KAIMANGNGANG 1:3 - KITTA' MATANGKASA'

³ Punna sapi napassareang, musti lakia siagang tenaya callanna. Anjo sapia musti naerangi mange ri pakke'bu' KemaNa Batara, sollanna mangngellai Batara mae ri anjo taua.

KAIMANGNGANG 1:3 Referans Kwoze

PAOLE 15:21

Mingka punna nia' caca'na anjo olo'-oloka, ebara'na akkeppangi yareka butai yareka caca' battala' maraengannaya, takkulleai nupassareang mae ri Karaeng Allata'alanu.

IBRANI 9:14

la'biangampa pole cera'Na Almasi. Tete ri Roh mannannunganga, Napassareammi KalenNa Almasi mae ri Allata'ala a'jari koro'bang sukkuka baji'na. Cera'Na antangkasi ati mailalanta battu ri upacara agama tenaya matu-matunna sollanta akkulle a'jari palayang mae ri Allata'ala mattallasaka.

KALAPPASSANG 12:5

Akkullei nupile gimbalaka yareka bembea, mingka musti lakia, umuru' sitaung, siagang tenaya callanna.

EFESUS 5:27

Battu ri kammanami anjo naNapaenteng baji'mo siagang matangkasa'mo anjo jama'aka ri dallekanNa, tena sikali panra'na yareka tena sikali callanna manna sike'de'.

PAOLE 17:1

Teako assarei sapi yareka gimbala' niaka callanna mae ri Karaeng Allata'alanu, lanri taNangaiyai Karaeng Allata'alanu.

IBRANI 7:26

Jari, Ia minjo Isa Imang Malompo niparalluanga. Iami Imang matangkasa'; tena sikali kasalang yareka dosa ri KalenNa. Nisa'la'mi battu ri tau dorakaya, na nipanai' ri tampa' tinggianganga na sikontu langika.

EFESUS 2:18

Tete ri Almasi, siagang lanri RohNa Allata'ala se'rea, akkulle maki' a'reppese' mae ri Manggea, baji' na tu Yahudi yareka bansa maraenga.

PA'JARIANG 22:8

Appialimi Abraham angkana, “KalenNa Allata'ala lampasadiai anjo ana' gimbalaka.” Nampa napatulusu' lampana ke'nanga.

YOHANES 1:36

Ri wattunna nacini' Isa ammalo, nakanamo, “Ciniki! Iaminjo Ana' Gimbala'Na Allata'ala.”

2 KORINTUS 9:7

Parallui taua massing assare siagang te'ne pa'mai'na. Teako assarei siagang bata-bata yareka battala' pa'mai'. Nasaba' nikarimangngi ri Allata'ala tau te'nea pa'mai'na assare.

MALEAKHI 1:14

Nitunraimi patipu assarea ri Nakke olo'-olo' tenaya anggaranna, punna nia'ja olo'-olo' maraengannaya bajika le'baka napa'janjiang ri Nakke! Nasaba' iNakke Karaeng Malompo, siagang nipakalompoa ri sikontu bansaya.”

YEHEZKIEL 20:40

Nasaba' ri butta Israel, ri coppo' bulukKu matangkasaka, ikau ngaseng, bansa Israel lanynyombako mae ri Nakke. Anjoreng lasannangi nyawaKu mae ri kau siagang erokKa' antarimai koro'bang-koro'bannu, passare-passarenu kaminang bajika siagang passare-passare nusa'laka.

PAMMUJI 110:3

Ri allo battunu siagang koasa, ri bulu' matangkasa' ra'ya'nu maju siagang pa'mai' rella. Sanrapang saliu' ri bari'basaka, sikamma tau rungkaya battu mae ri kau.

PAMMUJI 40:8

Nampa kukana, “Annemi kalengku, lalang gulungang kitta' tattulisika untu' inakke:

PAMMILANGNGANG 29:13

Ri allo makase'rea passareangi mae ri Batara koro'bang nitunua iamintu sampulo antallu kayunna sapi laki, ruang kayu gimbala' laki rungka, siagang sampulo angngappa' kayunna ana' gimbala' laki umuru' tassitaunga, massing tenaya ngaseng callanna. Rasanna anjo koro'banga napakasannangi nyawaNa Batara.

KAIMANGNGANG 3:1

Punna nia' tau assare sikayu sapi untu' koro'bang passiamakkang, anjo sapia akkullei laki, akkulle tongi gana, mingka takkulleai nia' caca'na.

KALAPPASSANG 24:5

Nampa nasuro Musa siapa are tau rungka, siagang assaremi ke'nanga koro'bang nitunu untu' Batara; kammayatompa ammolommi ke'nanga siapa are sapi untu' a'jari koro'bang passiamakkang.

PA'JARIANG 22:13

Assailemi Abraham mae ri tammulilina anjo tampaka, nampa nia'mo nacini' sikayu gimbala' laki ia tassambanga tanru'na ri rompo'-rompoka. Naallemi Abraham anjo gimbalaka nampa napassareang mae ri Batara untu' a'jari koro'bang tunuang sambe ana'na.

YOHANES 10:9

INakkemi timungang. Inai-nai ammalo battu ri Nakke antama', iami lanipasalama'; assulu' antamai nanggappa kanre.

LUKAS 1:35

Appialimi malaekaka nakana, “Labattui RohNa Allata'ala mae ri kau, siagang laniaki koasaNa Allata'ala anrurungangko. Lanri kammana, anjo ana' lalassuka lanigallaraki Matangkasa', Ana'Na Allata'ala.

YESAYA 1:11

Nakana Batara, “Nukapangi angkana Kungai sikontu anjo passare tulusu' nupassareanga mae ri Nakke? LanreA' mae ri sikamma gimbala' koro'bang nitununu siagang ri jannana sikamma ana' sapinu. Tena Kungai cera' sapi lakia, gimbalaka siagang bembea.

KALAPPASSANG 32:6

Ammukona bari'basa' dudu, angngerammi tu Israel pirangkayu are olo'-olo' untu' a'jari koro'bang nitunu, na pirangkayu are pole untu' koro'bang passiamakkang. Ammempomi ke'nanga angnganre siagang angnginung, nampa ammenteng untu' assannang-sannang.

KALAPPASSANG 29:42

Nampa pole untu' tunggala' jammang, anjo koro'bang nitunua musti nipassareangi ri dallekangKu ri pakke'bu' KemaKu. AnjoremMa' lasibuntulu' siagang ummakKu siagang a'bicara mae ri kau.

KALAPPASSANG 29:18

Passareang kabusuki anjo gimbala' lakia irate ri tampa' pakkoro'bangnganga untu' a'jari koro'bang nitunu. Rasanna anjo koro'banga lanapakasannangi pa'maikKu.

PA'JARIANG 22:2

Nakanamo Allata'ala, “A'lampako mange ri butta Moria siagang Ishak, anjo ana' sitau-taunu, sannaka nukarimangnginna. Anjoreng, ri se'reang bulu' laKujo'jokangako, musti nupassareangi antu ana'nu a'jari koro'bang mae ri Nakke.”

PA'JARIANG 8:20

Appaentemmi Nuh se're tampa' pakkoro'bangngang ri Batara. Nampa angngallemi tassikayu-kayunna massing tassirupaya jangang-jangang siagang olo'-olo' maraengannaya ia hallalaka, nampa napassareang a'jari koro'bang nitunua irate ri anjo tampa' pakkoro'bangnganga.

ZAKHARIA 13:7

Nakana Batara Kaminang Koasaya, “Ammentengko nai' he pa'dang, nampa nubuccu' pakalawaki anjamaya untu' iNakke! Bunoi, natassimbung-simbung sikamma gimbalaka. LaKubunduki ummakKu,

PAMMILANGNGANG 23:3

Nampa nakana Bileam mae ri Balak, “Ammenteng maki' ri ampi'na koro'bang nitununa karaengku. Lalang kammana anjo a'lampa' mange anciniki apaka ero'ji Batara angngaganga' sibuntulu' yareka tena. Sallang lakupaui mae ri kau sikontu apa Napaua Batara mae ri nakke.” Jari a'lampami Bileam kale-kalenna mange ri coppo'na se'reang bulu',

2 KORINTUS 8:12

Punna rellako assare, ma'nassa laNatarimai Allata'ala anjo passarenu. Lanatarimai situru' pakkullenu, tena nasituru' apa tenaya ri kau.

YOHANES 10:7

Sikalipa pole Nakana Isa, “Annaba tojengi anne kanangKu: INakkemi timungang naoloa gimbalaka.

PAMMILANGNGANG 23:19

Anjo Allata'ala tena nasangkamma rupataua gampanga assesse' lalang siagang nangaia a'balle-balle. Punna a'janji Allata'ala, mattantu laNarupai! Punna a'bicarai, tena taNagaukanNa!

KAIMANGNGANG 17:9

mae ri Batara, musti napassareangi ri dallekang pakke'bu' KemaNa Batara. Punna anjorengi ri tampa' maraenga napassareang, takkulleami nibilang anggota umma'Na Allata'ala.

KAIMANGNGANG 4:23

jari tena nasallo ri le'ba'na nasadari musti assarei koro'bang sikayu bembe laki tenaya callanna untu' nipammopporanna dosana.

KALAPPASSANG 35:5

Erangi passarenu mae ri Batara. Inai nipagio' atinna, musti assarei bulaeng, pera', siagang tambaga;

KALAPPASSANG 29:4

Suroi Harun siagang ana'-ana'na battu ri pakke'bu' KemaKu siagang natangkasi kalenna.

KAIMANGNGANG 16:7

Anjo ruaya bembe laki battu ri umma' Israel musti naerangi mange ri dallekang pakke'bu' KemaNa Batara.

KAIMANGNGANG 8:18

Nampa angngalle Musa gimbala' laki untu' koro'bang nitunu; na Harun siagang sikamma ana'na napadongkoki limanna ke'nanga ri tompo' ulunna anjo gimbalaka.

KAIMANGNGANG 7:16

Punna nia' tau angngerang koro'bang passiamakkang untu' anrupai tinja'na, yareka untu' koro'bang lanri ero' kalenna, tena naparallu nikanre ngaseng memang anjo alloa. Punna nia' la'binna akkullei nikanre ammukona.

KALAPPASSANG 38:1

Angngallei Bezaleel kayu akasia, nampa appare' tampa' pakkoro'bangngang untu' koro'bang nitunua. Anjo tampa' pakkoro'bangnganga appasagi pare'na; la'buna siagang sangkara'na massing-massing 2,2 metere', siagang tinggina 1,3 metere'.

KALAPPASSANG 36:3

Napassareammi Musa mae ri ke'nanga anjo sikontu apa napassareanga tu Israel untu' ambangungi KemaNa Batara. Mingka tulusu' angngeranna ija bansa Israel passare tunggala' bari'basa' mae ri Musa.

KALAPPASSANG 35:29

Sikontu tu Israelka massing naerammi passarena ke'nanga siagang ati maci'nonna mae ri Batara untu' jama-jamang Naparentakanga Batara tete ri Musa.

KALAPPASSANG 35:21

siagang inai-nai ta'gio' nyawana untu' assare, massing mangemi angngerangi passarena ri Batara untu' ampa'gannaki apa niparalluanga ri KemaNa Batara. Naerang tommi ke'nanga sikontu apa niparalluanga untu' ibada siagang bahang untu' pakeanna imanga.

PAMMILANGNGANG 23:30

Nagaukammi Balak anjo apa nakananga Bileam. Nakoro'bangkammi sikayu sapi laki siagang sikayu gimbala' laki irate ri tunggala' anjo tampa' pakkoro'bangnganga.

PAOLE 12:27

Koro'bang nitunua siagang koro'bang nikanrea dagenna musti nipassareangi irate ri tampa' pakkoro'bangnganNa Karaeng Allata'alanu siagang cera'na musti nitumpai ri rateanna anjo tampa' pakkoro'bangnganga.

PAMMILANGNGANG 23:27

Nakana Balak, “Umba ki'lampa mange ri tampa' maraenga. Inai angngassengi gassingka napa'biang jako Allata'ala antunrai bansa Israel untu' inakke ri anjo tampaka.”

KAIMANGNGANG 1:10

Punna gimbala' yareka bembe napassareang, musti lakia siagang tenaya callanna.

KAIMANGNGANG 4:15

Sikamma pamimping bansaya musti napadongkoki limanna ke'nanga ri tompo' ulunna anjo olo'-oloka, nampa nasamballe ri anjo tampaka.

KAIMANGNGANG 6:8

Batara Nasuroi Musa

KAIMANGNGANG 17:8

Punna nia' tu Israel yareka bansa maraeng ammantang tulia ri alla'na tu Israel assare koro'bang nitunu yareka koro'bang maraengang

PAMMILANGNGANG 15:3

Untu' koro'bang nitunu yareka koro'bang pa'bayara' tinja', yareka koro'bang ero' kalennu; yareka koro'bang ri sikamma allo lompo biasaya, akkulleko assare mae ri Batara iamintu: sapi laki, gimbala' laki, yareka bembe, yareka gimbala'. Rasanna anjo sikamma koro'banga napakasannangi nyawaNa Batara.

PAMMILANGNGANG 15:8

Punna anjo nikoro'bangkanga iamintu sikayu sapi laki untu' koro'bang nitunu yareka koro'bang pa'bayara' tinja' yareka koro'bang passiamakkang,

YEHEZKIEL 40:39

Ri anjo kamara' lompoa, nia' appa' mejang, ta'ruai ri sa'rinna. Irate ri anjo mejanga nipolong olo'-olo' koro'bang nitunua, yareka koro'bang pannangkasi dosaya yareka koro'bang untu' sambe karugiang.

KAIMANGNGANG 4:3

Punna anjo dorakaya iamintu Imang Lompoa, sa'genna ta'beso' ngaseng todong bansa Israel sala, musti assarei koro'bang iamintu sikayu sapi laki rungka, ia tenaya callanna, mae ri Batara sollanna nipammopporang salana.

KAIMANGNGANG 4:32

Punna nia' tau assare sikayu gimbala' untu' koro'bang nipammopporanna dosana, anjo gimbalaka musti gana siagang tenaya callanna.

KAIMANGNGANG 5:15

Punna nia' tau tena nakunjungi anggaukangi dosaya lanri takkaluppai ampassareangi sikamma passare parallua mae ri Batara, anjo taua musti angngerangi koro'bang passambe karugiang. Anjo koro'banga iamintu musti sikayu gimbala' laki yareka bembe laki ia tenaya callanna, siagang nianggaraka situru' tasserang ballinna ri KemaNa Batara.

KAIMANGNGANG 5:18

Untu' koro'bang sambe karugiang musti angngerangi anjo taua sikayu gimbala' laki yareka bembe laki ia tenaya callanna siagang nitassereka anggaranna situru' anggarang nipakea ri KemaNa Batara. Imanga nakoro'bangkangi anjo passarea untu' pannangkasina dosana anjo taua, na lanipammopporang ri Batara.

KAIMANGNGANG 6:2

Se'rea tau musti assarei koro'bang punna dorakai mae ri Batara, lanri tenana naero' ampoterangi apa-apa nabolika paranna tau mae ri ia, yareka natipui paranna tau, yareka nalukkaki barang-baranna, yareka nabuntulu'mi anjo baranga mingka assassalaki nassumpa.

KAIMANGNGANG 9:2

Nakanamo Musa mae ri Harun, “Angngalleko sikayu sapi laki rungka siagang sikayu gimbala' laki, rua-ruana tena ngaseng callanna. Passareangi anjo ruaya olo'-olo' mae ri Batara; anjo sapi lakia untu' koro'bang pammopporang dosa, nampa anjo gimbala' lakia untu' koro'bang nitunu.

KAIMANGNGANG 14:10

Ri allo makasagantujuna anjo taua musti angngerangi ruang kayu ana' gimbala' laki siagang sikayu ana' gimbala' gana umuru' sitaunga, yangasenna tena callanna. Pantaranganna anjo angngerang tongi tallu kilo labu' le'baka nipasileo' siagang minynya' zaitun siagang minynya' zaitun bage talluna se'rea litere'.

KAIMANGNGANG 23:12

Ri allo nupassareanna anjo gandunga, musti assare tongko untu' koro'bang nitunu iamintu sikayu gimbala' laki umuru' sitaunga siagang tenaya callanna.

KAIMANGNGANG 23:18

Siagang anjo rotia musti assare tongi tu Israel tuju kayu ana' gimbala' umuru' sitaunga, sikayu sapi laki rungka na ruang kayu bembe. Yangasenna takkulleai niaka callanna siagang musti nipassareangi untu' koro'bang nitunu mae ri Batara, siagang koro'bang nipatala kammayatompa koro'bang je'ne' anggoro'. Rasanna anjo koro'banga lanapakasannangi nyawaNa Batara.

PAMMILANGNGANG 19:2

untu' ampassareangi anne paratorang-paratoranga mae ri bansa Israel: Angngalleko sikayu sapi gana, ia sikolaka tanja'na siagang tenaya callanna kammayatompa tenayapa nale'ba' nipake untu' atteke' apa-apa.

PAMMILANGNGANG 28:11

Ri pakaramulanna tunggala' bulanga musti nipassareangi mae ri Batara koro'bang nitunua iamintu ruang kayu sapi laki rungkaya, sikayu gimbala' laki, tuju kayu ana' gimbala' laki umuru' sitaunga, massing tenaya ngaseng callanna.

PAMMILANGNGANG 28:19

Passareangi mae ri Batara koro'bang nitunua iamintu ruang kayu sapi laki rungkaya, sikayu gimbala' laki, siagang tuju kayu ana' gimbala' laki umuru' tassitaunga, massing tenaya ngaseng callanna.

PAMMILANGNGANG 28:31

Anjo sikamma koro'banga siagang koro'bang anggoro'na a'jari pannambai mae ri koro'bang tunggala' alloa siagang koro'bang nipatalaya.

PAMMILANGNGANG 29:2

Passareang tongi mae ri Batara koro'bang nitunua iamintu sikayu sapi laki rungkaya, sikayu gimbala' laki, siagang tuju kayu ana' gimbala' laki umuru' tassitaunga, massing tenaya ngaseng callanna. Rasanna anjo koro'banga napakasannangi nyawaNa Batara.

2 PATTOTTORANG 29:32

Angngerangi ke'nanga 70 sapi laki, 100 gimbala', siagang 200 ana' gimbala', nampa napassareang untu' a'jari koro'bang nitunu mae ri Batara.

2 PATTOTTORANG 35:12

Tunggala' kalompo' kaluarga niaka hadere' anjoreng massing anggappai tassikayu battu ri anjo koro'bang nipassareanga salaku koro'bang nitunu. Jari akkullemi ke'nanga assare koro'bang situru' paratorang niaka tattulisi' lalang ri kitta' Hukkung Napassareanga Musa.