Biblia Todo Logo
Bib sou entènèt

- Piblisite -




KAIMANGNGANG 14:22 - KITTA' MATANGKASA'

22 Musti angngerang tongi ruang kayu jangang-jangang bodobangkeng rungka yareka bukkuru' rungka: sikayu untu' koro'bang pammopporang dosa na sikayu pole untu' koro'bang nitunu.

Gade chapit la Kopi




KAIMANGNGANG 14:22
11 Referans Kwoze  

Nia' sipa'gang lata'lappasa' nampa lari naiki ri pa'bulukanga. Anjoreng lasanrapangi ke'nanga jangang-jangang pune-pune nibongkaya battu ri ka'bunga; kabusu'na lakkunrarengi pa'risi' lanri dosa-dosana ke'nanga.


Ikau pandudu'na Moab, bokoimi kota-kotanu siagang mange mako ammantang ri bulu'-bulu' batua rapang jangang-jangang bodobangkeng appareka ru'mung ri tubirika.


Mallaki siagang si'nai pa'mai'na ikambe; a'boyai kaadelang ikambe, mingka tena; a'minasai ikambe ri kasalamakkang, mingka sia-siaji.


Sa'rangku pila' ca'dimi na pila' lamma, rapang jangang-jangang bodobangkeng akkunrareng. Mangngammi matangku acconga nai' ri langi', Batara, Kilappassanga' battu ri anne kasusaanga.


O, bodobangkengku niaki ri alla'na batua, ri paccokkoang tubiri'na moncong batua, boli'mi kamma kucini' tanja'nu, nakulangngere' sa'rannu, lanri ga'gai tanja'nu, na baji' sa'rannu.


“Larimi sikamma karaeng-karaenga siagang pasukanna!” Lari ke'nanga sanrapang jangang-jangang bodobangkeng a'lampa anri'ba'. Sikamma bainea ri balla' a'bage-bage pera' siagang bulaeng nabokoia ke'nanga. Manna najai tena namminawang a'bundu', mingka ammetami umma'Na Allata'ala.


Mingka punna tena pakkullena anjo tau kasalanga appasadia gimbala' yareka bembe untu' antangkasi dosana, musti angngerangi sipasang jangang-jangang bukkuru' yareka jangang-jangang bodobangkeng rungka, sikayu untu' koro'bang nipammopporanna dosana, nampa sikayu pole untu' koro'bang nitunu.


Punna kasi-asi anjo taua siagang tena pakkullena, akkullei angngerang sikayumo bawang ana' gimbala' laki untu' koro'bang passambe karugiang, a'jari koro'bang nipatala mae ri Batara. Pantaranganna anjo sikilo labu' nipasileoka siagang minynya' zaitun untu' koro'bang nipatala, siagang bage tallunna silitereka minynya' zaitun.


Imanga naallei anjo ana' gimbalaka siagang minynya' zaitunga nampa napassareang salaku passare nipappicinikang mae ri Batara siagang iaminjo untu' bageanna imanga.


Ri makasagantujuna alloa, musti angngerangi ruang kayu jangang-jangang bodobangkeng yareka bukkuru' rungka mange ri dallekang pakke'bu' KemaNa Batara, nampa napassareang mae ri imanga.


Ri allo makasagantujua musti angngerangi ruang kayu jangang-jangang bodobangkeng yareka bukkuru' mae ri imanga ri dallekang pakke'bu' KemaNa Batara.


Swiv nou:

Piblisite


Piblisite