KAIMANGNGANG 1:9 - KITTA' MATANGKASA'

⁹ Anjo taua musti nabissai bone parru'na siagang bongganna anjo sapia; nampa imang tugasaka musti natunu ngasengi anjo ri tampa' pakkoro'banga. Rasanna anjo koro'banga lanapakasannangi nyawaNa Batara.

KAIMANGNGANG 1:9 Referans Kwoze

PA'JARIANG 8:21

Sannammi pa'mai'Na Batara angngaraki rasa mabau'na anjo koro'banga, na Nakanamo lalang ri pa'mai'Na, “Tenamo nalaKutunrai anne linoa lanri panggaukanna rupataua; Kuassengi angkanaya battu ri wattu lolonaiji naja'dala'mo pikkiranna anjo rupataua. Tenamo nalaKuancuru' pole sikontu apa-apa attallasaka sangkamma anne apa beru le'baka Kugaukang.

KAIMANGNGANG 1:13

Nampa anjo taua musti nabissai bone parru'na siagang bongganna anjo olo'-oloka. Nampa musti napassareang ngaseng imanga mae ri Batara, na natunu irate ri tampa' pakkoro'bangnganga. Rasanna anjo koro'bang nitunua lanapakasannangi nyawaNa Batara.

EFESUS 5:2

Paralluko attallasa' lalang ri pangngamaseanga, sangkamma todong Almasi mangngamaseangi mae ri katte. Nakoro'bangkangi KalenNa untu' ikatte, a'jari passare siagang koro'bang mabau', Nakarannuanga atinNa Allata'ala.

2 KORINTUS 2:15

Nasaba' ikambemi sanrapang kamanynyang mabauka rasanna, nitunua ri Almasi untu' mae ri Allata'ala. Ri tau a'jappa mangea ri possoka, ikambe anne sanrapangki' a'rasa botto' angngeranga kamateang; mingka ri tau nieranga mange ri kasalamakkanga, sanrapangki' rasa mabau' angngeranga katallassang. Jari, maka inai akkulle anggaukangi anne jamanga?

YEHEZKIEL 20:41

Punna le'bakko Kuerang assulu' battu ri pa'rasangang-pa'rasangang tampa'nu nipasisa'la'-sa'la', laKupasse'reko nampa Kutarima sikamma koro'bang nitununu. Nampa naassemmo sikontu bansaya angkanaya iNakke anne Allata'ala Kaminang Matangkasaka.

KAIMANGNGANG 3:11

Imang tugasaka musti natunu ngasengi anjo irate ri tampa' pakkoro'bangnganga untu' a'jari koro'bang nikanre mae ri Batara.

KALAPPASSANG 29:18

Passareang kabusuki anjo gimbala' lakia irate ri tampa' pakkoro'bangnganga untu' a'jari koro'bang nitunu. Rasanna anjo koro'banga lanapakasannangi pa'maikKu.

FILIPI 4:18

Inakke le'ba'mi kutarima ngaseng – ba'lalo la'bimi ri gannaka! Sikamma anjo passare le'baka nukiring mae ri nakke, kutarima ngasemmi battu ri Epafroditus. Kamma-kamma anne nia' ngasemmi ri nakke apa kukaparalluanga. Anjo passarenu ngaseng, sanrapangi passare mabauka rasanna, battu ri koro'bang nipassareanga mae ri Allata'ala iamintu koro'bang nitarimaya siagang Nakarannuanga pa'mai'Na Allata'ala.

YEHEZKIEL 20:28

Kuerangi ke'nanga mange ri butta le'baka Kupa'janjiang mae ri ke'nanga. Ri wattunna nacini' ke'nanga bulu'-bulu' tinggia siagang poko'-poko' kayu copponga leko'na, assaremi ke'nanga koro'bang anjoreng ri sikamma anjo tampaka. NapakanassuA' ke'nanga lanri assarena ke'nanga koro'bang-koro'bang nitunu siagang anggoro'.

YEREMIA 4:14

Yerusalem, pelaki kaja'dallanga battu ri atinnu sollannu nipasalama'. Siapapi sallona anjo pikkirang-pikkirang ja'dalaka lanuboli' ri atinnu?

PAMMUJI 66:15

Kupassareangi mae ri Katte koro'bang nitunu battu ri olo'-olo' nipilea, bembe, gimbala', siagang sapi laki, a'rumbui umbunna nai' ri langika.

PAMMUJI 51:6

Mae ri Katte, mae ri Katte bawang kudoraka, kugaukang apa Kikanaya ja'dala'. Jari siratang memang tongi punna Kihukkunga', adeleki kaputusanTa.

KAIMANGNGANG 9:14

Nampa nabissai bone parru'na siagang bongganna anjo olo'-oloka nampa natunu siagang koro'bang nitunua irate ri tampa' pakkoro'bangnganga.

KAIMANGNGANG 1:17

Nampa musti nikekke' ri poko' ka'nyi'na, mingka takkulleai sa'genna tassa'la' anjo ka'nyi'na. Nampa musti nitunu anjo jangang-janganga irate ri tampa' pakkoro'bangnganga. Rasanna anjo koro'bang nitunua lanapakasannangi nyawaNa Batara.

KALAPPASSANG 29:25

Nampa allemi anjo rotia battu ri ke'nanga siagang tunui irate ri tampa' pakkoro'bangnganga. Rasanna anjo koro'banga lanapakasannangi pa'maikKu.

ZAKHARIA 13:7

Nakana Batara Kaminang Koasaya, “Ammentengko nai' he pa'dang, nampa nubuccu' pakalawaki anjamaya untu' iNakke! Bunoi, natassimbung-simbung sikamma gimbalaka. LaKubunduki ummakKu,

KALAPPASSANG 12:9

Anjo ana' gimbalaka musti nilangga ngasengi, kabusu'na siagang ulunna, bangkenna siagang bone battanna. Kanremi anjo dageng le'baka nilangga, teako nia' nukanre mata yareka nipallu.

KAIMANGNGANG 4:31

Sikontu jannana anjo olo'-oloka musti niallei sangkamma todong nigaukanga ri koro'bang passiamakkanga. Anjo jannaya musti natunui imanga irate ri tampa' pakkoro'bangnganga, sollanna rasanna napakasannangi nyawaNa Batara. Kammaminjo carana imanga ampassareangi koro'banga untu' dosana se'rea ra'ya' biasa, na nipammopporammo dosana anjo taua ri Batara.

PAMMILANGNGANG 15:3

Untu' koro'bang nitunu yareka koro'bang pa'bayara' tinja', yareka koro'bang ero' kalennu; yareka koro'bang ri sikamma allo lompo biasaya, akkulleko assare mae ri Batara iamintu: sapi laki, gimbala' laki, yareka bembe, yareka gimbala'. Rasanna anjo sikamma koro'banga napakasannangi nyawaNa Batara.

PAMMILANGNGANG 28:11

Ri pakaramulanna tunggala' bulanga musti nipassareangi mae ri Batara koro'bang nitunua iamintu ruang kayu sapi laki rungkaya, sikayu gimbala' laki, tuju kayu ana' gimbala' laki umuru' sitaunga, massing tenaya ngaseng callanna.

PAOLE 12:27

Koro'bang nitunua siagang koro'bang nikanrea dagenna musti nipassareangi irate ri tampa' pakkoro'bangnganNa Karaeng Allata'alanu siagang cera'na musti nitumpai ri rateanna anjo tampa' pakkoro'bangnganga.

KAIMANGNGANG 2:2

Musti naerangi mange ri imang jari-jarina Harun. Imang tugasaka anjo wattua musti naallei sikangkang anjo labuka siagang minynya' zaitunna kammayatompa sikontu kamanynyanna, nampa natunu irate ri tampa' pakkoro'bangnganga, salaku pammatei angkanaya yangasenna anjo nipassareang ngasemmi mae ri Batara. Rasanna anjo koro'bang kanrea lanapakasannangi nyawaNa Batara.

KAIMANGNGANG 2:9

Naallei imanga sipa'gang anjo rotia nampa natunu irate ri tampa' pakkoro'bangnganga a'jari pammatei angkanaya yangasenna anjo nipassareang ngasemmi mae ri Batara. Rasanna anjo koro'banga lanapakasannangi nyawaNa Batara.

KAIMANGNGANG 2:16

Imanga musti natunui sipa'gang anjo gandunga siagang anjo minynyaka kammayatompa sikontu anjo kamanynyanga, a'jari pammatei angkanaya yangasenna anjo le'ba' ngasemmi nipassareang mae ri Batara.

KAIMANGNGANG 3:5

Yangasenna anjo, siagang koro'bang nitunu maraengannaya, musti nitunui irate ri tampa' pakkoro'bangnganga. Rasanna anjo koro'bang kanrea lanapakasannangi nyawaNa Batara.

KAIMANGNGANG 6:14

Iaminne paratorang-paratoranna koro'bang nipatalaya untu' Batara. Anjo koro'banga musti nierangi mange ri dallekanna tampa' pakkoro'bangnganga ri kalase'renna jari-jarina Harun.

KAIMANGNGANG 8:28

Le'baki anjo naallemi Musa anjo kanrea battu ri ke'nanga nampa natunu irate ri tampa' pakkoro'bangnganga, siagang koro'bang nitunu untu' koro'bang pallantikang. Rasanna anjo koro'bang kanre-kanreanga napakasannangi nyawaNa Batara.

PAMMILANGNGANG 28:7

Siagang anjo ana' gimbalaka musti nipassareang tongi silitere' je'ne' anggoro' nipatirika irate ri tampa' pakkoro'bangnganga.

PAMMILANGNGANG 28:8

Anjo ana' gimbala' untu' passare karuenga musti sangkammai carana nikoro'bangkang siagang passare bari'basaka, nirurungang je'ne' anggoro'. Rasanna anjo koro'banga napakasannangi nyawaNa Batara.

1 PATTOTTORANG 6:34

Elkana, Yeroham, Eliel, Toah,

2 PATTOTTORANG 4:6

Appare' tongi Karaeng Salomo 10 katoang lompo, lima untu' niboli' ri timboranna Balla'Na Batara, siagang lima untu' ri warakkanna. Ia matu-matunna anjo katoanga iamintu ambissai kere'-kere'na olo'-olo' eroka nitunu a'jari koro'bang. Je'ne' niaka ilalang ri anjo gumbang lompoa nipasadiakangi sikamma imanga untu' antangkasi kalenna.

YEHEZKIEL 40:38

Ri paranglakkeng bageang pantarang nia' se're kamara' pannambai ri pakke'bu' lompo bageang lalang ri bageang wara'. Battu ri anjo kamara' pannambaia nia' se're pakke'bu' a'lampa mange ri kamara' lompoa. Anjoremmi nibissai sikamma olo'-olo' eroka nipassareang a'jari koro'bang nitunu.