KAIMANGNGANG 15:10 - KITTA' MATANGKASA'

¹⁰ Inai-nai anseroi bate pammempoanna anjo taua, a'jari ra'masaki sa'genna labu alloa. Inai-nai angngangkaki anjo bate pammempoanna musti nasassai pakeanna siagang a'je'neki, siagang a'jari ra'masaki sa'genna labu alloa.

KAIMANGNGANG 15:10 Referans Kwoze

YAKOBUS 4:8

A'reppesekko mae ri Allata'ala na'reppese' todong Allata'ala mae ri kau. Bissaimi limannu, ikau tau dorakaya! Siagang tangkasi atinnu, ikau tau a'rua nyawaya!

PAMMUJI 26:6

Kubissai limangku pammatei tena kusala, na ku'jappa angnginroi tampa' pakkoro'bangnganTa, o, Batara,

KAIMANGNGANG 15:5

Inai-nai anseroi anjo taua yareka katinroanna yareka bate pammempoanna, yareka nipi'rui ri anjo taua, musti nasassai pakeanna siagang a'je'neki anjo taua; sa'genna labu alloa ra'masaki anjo taua.

KAIMANGNGANG 15:9

Pa'lapa' jaranna yareka apa-apa mamo le'baka napammempoi anjo taua a'jari ra'masaki.

KAIMANGNGANG 15:11

Punna nia' tu bura'ne napassuluki je'ne' katauanna lanri garring bainei, na nasero tau maraenga ri tenanapa nabissai limanna, anjo tau naseroa musti nasassai pakeanna siagang a'je'neki, kammayatompa ra'masaki sa'genna labu alloa.

KAIMANGNGANG 11:24

Se'rea tau a'jari ra'masaki sa'genna labu alloa punna naseroi bakkena kalase'renna anne olo'-oloka: olo'-olo' niaka kanukunna pantaranganna a'mamaya siagang appangkaya kanukunna, siagang olo'-olo' appaka bangkenna na nia' pakkaere'na. Inai-nai angngerang bakke olo'-olo' kammaya anjo musti nasassai pakeanna, mingka ra'masa' iji sa'genna labu alloa.

PAMMILANGNGANG 19:22

Barang naseroa anjo tau ra'masaka a'jari ra'masaki, siagang tau maraeng asseroai a'jari ra'masa' tongi sa'genna labu alloa.