KAIMANGNGANG 19:35 - KITTA' MATANGKASA'

³⁵ Teako pa'dongo'-dongokangngi parannu tau lanri ammakeko ukkurang, timbangang yareka pa'baku' tenaya nannaba.

KAIMANGNGANG 19:35 Referans Kwoze

PAOLE 25:15

Pakemi timbangang siagang ukkurang annabaya sollanna la'bu umuru'nu ri pa'rasangang Napassareanga Karaeng Allata'alanu mae ri kau.

PAOLE 25:13

Teako ammakei timbangang siagang ukkurang untu' annipu.

MATIUS 7:2

Nasaba' antekamma batenu mangngadeli ri parannu tau, kamma tomminjo batenu laniadeli ri Allata'ala. Siagang pa'baku' apa nupake ambakuki parannu tau, ia tomminjo sallang pa'bakuka laNapake Allata'ala ambakukko.

MIKHA 6:1

Pilangngeri tuduhanNa Batara mae ri Israel. Ammenteng maKi', o Batara, Kipamajumi tuduhanTa! Lappassammi nalangngere' monconga siagang buluka apa eroka Kipau.

PANGNGEBARANG 20:10

Timbangang siagang ukkurang jekkonga taNangaiyai Batara.

PANGNGEBARANG 16:11

Nakaerokangi Batara a'gau' lambusu' taua lalang pa'balu'-balukanga, kammayami lalang ammakea ukkurang siagang timbangang.

PANGNGEBARANG 11:1

Nakabirisi Batara tau ammakea timbangang jekkong, mingka sannangi nyawaNa mae ri tau ammakea timbangang annaba.

KAIMANGNGANG 19:15

Musti lambusukko punna angngadeliko; teako battala' mangei ri tu kasi-asia siagang teako mallakki mae ri tau kalumanynyanga.

1 PATTOTTORANG 23:29

Kammayatompa tanggong jawa' tongi ke'nanga ri jamang-jamang kammaya: roti eroka nipa'jari passare mae ri Allata'ala, labu' eroka nipake untu' passare ri Batara, kanre nipisi' tenaya nammake pa'gambang, koro'bang nitunu, siagang labu' nileoka siagang minynya' zaitun. Musti naukkuru' tongi siagang natimbangi sikamma apa eroka a'jari passare lanieranga mange ri Balla'Na Batara.

YEHEZKIEL 45:10

Pakei timbangang siagang pa'baku' annabaya: