KAIMANGNGANG 11:40 - KITTA' MATANGKASA'

⁴⁰ Tau angngeranga yareka tau angnganrea bakke kammaya anjo musti nasassai pakeanna, mingka tuli ra'masa'na sa'genna labu alloa.

KAIMANGNGANG 11:40 Referans Kwoze

YEHEZKIEL 44:31

Jangang-janganga siagang olo'-olo' maraengannaya punna mate kalennai yareka mate nikokkoki ri olo'-olo' sekke', takkulleai sikamma imanga angkanrei.”

KAIMANGNGANG 22:8

Tena nipa'biangi angnganre dageng olo'-olo' mate kalenna yareka mate nikokko' ri olo'-olo' sekke'. Punna nakanrei, a'jari ra'masaki. INakke Batara.

PAOLE 14:21

Olo'-olo' mate kale-kalea takkulleai nukanre, mingka akkullei nakanre bansa maraeng niaka ammantang ri alla'nu, yareka akkullei nibalukang mae ri bansa maraenga. Ikau umma'Nako Karaeng Allata'alanu, le'baka nisa'la' untu' KalenNa. Dagenna ana' gimbalaka yareka ana' bembea takkulleai nipasipallu siagang je'ne' susunna anronna.”

YEHEZKIEL 4:14

Mingka appialia' angkana, “Aduh, Batara Kaminang Tinggia! Battu ri ca'diku sa'genna kamma-kamma anne, tale'bakai kura'massi kalengku siagang kanre battua ri olo'-olo' matea yareka sesanna olo'-olo' sekkeka. Tale'baka' angnganre kanre nikanaya harang.”

1 YOHANES 1:7

Mingka punna attallasakki' lalang ri singaraka, sangkamma Allata'ala niaki lalang ri singaraka, assiama' maki' massing para ikatte lalang ri katallassanta; kammayatompa nitangkasimi sikontu dosa-dosata lalang ri cera'Na Isa, Ana'Na Allata'ala.

1 KORINTUS 10:21

Takkulleako angnginung battu ri pangnginungang anggoro'Na Batara, nampa angnginung tongko battu ri pangnginungang anggoro'na setanga. Takkulleako angnganre ri mejanNa Batara, nampa angnganre tongko ri mejanna setanga.

1 KORINTUS 6:11

Nia' siapa are jainu appanggaukang kamma anjo riolo. Mingka kamma-kamma anne le'ba' mako nitangkasi battu ri dosa-dosaya, sollannu a'jari umma' matangkasa'Na Allata'ala. Le'ba' mako assibajiki ammotere' siagang Allata'ala lanri tappa'nu mae ri Batara Isa Almasi siagang lanri koasa Roh battu ri Allata'alata.

ZAKHARIA 13:1

Nakana Batara Kaminang Koasaya, “Ri anjo alloa lappasolongA' se're timbuseng je'ne' untu' ampakatangkasaki jari-jarina Daud siagang pandudu'na Yerusalem battu ri dosana siagang ri gau' panynyombanna ke'nanga ri barhalaya.

YEHEZKIEL 36:25

Le'baki anjo Kupiracciki mako je'ne' ci'nong, sollannu a'jari tangkasa' battu ri sikontu barhalanu siagang battu ri sikontu anra'massiako.

YESAYA 1:16

Bissaimi kalennu sa'genna tangkasa'. Pammari ngasengi anjo sikamma kaja'dallang nugaukanga. Iyo, tea mako a'gau' ja'dalli pole,

PAMMILANGNGANG 19:19

Musti napiracciki ri allo makatallua siagang ri allo makatujua. Ri anjo allo makatujua le'ba'mi anjo allo pannangkasinna anjo tau ra'masaka. Anjo taua musti nasassai pakeanna siagang musti a'je'neki. Appakkaramula ri wattu labuna alloa a'jari tangkasa'mi.

KAIMANGNGANG 16:28

Tau antunuai musti nasassai pakeanna siagang a'je'neki ri wattu tenanapa nammotere' ri pakkemaanga.

KAIMANGNGANG 16:26

Anjo tau allappassangiai bembea untu' Azazel ri parang lompoa musti nasassai pakeanna siagang a'je'neki ri wattu tenanapa nammotere' mange ri pakkemaanga.

KAIMANGNGANG 15:27

Inai-nai anseroi anjo tampaka a'jari ra'masaki. Musti nasassai pakeanna siagang a'je'neki, kammayatompa ra'masaki sa'genna labu alloa.

KALAPPASSANG 22:31

Ikau ngasemmi ummakKu; lanri kammana, manna olo'-olo' apa mamo punna nikanrei ri olo'-olo' sekke', takkulleai nukanre dagenna; passareangi anjo dagenga mae ri kongkonga.”

KAIMANGNGANG 11:39

Inai-nai anseroi bakke olo'-olo' hallalaka a'jari ra'masaki sa'genna labu alloa.

KAIMANGNGANG 14:46

Inai-nai antama' ri anjo ballaka sumpaeng, a'jari ra'masaki sa'genna labu alloa.

KAIMANGNGANG 15:15

Imanga musti napassareangi sikayu anjo jangang-janganga untu' koro'bang pammopporang dosa, siagang anjo sikayua untu' koro'bang nitunu. Kammaminjo na nagaukammo imanga upacara pannangkasia mae ri anjo taua ri dallekanNa Batara.

KAIMANGNGANG 22:6

Se'rea imang, manna pole apa passabakkanna na'jari ra'masa', tuli ra'masa'na sa'genna labu alloa. Siagang punna labumo alloa tenapa nakkulle angnganre kanre nipassareang ri Batara punna tenapa nale'ba' a'je'ne'.