olo'-olo' nipolonga untu' koro'bang ri passua'-suarrang Paska musti nipila'busi memangi anjo bangngia; takkulleai nia' tassesa sa'genna ammuko.

KALAPPASSANG 29:25

Nampa allemi anjo rotia battu ri ke'nanga siagang tunui irate ri tampa' pakkoro'bangnganga. Rasanna anjo koro'banga lanapakasannangi pa'maikKu.

KAIMANGNGANG 1:13

Nampa anjo taua musti nabissai bone parru'na siagang bongganna anjo olo'-oloka. Nampa musti napassareang ngaseng imanga mae ri Batara, na natunu irate ri tampa' pakkoro'bangnganga. Rasanna anjo koro'bang nitunua lanapakasannangi nyawaNa Batara.

KAIMANGNGANG 6:10

Punna a'jari aumo anjo koro'banga, imang ammakea saluara' bodo siagang juba battu ri kaeng lenang, musti naangkaki anjo au niaka jannana battu rate ri tampa' pakkoro'bangnganga nampa naboli' ri sa'rinna tampa' pakkoro'bangnganga.