KAIMANGNGANG 19:29 - KITTA' MATANGKASA'

²⁹ Teako pakatunai anggaranna ana'nu bainea siagang teako lappassangngi a'jari baine sala ri balla'-balla' passambayangang rewataya. Lanri appakammanu anjo nanura'massi pa'rasangannu, siagang la'la'bangi anjo panggaukang sala kammaya anjoreng.

KAIMANGNGANG 19:29 Referans Kwoze

1 KORINTUS 6:15

Nuassemmi angkanaya anjo batangkalennu anggota batangkalenNa Almasi. Jari, maka akkullei kualle anjo anggota batangkalenNa Almasi, nampa kupa'jari anggota ri batangkalenna baine ja'dalaka? Tena sikali nakkulle!

KAIMANGNGANG 21:7

Se'rea imang takkulleai a'bunting siagang baine le'ba' pagau' salaya yareka baine tenayamo natulolo yareka le'bakamo assisa'la' siagang bura'nenna, lanri anjo imanga iNakke pata.

KAIMANGNGANG 19:28

Teako cacaki bukkulennu untu' appare' pammatei yareka bokkaki kalennu a'jari pammatei ri kasusannu lanri kamateangko. INakke Batara.

KAIMANGNGANG 21:9

Punna nia' ana' baine imang a'jari baine pagau' sala, nahinai manggena siagang musti nitunui sa'genna mate.

PAOLE 22:21

anjo bainea musti nierangi mange ri pakke'bu' balla'na tau toana. Anjoreng ri tampaka musti nisambilai siagang batu anjo bainea ri tubura'-bura'nea ri anjo kotaya sa'genna mate. Anjo bainea le'baki ampanggaukang appakasirika mae ri bansata lanri nagaukanna assikatinroanga siagang bura'ne ri tenanapa na'bunting, ri wattu ammantanna ija ri balla'na manggena. Lanri nihukkunna anjo bainea nupaccappu'mi anjo kaja'dallang kammaya.