KAIMANGNGANG 13:25 - KITTA' MATANGKASA'

²⁵ musti naparessai imanga anjo taua. Punna a'jari kebo' bulunna ri anjo bageang bokkaka, siagang anjo bokkaka la'bi lantangi nabukkuleng niaka ri ampi'na, anjo bokkaka nilettekimi ri garring sala; imanga musti napaui angkanaya anjo taua ra'masaki.

KAIMANGNGANG 13:25 Referans Kwoze

KAIMANGNGANG 13:4

Mingka punna anjo bageang pa'risika keboki nicini' nampa tenaja nala'bi lantang na bukkuleng maraenga ri ampi'na anjo pa'risika, nampa tena tonja na'jari kebo' bulunna ri anjo bageang pa'risika, anjo taua musti nisa'laki lalang tuju allo.

KALAPPASSANG 4:6

Nakana pole Batara ri Musa, “Pantamaki limannu ri bajunnu.” Mannurukimi Musa, na ri wattunna nabeso' limanna assulu', a'jari kebo' dudumi anjo limanna lanri nitabai ri garring bukkuleng lompoa bahayana.

KAIMANGNGANG 13:24

Punna nia' tau nataba bokka' lanri nakanre pepe', nampa anjo bokkaka a'jari keboki yareka eja-eja keboki,

KAIMANGNGANG 13:26

Mingka punna bulua ri anjo bokkaka tenaja na'jari kebo' siagang tenaja nala'bi lantang anjo bokkaka na bukkuleng niaka ri ampi'na, poro loloangnganji nicini' tanja'na, anjo taua musti nisa'laki tuju allo.

PAMMILANGNGANG 12:10

Ri wattunna a'lampa anjo rammanga ambokoi KemaNa Batara, a'jari garring salami Miryam nicini'; kebo'mi bukkulenna sangkamma kapasa'. Ri wattunna assaile Harun mae ri Miryam, na nacini' angkanaya nitabami ri garring kammaya anjo,

2 KARAENG-KARAENG 5:27

Lanri nutarimana anjo passarea, lanutarima tongi anjo garrinna Naaman. Ba'lalo sa'genna satunggu-tungguna sikamma jari-jarinu lanagappai anjo garringa!” Ri wattunna assulu' Gehazi battu anjoreng, anggappami garring sala, iamintu a'jari kebo' sikalimi bukkulenna.