KAIMANGNGANG 14:9 - KITTA' MATANGKASA'

⁹ Ri makatujuna alloa musti nacukkuru' ngasengi uu'na, janggo'na, bulu matanna siagang sikontu bulu-bulu niaka ri kalenna. Nampa nassasa pakeanna siagang a'je'neki. Punna le'ba'mo anjo nampami tangkasa'.

KAIMANGNGANG 14:9 Referans Kwoze

PAMMILANGNGANG 6:9

Punna a'jari ra'masa' uu'na tau le'baka nisa'la' lanri nia'na a'reppese' ri tau mate silalonnaya, musti attayangi tuju allo sallona; punna le'baki anjo musti nacukkuruki uu'na siagang janggo'na, nampami a'jari tangkasa'.

PAMMILANGNGANG 8:7

iamintu kammaya anne carana: piracciki ke'nanga siagang je'ne' untu' upacara pannangkasi siagang suroi ke'nanga ancukkuruki sikontu batangkalenna ke'nanga siagang ansassai pakeanna ke'nanga. Kammaminjo na natangkasi kalenna ke'nanga.

KAIMANGNGANG 14:8

Nampa anjo jangang-jangang attallasaka ija musti nalappassangi ri paranga. Nampa anjo taua musti nasassai pakeanna, nacukkuru' ngasengi uu'na, siagang a'je'neki. Jari tangkasa'mi anjo taua siagang akkullemi antama' ri pakkemaanga, mingka lalanna tuju alloa pole takkulleapi antama' ri kema kalenna.

KAIMANGNGANG 14:20

nampa napassareang siagang koro'bang nipatala irate ri tampa' pakkoro'bangnganga. Kammaminjo nanagaukammo imanga upacara pannangkasia mae ri anjo taua, sa'genna a'jari tangkasa'mo anjo taua.

PAOLE 21:12

Erangi anjo bainea mae ri balla'nu. Anjoreng ri balla'nu musti nagoncingi uu'na siagang nato'baki kanukunna,