KAIMANGNGANG 15:31 - KITTA' MATANGKASA'

³¹ Nasuroi Batara anjo Musa ampakaingaki bansa Israel sollanna naparhatikang ke'nanga angkana ringngapanna nara'masa' ke'nanga siagang ringngapanna natena nara'masa', sollanna tena nara'massi ke'nanga KemaNa Batara, ia niaka ri tangnga-tanganga kemana ke'nanga. Punna nara'massi ke'nanga anjo Kemaya, tena tamatena ke'nanga.

KAIMANGNGANG 15:31 Referans Kwoze

PAMMILANGNGANG 19:20

Tau a'jari ra'masaka siagang tena nagaukangi upacara pannangkasia ri kalenna, tuli ra'masa'na lanri tenapa nanitiriki siagang je'ne' upacara. Nara'massi KemaNa Batara, siagang tenamo nanibilangi anggota umma'Na Allata'ala.

YEHEZKIEL 5:11

INakke Allata'ala mattallasaka, Batara Kaminang Tinggia, siagang iaminne kana-kanangKu: Lanri le'ba'namo nura'massi BallakKu siagang sikontu panggaukannu ja'dalaka siagang appakaringi'-ringika, jari laKuancurukko natena Kupammopporangko.

PAMMILANGNGANG 19:13

Tau naseroa maya' siagang tenaya natangkasi kalenna anjari ra'masaki, lanri tenanapa nanitiriki siagang je'ne' upacara. Nara'massi KemaNa Batara siagang lanri kammana anjo tenamo nanibilangi anggota umma'Na Allata'ala.

YEHEZKIEL 23:38

Nampa tena naanjo bawang. Nara'massi tongi ke'nanga BallakKu siagang allo Pammari-marianga, le'baka Kupattantu.

PAMMILANGNGANG 5:3

Musti nisuroi ke'nanga a'lampa sollanna tena nara'massi pakkemaanga, iamintu tampa' Kupammantangia siagang ummakKu.”

YUDAS 1:4

Nasaba' tanisa'ringai na nia'mo siapa are tu kodi ateka' antama' ri tangnga-tangngata. Anjo ke'nanga sangnging tau panra'; naputara' baleki biritta pangngamaseanNa Allata'alata, sollanna akkulle anggappa kasampatang ke'nanga untu' anggaukangi ero' hawa napasuna. Taerokai ke'nanga antarimai Isa Almasi, Batara Makoasa tena ruanna. Battu riolo dudu iji nanipau la'bi riolo memammo lalang ri Kittaka hukkungang lanagappaya ke'nanga.

IBRANI 10:29

Teaimi sipato' la'bi battala'na musti hukkunganna tau angngonjo'-ngonjokangai Ana'Na Allata'ala. Napakatunai cera' passijanjianNa Allata'ala, iamintu kamateanNa Almasi antangkasiai dosana. Nahinai Roh assarea passare malammoro'.

1 KORINTUS 3:17

Punna nia' tau ampanraki balla'Na Allata'ala, anjo taua lanipanraki tommi ri Allata'ala. Nasaba' anjo balla'Na Allata'ala matangkasaki, naia nikanaya balla'Na Allata'ala iamintu ikau.

YEHEZKIEL 44:23

Sikamma imanga musti naajaraki ummakKu untu' angngassengi angkanaya kereanga nisa'la' untu' iNakke siagang kereanga tena, kereanga matangkasa' situru' agamaya siagang kereanga ra'masa'.

DANIEL 9:27

Anjo karaenga lappareki parjanjiang majarre' siagang tau jaia lalang tuju taung. Ri attangngana anjo jammanga lanasuro pamarimi nikanaya assare koro'bang siagang passare. Nampa nia' apa appakamalla' iamintu niarenga Kaja'dallang angngancuruka, laniboli' ri Balla'Na Batara siagang latuli nia'na anjoreng sa'genna anjo tau ambolikai anjoreng nitujumi kapanrakang le'baka Napattantu Allata'ala untu' anjo taua.”

PAMMUJI 66:18

Ebara' angkana sannanga' annawa-nawai kaja'dallanga, mattantu taerokai Batara ampilangngeria'.

PAOLE 24:8

Punna nia' tau garring sala ri tangnga-tangnganu, gaukangi siagang baji' apa naparentakanga imang-imang Lewi mae ri kau; turuki sikamma apa napijo'jokiangko.

KAIMANGNGANG 21:23

Lanri anjo taua sala-salangi kalenna, takkulleai nareppesi gordeng passimbanna Kamara' Matangkasaka siagang tampa' pakkoro'bangnganga. Takkulleai nara'massi barang-barang le'baka nisa'la' untu' iNakke, lanri iNakkemi Batara, siagang iNakkemi ansa'laki anjo barang-baranga.”

KAIMANGNGANG 20:3

Inai-nai angkoro'bangkangi ana'na mae ri Rewata Molokh, nara'massi KemaKu siagang nahinai areng matangkasakKu. LaKuhukkungi siagang tenamo nalaKubilangi anggota ummakKu.

KAIMANGNGANG 19:30

Pakalompoi Allo Pammari-marianga siagang pakalompoi tampa' nitangkasia untu' anynyomba mae ri Nakke. INakke Batara.

KAIMANGNGANG 13:59

Kammaminjo paratorang-paratoranna nikanaya apa-apa jappo' niaka ri pakeanga yareka ri kaeng lenanga yareka wolka, yareka apa-apa mamo nipareka battu ri kukkulu'.

KAIMANGNGANG 11:47

Musti nuassengi nubatei angkanaya kereanga ra'masa' siagang tangkasa', kereanga olo'-olo' akkullea nikanre siagang olo'-olo' tenaya nakkulle nikanre.

KAIMANGNGANG 15:32

Kammaminjo paratorang-paratoranga ri passala'na bura'ne napassulukia je'ne' katauanna lanri garring baine, yareka assuluka je'ne' kebo' katauanna,

1 SAMUEL 3:14

Lanri kammana, assumpA' mae ri kaluargana Eli, angkanaya anjo dosana ke'nanga sannaka lompona, takkulleai nitangkasi siagang koro'bang apa-apa mamo sa'genna satunggu-tungguna.”

YEHEZKIEL 36:17

“He tau, ri wattunna ammantang tu Israel ri pa'rasangang kalenna, nara'massi anjo pa'rasanganna lanri tindakanna siagang panggaukanna ke'nanga. Kupasangkammai harang anjo panggaukanna ke'nanga, rapang baine battua bulanna.