KAIMANGNGANG 16:14 - KITTA' MATANGKASA'

¹⁴ Nampa musti angngalle Harun sike'de' cera'na anjo sapia, nampa napiracciki siagang karemenna bageang dallekanna pa'rangka' Patti Parjanjianga siagang pintuju mae ri dallekanna Pattia.

KAIMANGNGANG 16:14 Referans Kwoze

IBRANI 9:25

Taung-taungi Imang lompona tu Yahudia antama' ri Kamara' Kaminang Matangkasaka lalang ri Balla'Na Batara. Antamaki angngerang cera'na sikayua olo'-olo'. Mingka antamaki Almasi angkoro'bangkangi KalenNa tena nauntu' a'mole-mole.

IBRANI 9:13

Anjo cera' bembea siagang sapi lakia kammayatompa auna anjo koro'bang sapi rungkaya, nipakei untu' amba'basaki sikamma tau ra'masaka, sollanna a'jari tangkasa' ke'nanga. Jari, punna akkulle ceraka siagang aua antangkasi kara'massanna ke'nanga,

IBRANI 10:4

Nasaba' tena memang nakkulle anjo cera' sapia siagang cera' bembe lakia ampa'lanynyaki dosaya.

IBRANI 9:7

Akkullea antama' ri bageang kaminang lalanna anjo pammantanganga, iamintu imang lompoaji bawang. Naporo sikaliji bawang sitaung nagaukang anjo kammaya. Siagang punna nagaukang anjo kammaya, angngerangi cera' untu' lanapangngadakkang mae ri Allata'ala untu' kalenna anjo imanga, siagang lanri sikamma dosa nagaukanga umma'Na.

KAIMANGNGANG 8:11

Anjo minynyaka niparacciki sike'de' pintuju irateanna anjo tampa' pakkoro'bangnganga siagang sikontu pakkakasa'na, kammayatompa mae ri rateanna ba' je'neka siagang dapara'na. Lanri kammana anjo nanisa'la' ngasemmo anjo apa sikammaya untu' Batara.

KAIMANGNGANG 4:17

Anjoreng musti najallakkangi karemenna antama' ri anjo ceraka nampa napiracciki sa'genna pintuju ri dallekanna gordeng passimbanna Kamara' Matangkasaka.

IBRANI 12:24

Isa nudallekang patteteang amparekai anjo parjanjiang berua; cera' nipa'ba'basaka nudallekang, iamintu cera' ampattantui la'bi baji'na apa-apaya, naia napattantua cera'na Habel.

IBRANI 10:19

Jari sari'battangku ngaseng, kamma-kamma anne barani maki' antama' ri Kamara' Kaminang Matangkasaka, lanri kamateanNa Isa.

IBRANI 9:21

Le'baki anjo napaba'basa' kammatommi anjo Musa anjo ceraka mae ri kemaNa Batara siagang sikontu pakkakasa' sarroa nipake assambayang.

KAIMANGNGANG 16:19

Naparacciki sike'de' anjo ceraka siagang karemenna sa'genna pintuju mange ri rateanna anjo tampa' pakkoro'bangnganga. Kammaminjo carana ampakatangkasaki tampa' pakkoro'bangnganga battu ri kara'massanna bansa Israel sollanna a'jari tangkasa'.

PAMMILANGNGANG 19:4

Nampa musti angngalle Eleazar sike'de' cera'na anjo olo'-oloka siagang naparacci' pintuju mae ri KemaNa Batara.