KAIMANGNGANG 10:6 - KITTA' MATANGKASA'

⁶ Nampa nakana Musa mae ri Harun siagang sikamma ana'na maraenga, iamintu Eleazar siagang Itamar, “Teako lappassangngi akkara'ngasa' uu'nu siagang teako kekkeki pakeannu lanri ero'na nupappicinikang angkanaya si'nako lanri kamateangko. Punna kamma anjo nugaukang, lamateko, siagang sikontu umma' Israel lanikalarroi ri Batara. Mingka sikontu umma' Israel maraenga akkulle si'na lanri anjo tau ruaya mate nakanrei pepe'Na Batara.

KAIMANGNGANG 10:6 Referans Kwoze

YOSUA 22:18

Nampa kamma-kamma anne erokko ambokoi poleangi Batara? Punna nuewa anne alloa Batara, ammuko lalarroi mae ri sikontu umma' Israel.

YOSUA 7:1

Le'ba'mi Naparentakang Batara mae ri umma' Israel angkanaya battu ri sikontu apa-apa mustia niancuru' ri Yerikho, tena sikali apa-apa akkulle nialle. Mingka anjo parentaya tena nanituruki. Nia' sitau bura'ne niareng Akhan andakkai anjo parentaya, sa'genna sanna' larroNa Batara mae ri umma' Israel. (Manggena Akhan niarengi Karmi siagang toana niarengi Zabdi, battu ri golongang bijanna Zerah lalang ri suku Yehuda.)

PAMMILANGNGANG 16:22

Mingka su'ju'mi Musa siagang Harun anynyomba siagang nakana, “O Allata'ala, iKattemi katallassang mae ri sikontu apa attallasaka. Punna sitauja bawang doraka, apaka larroKi' mae ri sikontu ummaka?”

PAMMILANGNGANG 1:53

Mingka tu Lewi musti akkemai ri tammulilina KemaKu. Musti najagai ke'nanga sollanna tena tau anrepesi sa'gengKu larro siagang Kuhukkungi umma' Israel.”

2 SAMUEL 24:1

Larromi pole Batara mae ri tu Israel, nampa nanyonyo' Daud lanri ero'Na Napabattu kasukkaranga mae ri anjo bansaya. Nakana Batara ri ia, “Suro bilangi pandudu'na Israel siagang Yehuda.”

YOSUA 22:20

U'rangi, anjo Akhan ana'na Zerah taerokai anturuki parentaNa Batara ri passala'na barang-barang mustia niancuru'; nampa apa kale'bakkanna? Nihukkungi sikontu umma' Israel! Akhan bawang doraka, mingka teai kale-kalenna bawang mate!”

KAIMANGNGANG 13:45

Se'rea tau garring sala musti ammakei pakeang kekke'-kekke' nampa nalappassang takkakkasa' uu'na. Musti natongkoki bageang rawana rupanna nampa ammarrang angkana, “Ra'masa'! Ra'masa'!”

PAMMILANGNGANG 18:5

Ikauji bawang, Harun, siagang sikamma ana'-ana'nu musti anggaukangi tugasa' lalanga ri Kamara' Matangkasaka siagang tampa' pakkoro'bangnganga, sollanna tenamo naKularro poleang mae ri bansa Israel.

MIKHA 1:16

He tu Yehuda, polongi uu'nu salaku tanra susa mae ri ana'-ana'nu nukamaseanga. Cukkuruki ulunnu sa'genna a'gondolo' rapang jangang-jangang pakanre bakkea, nasaba' laniengkaki ana'-ana'nu mange ri butta pammelakkanga.

YEREMIA 7:29

Nakana Batara, “He pandudu' Yerusalem, susa mako! Polongi uu'nu nampa nupela'! Akkelongko kelong-kelong karru' irate ri coppo'-coppo' buluka, nasaba' iNakke, Batara larro siagang Kusorongboko ngasengko.

YOSUA 7:11

A'gau' dosami tu Israel. Le'ba'mi Kuparentakang mae ri ke'nanga sollanna naturuki parjanjiangKu siagang ke'nanga, mingka nadakkaimi ke'nanga anjo parentaKu! Sikamma barang-barang mustia niancuru', naallei ke'nanga. Nalukkaki ke'nanga siagang nacokkoi ri alla'na barang-baranna ke'nanga sollanna tena nakaassengang.

PAOLE 33:9

Tamamminrayai ri Katte la'biangngang namaraengannaya, la'biangngang na tau toa siagang bija pammanakanna. Naturuki ke'nanga parenta-parentaTa, narupai ke'nanga parjanjianTa.

PAMMILANGNGANG 14:6

Yosua ana'na Nun siagang Kaleb ana'na Yefune, rua tau battu ri anjo mata-mataya, nakekkeki pakeanna ke'nanga pammateinna angkana susai ke'nanga.

PAMMILANGNGANG 5:18

Nampa musti naruntungi uu'na anjo bainea, siagang naboli' anjo labu' passare lanri bata-bataya antama' ri limanna anjo bainea, nampa kalenna anjo imanga anna'galaki je'ne' pai' appabattua pattunra.

KALAPPASSANG 6:23

Korah nia' tallu ana'na bura'ne, iamintu: Asir, Elkana, siagang Abiasaf. Iaminjo ke'nanga boe-boena golongang kaluargana Korah.

PAMMILANGNGANG 20:25

Erangi Harun siagang Eleazar, ana'na, nai' ri Moncong Hor.

EZRA 7:5

Abisua Pinehas Eleazar Imang Lompoa Harun.