KAIMANGNGANG 15:18 - KITTA' MATANGKASA'

¹⁸ Punna le'baki assikatinroang, baji' bura'ne kammayatompa bainea, musti a'je'neki, mingka tuli ra'masa'na sa'genna labu alloa.

KAIMANGNGANG 15:18 Referans Kwoze

1 PETRUS 2:11

Sikamma sari'battangku, sannaka kukarimangnginna! Ikau teaiko tuma'buttana anne linoa; ikau tau battu-battu jako. Lanri kammana, kupala' tojeng-tojengi mae ri kau sollanna tena nanuturuki hawa napasu rupataua, tuli ambundukiai nyawaya.

IBRANI 13:4

Sikontu taua musti napappicinikangi angkanaya napakalompoi nikanaya pa'nikkang; iaminjo saba'na naparallu massing tamalanrea tukkalabinia sijarreki ri pakkalabinianna. Inai-nai a'gau' sala yareka assalimara' laniadeli ri Allata'ala.

2 TIMOTIUS 2:22

Pakabellai kalennu battu ri kasannang-sannanganna tau rungkaya. Usahako untu' attallasa' situru' ero'Na Allata'ala, untu' majarre' tappa'nu mae ri Ia, mangngamaseang ri parannu tau siagang nia' kasannangang ri atinnu. Kammami anjo batenu attallasa' siagang sikamma tau akkioka appala' tulung mae ri Batara situlusu' atinna.

1 KORINTUS 6:18

Pakabellai kalennu battu ri sikamma panggaukang bawanga. Nasaba' sikontu dosa maraenga nagaukanga taua, pantarangang batangkalennai anjo taua kajariang. Mingka inai-nai a'gau' bawang, battuanna a'gau' dosami mae ri kalenna.

1 KORINTUS 6:12

Nia' tau angkana, “Yangaseng-ngasenna akkulleji nigaukang.” Mingka untu' inakke tena nayangasenna a'matu-matu kugaukang. Jari manna na'rupa-rupa apa-apa akkulle kugaukang, mingka tena nakuero' ampassareangi kalengku nikoasai ri apa-apa mamo.

PAMMUJI 51:5

Saba' kuakui sikamma kasalangku, tuli kuu'ranginna dosaku.

KAIMANGNGANG 15:5

Inai-nai anseroi anjo taua yareka katinroanna yareka bate pammempoanna, yareka nipi'rui ri anjo taua, musti nasassai pakeanna siagang a'je'neki anjo taua; sa'genna labu alloa ra'masaki anjo taua.

KAIMANGNGANG 15:16

Punna nia' sitau bura'ne assulu' je'ne' keboka battu ri katauanna, musti a'je'neki, mingka tuli ra'masa'na sa'genna labu alloa.

KAIMANGNGANG 15:17

Sikamma barang-barang battu ri kaeng yareka kukkulu' natabaya anjo je'ne' katauanna musti nisassai; anjo baranga ra'masaki sa'genna labu alloa.

2 SAMUEL 11:4

Nasuro allemi Daud anjo bainea. Na battuna mange ri balla' kakaraenganga, assikatinroammi siagang Daud. (Silalonna le'ba' Batsyeba anggaukangi upacara mannangkasi ri kalenna lanri le'ba'na battu bulanna.) Nampa ammotere' mange ri balla'na.