KAIMANGNGANG 11:13 - KITTA' MATANGKASA'

^13-19 Ri sikontu jangang-janganga, anne kammaya takkulleai nukanre lanri harangi: jangang-jangang rajawali, kokoci', sikamma balangkoaka, jangang-jangang nasara', kalaa', jangang-jangang unta, camara', beleko' siagang sikamma jangang-jangang kondoa, kiti' balanga, jangang-jangang kasa siagang pa'nyikia.

KAIMANGNGANG 11:13 Referans Kwoze

TITUS 3:3

Nasaba' ikatte riolo dongo' tonjaki', lingu tonjaki' siagang tena tonja nimappilangngeri. Nipare' ataki' ri a'rupa-rupaya hawa napasuta siagang kacinnanta; a'rupa-rupai ero' ja'dalatta, assereatiki', siagang sikabiri'-birisiki'.

MATIUS 24:28

Kemae nia' maya', anjoreng tommi nia' jangang-jangang pakanre mayaka.”

HABAKUK 1:8

Jaranna la'bi gassingi lari na macanga, siagang la'bi sekkeki na serigala cipuruka. Pasukang a'jaranna battui ri pa'rasangang-pa'rasangang bellaya; battui ke'nanga rapang balangkoa' antamberoi apa najakkalaka.

HOSEA 8:1

Nakana Batara, “Pasa'rai tanra bahayaya! Niaki musua ambunduki pa'rasangangKu rapang balangkoa' antamberoai apa lanakanrea! UmmakKu nadakkai parjanjiangKu siagang ke'nanga, siagang nabaliangi ajarang-ajarangKu.

PIRAUNG 4:19

Sanna' gassinna lari tau angngondanga ri kambe la'bi gassing larina na jangang-jangang rajawalia. Iratei ri moncong ke'nanga angngondangi ikambe, na naruppai ikambe ri parang lompoa.

YEREMIA 48:40

Nakana Batara, “Rapang jangang-jangang rajawali attamberoa siagang ka'nyi'na takka'ranga, kammami anjo nia' se're bansa lantamberoi Moab.

YEREMIA 4:22

Nakana Batara, “tolo sikali anjo ummakKu, tamangngassengai ke'nanga ri Nakke. Rapanji ke'nanga ana'-ana' tenaya namappilangngeri tenaya pammahanna manna sike'de'; cara'deki ri kaja'dallanga, tena apa-apa nakulle ri kabajikanga.”

YEREMIA 4:13

Ciniki, ammumbami musua sanrapang rammang. Kareta-kareta pa'bundu'na rapangi anging barubu, jarang-jaranna gassingangngangi larina najangang-jangang rajawali. Cilaka maki'! Panra' maki'!

AYUB 38:41

Inai ambantui jangang-jangang kalaa' cipuruka anri'baka ri kere-keremae a'boya kanre? Siagang inai todong antulungi punna ammarrang ana'-ana'na mae ri nakke appala' kanre?

AYUB 28:7

Jangang-jangang balangkoaka tanaassengai oloanga mange anjoreng, siagang tarruka tale'bakapi anri'ba' rateanna.

ZAKHARIA 5:9

Accini' naika' na nia' kucini' rua baine anri'ba' mae ri nakke. Akka'nyiki ke'nanga na sanna' kassa'na ka'nyi'na, sangkamma ka'nyi'na kondoa. Naallei ke'nanga anjo sumpaeng karanjenga nampa naerang ke'nanga anri'ba'.