KAIMANGNGANG 16:28 - KITTA' MATANGKASA'

²⁸ Tau antunuai musti nasassai pakeanna siagang a'je'neki ri wattu tenanapa nammotere' ri pakkemaanga.

KAIMANGNGANG 16:28 Referans Kwoze

PAMMILANGNGANG 19:7

Nampa musti nasassai pakeanna siagang a'je'neki imanga. Le'baki anjo akkullemi antama' ri pakkemaanga, mingka tuli ra'masa'na ija sa'genna labu alloa.

PAMMILANGNGANG 19:8

Anjo tau antunuai anjo sapia musti nasassa tongi pakeanna siagang musti a'je'neki; ia ra'masa' tongiji sa'genna labu alloa.

KAIMANGNGANG 11:24

Se'rea tau a'jari ra'masaki sa'genna labu alloa punna naseroi bakkena kalase'renna anne olo'-oloka: olo'-olo' niaka kanukunna pantaranganna a'mamaya siagang appangkaya kanukunna, siagang olo'-olo' appaka bangkenna na nia' pakkaere'na. Inai-nai angngerang bakke olo'-olo' kammaya anjo musti nasassai pakeanna, mingka ra'masa' iji sa'genna labu alloa.

KAIMANGNGANG 11:40

Tau angngeranga yareka tau angnganrea bakke kammaya anjo musti nasassai pakeanna, mingka tuli ra'masa'na sa'genna labu alloa.

KAIMANGNGANG 15:5

Inai-nai anseroi anjo taua yareka katinroanna yareka bate pammempoanna, yareka nipi'rui ri anjo taua, musti nasassai pakeanna siagang a'je'neki anjo taua; sa'genna labu alloa ra'masaki anjo taua.

KAIMANGNGANG 16:26

Anjo tau allappassangiai bembea untu' Azazel ri parang lompoa musti nasassai pakeanna siagang a'je'neki ri wattu tenanapa nammotere' mange ri pakkemaanga.

PAMMILANGNGANG 8:7

iamintu kammaya anne carana: piracciki ke'nanga siagang je'ne' untu' upacara pannangkasi siagang suroi ke'nanga ancukkuruki sikontu batangkalenna ke'nanga siagang ansassai pakeanna ke'nanga. Kammaminjo na natangkasi kalenna ke'nanga.

PAMMILANGNGANG 19:10

Anjo tau ampasse'reai anjo auna sapia musti nasassai pakeanna, mingka ra'masa' iji sa'genna labu alloa. Anne paratoranga nipakei sa'genna satunggu-tungguna, baji' mae ri tu Israel kammayatompa mae ri bansa maraeng ammantang tulia ri tangnga-tangngana ke'nanga.

YOHANES 13:10

Nakanamo Isa ri Petrus, “Punna le'ba'mo taua a'je'ne', tangkasa' ngasemmi sibatu kale. Tenamo naparallu nibissai pole; passangalinna bangkenna mami nibissai. Tangkasa' mako, mingka tenapa nutangkasa' ngaseng.” (