KAIMANGNGANG 1:4 - KITTA' MATANGKASA'

⁴ Nampa musti napadongkoki limanna irate ri tompo' ulunna anjo olo'-oloka, na Natarimamo Batara anjo passarena untu' nipammopporang dosana.

KAIMANGNGANG 1:4 Referans Kwoze

KAIMANGNGANG 4:26

Nampa sikontu jannana anjo olo'-oloka musti nitunui irate ri tampa' pakkoro'bangnganga, sangkamma nigaukanga ri koro'bang passiamakkanga. Kammaminjo carana imanga ampassareangi koro'banga untu' dosana se'rea tau anna'gala' koasa, na nipammopporammo dosana anjo taua ri Batara.

KAIMANGNGANG 4:20

Ia carana sangkammai passare sapi laki nipassareanga untu' nipammopporanna dosaya. Kammaminjo carana Imang Lompoa ampassareangi koro'banga untu' nipammopporanna dosa-dosana ummaka, na nipammopporammo anjo dosa-dosaya ri Batara.

KAIMANGNGANG 3:8

Anjoreng musti napadongkoki limanna ri tompo' ulunna anjo gimbalaka, nampa nasamballe ri dallekanna Kemaya. Nampa musti napatiri' imanga cera'na anjo gimbalaka mae ri appaka sa'rinna anjo tampa' pakkoro'bangnganga.

KAIMANGNGANG 3:2

Anjo tau assarea musti napadongkoki limanna ri tompo' ulunna anjo olo'-oloka, nampa nasamballe ri dallekang pakke'bu'na KemaNa Batara. Imang-imang jari-jarina Harun musti napatiriki cera'na anjo sapia mae ri appaka sa'rinna anjo tampa' pakkoro'bangnganga.

KALAPPASSANG 29:15

Nampa nualle kalase'renna anjo gimbala' lakia. Harun siagang ana'-ana'na musti napadongkoki limanna ke'nanga irate ri ulunna anjo olo'-oloka.

KALAPPASSANG 29:10

Nampa musti nuerang anjo sapi lakia mae ri dallekanna KemaKu. Harun siagang ana'-ana'na musti napadongkoki limanna ke'nanga irate ri ulunna anjo sapia.

1 YOHANES 2:2

Tete ri Ia minjo Isa Almasi nanipammopporang dosa-dosata. Siagang teai dosa-dosataji bawang, passangalinna dosana pole sikontu rupataua.

ROMA 12:1

Sikamma sari'battangku! Sanna' baji'Na Allata'ala mae ri katte. Iaminjo saba'na nakupala' dudu ri kau ngaseng sollanna nupassareang sikontu batangkalennu a'jari koro'bang attallasa', siagang matangkasaka, kammayatompa nikarannuanga ri atinNa Allata'ala. Mustina kammaminjo caranu anynyomba mae ri Allata'ala.

KAIMANGNGANG 4:31

Sikontu jannana anjo olo'-oloka musti niallei sangkamma todong nigaukanga ri koro'bang passiamakkanga. Anjo jannaya musti natunui imanga irate ri tampa' pakkoro'bangnganga, sollanna rasanna napakasannangi nyawaNa Batara. Kammaminjo carana imanga ampassareangi koro'banga untu' dosana se'rea ra'ya' biasa, na nipammopporammo dosana anjo taua ri Batara.

KALAPPASSANG 29:19

Nampa nualle pole anjo gimbala' sikayua, iamintu gimbala' laki untu' upacara palantikang. Suroi Harun siagang ana'-ana'na ampadongkoki limanna ke'nanga irate ri ulunna anjo gimbalaka.

FILIPI 4:18

Inakke le'ba'mi kutarima ngaseng – ba'lalo la'bimi ri gannaka! Sikamma anjo passare le'baka nukiring mae ri nakke, kutarima ngasemmi battu ri Epafroditus. Kamma-kamma anne nia' ngasemmi ri nakke apa kukaparalluanga. Anjo passarenu ngaseng, sanrapangi passare mabauka rasanna, battu ri koro'bang nipassareanga mae ri Allata'ala iamintu koro'bang nitarimaya siagang Nakarannuanga pa'mai'Na Allata'ala.

YESAYA 56:7

“LaKuerangko mange ri Sion, mange ri bulu' matangkasakKu, na Kusareko karannuang ri balla' sambayangKu. LaKutarimai sikamma koro'bang nupassareanga ri tampa' pakkoro'bangngangKu. BallakKu laniarengi balla' pappala' doangang untu' sikontu bansaya.”

PAMMILANGNGANG 15:25

Nampa musti nagaukang imanga upacara pammopporang dosaya untu' ummaka. Lanipammopporangi ke'nanga lanri tenana nakunjungi anggaukangi anjo dosaya, siagang lanri angngerannamo ke'nanga koro'bang pammopporang dosa kammayatompa koro'bang nitunu mae ri Batara.

KAIMANGNGANG 16:24

Nampa musti a'je'ne' ri se'reang tampa' le'baka nipattantu nampa napake ammotere' pakeang kalenna. Le'baki anjo musti assuluki nampa napassareang koro'bang nitunua untu' pammopporanna dosa kalenna siagang dosana bansa Israel.

KAIMANGNGANG 16:21

Musti napadongkoki rua-rua limanna irate ri tompo' ulunna anjo bembea nampa naakui ngaseng sikontu kasalanna, dosana siagang gau' salana bansa Israel. Lanri kammana anjo nipalette' ngasemmi sikontu kasalanna bansa Israel mae ri ulunna anjo bembea. Nampa kalase'renna tau nisarea tugasa' musti nabongkai anjo bembea mange ri parang lompoa.

KAIMANGNGANG 9:7

Le'baki anjo nakanamo ri Harun, “A'lampako mange ri tampa' pakkoro'bangnganga siagang pasadiai koro'bang pammopporang dosaya kammayatompa koro'bang nitunua, sollanna Napammopporang Batara dosanu siagang dosana ummaka. Gaukangi anjo kammaya situru' Naparentakanga Batara.”

KAIMANGNGANG 8:22

Nampa naalle Musa gimbala' laki sikayua pole untu' koro'bang pallantikanna imanga. Harun siagang sikamma ana'na napadongkoki limanna ke'nanga ri tompo' ulunna anjo gimbalaka,

KAIMANGNGANG 8:14

Le'baki anjo angngallemi Musa sikayu sapi laki rungka untu' koro'bang pammopporang dosa. Harun siagang sikamma ana'na napadongkoki ke'nanga limanna ri tompo' ulunna anjo olo'-oloka.

KAIMANGNGANG 4:35

Nampa musti nialle ngaseng sikontu jannana anjo olo'-oloka sangkamma nigaukanga ri koro'bang passiamakkanga. Anjo jannaya musti nitunui irate ri tampa' pakkoro'bangnganga, siagang ngaseng koro'bang nikanre maraenganga ia nipassareanga mae ri Batara. Kammaminjo carana imanga ampassareangi koro'bang untu' nipammopporanna dosana anjo taua, na nipammopporammo dosana ri Batara.

KAIMANGNGANG 4:29

Musti napadongkoki limanna ri tompo' ulunna anjo olo'-oloka, nampa nasamballe ri bageang wara'na tampa' pakkoro'bangnganga ri tampa' pammolonganna olo'-oloka untu' koro'bang nitunua.

KAIMANGNGANG 4:24

Musti napadongkoki limanna irate ri tompo' ulunna anjo olo'-oloka, nampa nasamballe anjoreng ri bageang wara'na tampa' pakkoro'bangnganga, tampa' pammolonganna olo'-olo' untu' koro'bang nitunua.

KAIMANGNGANG 4:15

Sikamma pamimping bansaya musti napadongkoki limanna ke'nanga ri tompo' ulunna anjo olo'-oloka, nampa nasamballe ri anjo tampaka.

KAIMANGNGANG 4:4

Anjo sapia musti nierangi mange ri pakke'bu' KemaNa Batara. Musti napadongkoki limanna Imang Lompoa ri tompo' ulunna anjo olo'-oloka, nampa nasamballe ri dallekanna Kemaya.

KAIMANGNGANG 3:13

Anjoreng musti napadongkoki limanna ri tompo' ulunna anjo bembea nampa nasamballe ri dallekanna Kemaya. Imanga musti napatiriki cera'na anjo olo'-oloka mae ri appaka sa'rinna anjo tampa' pakkoro'bangnganga.

IBRANI 10:4

Nasaba' tena memang nakkulle anjo cera' sapia siagang cera' bembe lakia ampa'lanynyaki dosaya.

ROMA 5:11

Ba'lalo la'biangampa pole, marannu tommi pa'maitta lanri kabajikanNa Allata'ala tete ri Batarata Isa Almasi. Nasaba' mannete ri Isa Almasi nanikasia'mo anjo passisambungang bajika siagang Allata'ala.

ROMA 3:25

Nakoro'bangkangi Allata'ala anjo Isa Almasi; sollanna, lanri kamateanNa anjo Isa Almasi, nilappassammi rupataua battu ri dosa-dosana, punna tappa'ja ke'nanga mae ri Isa Almasi. Nagaukammi Allata'ala kammaya anjo, lanri eroki Napappicinikang kaadelanNa. Nasaba' ri wattu allaloa, Nasa'barrammi Allata'ala dosa-dosana rupataua, sa'genna tena naNahukkungi ke'nanga.

DANIEL 9:24

Pintuju tattujupulo taung iamintu wattu le'baka Napattantu Allata'ala untu' ampakabebasaki bansanu siagang anjo kota matangkasa'nu battu ri dosa-dosaya siagang kaja'dallanga. Sikontu dosaya lanipammopporangi siagang lanipaentengi kaadelang tamattappuka, sa'genna a'rupa anjo paccinika siagang botoa, kammayatompa anjo Balla' Matangkasa'Na Batara lanipangngadakkangi ammotere' mae ri Batara.

PAMMILANGNGANG 25:13

Ia siagang jari-jarina Kupattantu salaku imang sa'genna satunggu-tungguna, lanri attojeng-tojenna angngalleangA', Allata'alana, siagang appare'Ma' passiamakkang mae ri dosana tu Israel.”

PAMMILANGNGANG 15:28

Imanga musti nagaukangi upacara pammopporang dosaya ri dallekanNa Batara, sollanna nanipammopporang dosana anjo taua.

PAMMILANGNGANG 8:12

Nampa tu Lewia musti napadongkoki limanna ke'nanga irate ri tompo' ulunna anjo ruaya sapi laki; anjo sikayua musti nipassareangi untu' koro'bang pammopporang dosa, nampa anjo sikayua pole untu' koro'bang nitunu. Kammaminjo upacarana nanitangkasi tu Lewi.

KAIMANGNGANG 22:21

Punna nia' tau assare koro'bang passiamakkang mae ri Batara untu' anrupai tinja'na yareka untu' koro'bang ero' kalenna, anjo olo'-oloka takkulleai nia' callanna, sollanna akkulle nitarima.

KAIMANGNGANG 6:7

Imanga nakoro'bangkangi anjo koro'banga untu' dosana anjo taua, na lanipammopporang ri Batara.

KAIMANGNGANG 5:6

Na untu' antangkasi anjo dosana, musti angngerangi anjo taua sikayu gimbala' yareka bembe gana untu' napassareang mae ri Batara. Imanga musti napassareangi anjo koro'banga sollanna nipammopporang dosana anjo taua.

KALAPPASSANG 28:38

Anjo belo-belo bulaenga musti napatabai Harun ri abanna, sollanna iNakke, Batara, eroKa' antarimai sikontu passare naeranga tu Israel mae ri Nakke, manna pole nania' kasalanna ke'nanga lalang naeranna anjo passarea.

KALAPPASSANG 29:33

Musti nakanrei ke'nanga kanre nikoro'bangkanga lalang ri upacara pammopporang dosa ri wattunna palantikang. Imangaji bawang akkulle angkanrei kanre le'baka nisa'la' untu' iNakke.

KAIMANGNGANG 4:33

Musti napadongkoki limanna irate ri tompo' ulunna anjo olo'-oloka, nampa nasamballe ri bageang wara'na tampa' pakkoro'bangnganga, ri tampa' pammolonganna olo'-olo' nipassareanga untu' koro'bang nitunu.

PAMMILANGNGANG 8:10

Ummaka musti napadongkoki limanna ke'nanga irate ri tompo' ulunna tu Lewia,

KAIMANGNGANG 8:18

Nampa angngalle Musa gimbala' laki untu' koro'bang nitunu; na Harun siagang sikamma ana'na napadongkoki limanna ke'nanga ri tompo' ulunna anjo gimbalaka.